Xeen tiʼ baʼax ku taasik

U testigoʼob Jéeoba

Yéey u idiomail maaya

U j-jaajkunajoʼob Jéeobaeʼ ¿ku yeʼeskoʼob wa tsiikil tiʼ u maasil religionoʼob?

Toʼoneʼ k-eʼesik tsiikil tiʼ «tuláakal u jejeláasil máakoʼob» jeʼex u yaʼalik le Bibliaoʼ, kex jeʼel baʼalak creencia yaantiʼobeʼ (1 Pedro 2:17). Junpʼéel ejemplo: kex tiʼ jujunpʼéel luʼumoʼob yaan u milesil j-Jaajkunajoʼobeʼ, toʼoneʼ maʼ táan k-kʼáatik tiʼ le gobiernoʼob ka u prohibirtoʼob u maasil religionoʼoboʼ. Tsʼoʼoleʼ maʼ táan k-ilik ka kʼeʼexek le leyoʼob utiaʼal ka kuxlak tuláakal máak jeʼex kuxlikoʼon toʼonoʼ. K-eʼesik tsiikil tiʼ u maasil, tumen bey k-kʼáat ka beetaʼak xan toʼonoʼ (Mateo 7:12).