¿Bix le Kʼaasilbaʼaloʼ?
Baʼax ku yaʼalik le Bibliaoʼ
Le Kʼaasilbaʼaloʼ juntúul espíritu, leloʼ u kʼáat u yaʼaleʼ u wíinklileʼ maʼ bey jeʼex le yaantoʼonaʼ, le oʼolal maʼ tu páajtal u yilaʼal (Efesios 6:11, 12).
Yaan máax tuklikeʼ le Kʼaasilbaʼaloʼ bey juntúul máak chíikaʼan tiʼ juntúul chivoeʼ, yaan u baakoʼob, yaan u nej yéetel u machmaj junpʼéel baʼal bey trinchanteiʼ. Bey káajik u pintartaʼal kex mil años beoraaʼ, tumen maʼ xaaneʼ bey u creertaʼal kaʼach tumen le griegoʼoboʼ.
¿Baʼax ku yaʼalik le Biblia yoʼolal le Kʼaasilbaʼaloʼ?
Le Bibliaoʼ maʼatech u yaʼalik jach bix u wíinklil pero ku yaʼalik bix u modos yéetel baʼaxoʼob ku beetik. Koʼox ilik jujunpʼéel bix u keʼetel teʼ Bibliaoʼ:
Bey juntúul u ángelil sáasileʼ. Ku beetik u yilaʼal jach maʼalob le baʼaloʼob kʼaastakoʼ chéen utiaʼal ka beetaʼak baʼax u kʼáat letiʼ, maʼ le baʼax uts tu tʼaan Diosoʼ (2 Corintios 11:14).
Juntúul león ku yáakam. Ku beetik u sen muʼyaj máaxoʼob meyajtik Dios (1 Pedro 5:8).
Juntúul nojoch kaan. Kʼasaʼan, yaan u poder yéetel ku beetik u muʼyaj máak (Apocalipsis 12:9).
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Jach wa tu jaajil yaan le Kʼaasilbaʼaloʼ?
¿Jach wa tu jaajil yaan le Kʼaasilbaʼaloʼ wa chéen letiʼe kʼasaʼanil yaan tiʼ máakoʼ?
LE MÁAX KU KANANOʼ
Le Kʼaasilbaʼaloʼ ¿chéen wa letiʼe baʼax kʼaasoʼ?
Kaʼapʼéel tsikbal yaan teʼ Bibliaoʼ ku yeʼesil u jaajil yoʼolal le Kʼaasilbaʼaloʼ.
U KAʼANSAJ LE BIBLIAOʼ
Kʼáat ka tsʼaʼabaktech xook
Kʼáat ka tsʼaʼabaktech xook yéetel le Bibliaoʼ, ilawil bix jeʼel a beetik le baʼax ka kanikoʼ.