Xeen tiʼ baʼax ku taasik

U testigoʼob Jéeoba

Yéey u idiomail maaya

U j-jaajkunajoʼob Jéeobaeʼ ¿cristianoʼob wa?

U j-jaajkunajoʼob Jéeobaeʼ ¿cristianoʼob wa?

Jaaj, toʼoneʼ cristianoʼon. Ilawil baʼaxten:

  • K-tsʼáaik k-óol kuxtal jeʼex kuxlajik yéetel jeʼex tu kaʼansilak Jesucristoeʼ (1 Pedro 2:21).

  • K-creertikeʼ «minaʼan salvación tu yoʼolal uláakʼ máak», chéen yoʼolal Cristo, «tumen way Luʼumeʼ maʼ tsʼaʼan uláakʼ kʼaabaʼ ichil le máakoʼob utiaʼal ka páajchajak k-salvartaʼal[oʼ]» (Baʼaxoʼob 4:12).

  • Ken okjaʼanakoʼon bey u j-jaajkunaj Jéeobaeʼ, k-okjaʼ tu kʼaabaʼ Jesús (Mateo 28:18, 19).

  • Suuk k-orar tu kʼaabaʼ Jesús (Juan 15:16).

  • K-creertikeʼ Cristo u pool le xiiboʼ; tuláakal xiib unaj u yuʼubik u tʼaan Jesucristo (1 Corintoiloʼob 11:3).

Baʼaleʼ yaan baʼaxoʼob eʼesik jelaʼanoʼon tiʼ uláakʼ religionoʼob ku yaʼalikubaʼob cristianoʼob. Toʼoneʼ k-creertikeʼ, jeʼex u yaʼalik le Bibliaoʼ, Jesuseʼ u Hijo Dios, maʼ junpʼéel Trinidadiʼ (Marcos 12:29). Tsʼoʼoleʼ maʼ t-creertik wa yaan u piixan máak ku bin infierno utiaʼal u muʼyaj minaʼan u xuul, mix k-creertik wa unaj u nojbaʼalkúuntaʼal u nuuktakil religionoʼob yoʼolal bix u tʼaʼanloʼob (Eclesiastés 9:5; Ezequiel 18:4; Mateo 23:8-10).