Xeen tiʼ baʼax ku taasik

U testigoʼob Jéeoba

Yéey u idiomail maaya

U fotoiloʼob Warwick 1 (mayo tak agosto tiʼ 2014)

U fotoiloʼob Warwick 1 (mayo tak agosto tiʼ 2014)

U j-jaajkunajoʼob Jéeobaeʼ táan u beetkoʼob nukuch najoʼob tuʼux kun antal le túumben sede mundial tu kaajil Warwick (Nueva York). Desde mayo tak agosto tiʼ 2014, yaʼab meyaj beetaʼab teʼ taller mecanicooʼ, teʼ edificio utiaʼal oficinaʼob yéetel uláakʼ kúuchiloʼob kʼaʼabéetoʼoboʼ, bey xan teʼ residencia C yéetel D tuʼux kun kajtal le betelitaʼoboʼ. Le fotoʼobaʼ ku yeʼesik jujunpʼéel tiʼ le meyajoʼob beetaʼab teʼ mesoʼoboʼ.

U dibujoil le edificioʼob kun beetbil Warwickoʼ.

  1. Taller mecánico

  2. Estacionamiento utiaʼal uʼulaboʼob

  3. U edificioil mantenimiento/Estacionamiento utiaʼal betelitaʼob

  4. Residencia B

  5. Residencia D

  6. Residencia C

  7. Residencia A

  8. Oficinaʼob/Uláakʼ kúuchiloʼob kʼaʼabéetoʼob

1 tiʼ mayo tiʼ 2014 (Tuʼux ku yúuchul meyaj Warwick)

Desde noojol-chikʼineʼ ku yilaʼal u lagoil Sterling Forest (Blue Lake) yaan teʼ xamanoʼ. Táanileʼ ku yilaʼal le meyaj táan u beetaʼal tu sotanoil residencia D. Paachil, naatsʼ tiʼ le lagooʼ, táan u beetaʼal pakʼoʼob de concreto utiaʼal residencia C.

14 tiʼ mayo tiʼ 2014 (Tuʼux ku armartaʼal baʼaloʼob)

J-meyajoʼob táan u armartikoʼob junpʼéel baño utiaʼal u tsʼaʼabal teʼ resideciaʼoboʼ. Le bañoaʼ ku tsʼaʼabal u marcoiloʼob, u pakʼiloʼob, u kúuchil tuʼux kun ichkíil máak, u tubosil utiaʼal u máan iikʼ, u tubosil utiaʼal jaʼ, yéetel ku instalartaʼal u corrienteil. Ken tsʼaʼabak ichil le edificiooʼ chéen junpʼíit baʼaloʼob kun bineltiktiʼ.

22 tiʼ mayo tiʼ 2014 (Taller mecánico)

Jujuntúul plomeroʼob táan u meyajoʼob teʼ sotanooʼ. Mientras táan u beetaʼal le u maasil najoʼoboʼ way ku muchʼtal janal 500 u túulul j-meyajoʼobeʼ. Ken tsʼoʼoksaʼak uláakʼ cuartoʼob tiʼ le edificioaʼ yaan u páajtal u muchʼkuba janal uláakʼ 300. Baʼaleʼ ken tsʼoʼoksaʼak u maasil edificioʼobeʼ yaan u xuʼulul u muchʼkuba janal le sukuʼunoʼob teʼelaʼ tumen yaan u káajal u meyaj bey tallereʼ.

2 tiʼ junio tiʼ 2014 (Taller mecánico)

Junmúuchʼ j-meyajoʼobeʼ táan u jaykoʼob luʼum teʼ techooʼ utiaʼal u tsʼáaikoʼob paakʼaloʼobiʼ. U tuukulileʼ u kanáantaʼal yóokʼol kaab yéetel maʼ u sen xuʼupul corriente. Ken taalak cháakeʼ le paakʼaloʼoboʼ ku tsʼutsʼkoʼob le jaʼoʼ yéetel ku limpiokúunskoʼob.

5 tiʼ junio tiʼ 2014 (Oficinaʼob/Uláakʼ kúuchiloʼob kʼaʼabéetoʼob)

Le edificioaʼ óoxjaats yaantiʼ. Tuláakaleʼ 42,000 metros cuadrados. Teʼ fotoaʼ ku yilaʼal jujuntúul j-meyajoʼob tiʼ junpʼéel empresa táan u kʼaxkoʼob cabillas (varillas de acero) utiaʼal u yantal u muukʼ le columnaʼoboʼ.

18 tiʼ junio tiʼ 2014 (Taller mecánico)

J-meyajoʼob táan u takʼikoʼob tela asfáltica (nookʼ paʼapakʼaʼan yéetel chapopote) teʼ techo yéetel junpʼéel soplete de propanooʼ. U kʼaxmubaʼob utiaʼal maʼ u lúubloʼob.

24 tiʼ junio 2014 (Residencia C)

Táan u tsʼaʼabal tubos yéetel uláakʼ baʼaxoʼob kʼaʼabéet utiaʼal calefacción, ventilación yéetel aire acondicionado. U 35% le máaxoʼob ku meyajoʼob Warwickoʼ koʼoleloʼob.

11 tiʼ julio tiʼ 2014 (Montgomery, Nueva York)

Le edificio maʼan febrero tiʼ 2014, bejlaʼeʼ táan u meyaj bey bodegaeʼ yéetel teʼ ku armartaʼal le baʼaloʼob ku meyaj teʼ construccionoʼ. U pisoileʼ 20,000 metros cuadrados yaantiʼ. Le cajas saktak ku yilaʼal paachiloʼ letiʼe baños tsʼoʼok u armartaʼaloʼ yéetel listoʼob utiaʼal bisbil tuʼux kun tsʼaabil.

24 tiʼ julio tiʼ 2014 (Residencia C)

Le fotoaʼ chʼaʼab tu xaman-lakʼin le residencia C. Teʼelaʼ yaan u kajtal 200 betelitaʼob. Tiʼ cada betelitaeʼ yaan u tsʼaʼabal 30 wa 50 metros cuadrados utiaʼal u kajtaliʼ; yaan u yantal u chan cocina, junpʼéel baño yéetel junpʼéel chan balcón.

25 tiʼ julio tiʼ 2014 (U edificioil mantenimiento/Estacionamiento utiaʼal betelitaʼob)

Táan u prepartaʼal le terreno utiaʼal u káajal le meyajoʼ. Teʼ x-tsʼíikoʼ ku chíikpajal junpʼéel máquina táan u paʼik le tuunich kun meyajoʼ. Ken tsʼoʼokok le meyajoʼobaʼ tsʼokaʼaniliʼ u páanaʼal 260,000 metros cúbicos luʼum. Sáamsamaleʼ ku meyaj kex 23 u pʼéelel volquetes.

30 tiʼ julio tiʼ 2014 (Taller mecánico)

Táan u yúuchul paakʼal teʼ techooʼ.

8 tiʼ agosto tiʼ 2014 (Tuʼux ku yúuchul meyaj Warwick)

Foto chʼaʼab desde tu punta junpʼéel grúa waʼalakbal le tuʼux kun beetbil u edificioil le oficinaʼoboʼ. Le máax chʼaʼ le fotooʼ táan u paakat kaʼach noojol-chikʼin. Teʼ tiʼits yaan kabal ta x-tsʼíikoʼ tiaʼan le estacionamiento utiaʼal uʼulaboʼoboʼ. Teʼeloʼ sáamsamal ku chuʼupul yéetel cocheʼob yoʼolal le máaxoʼob ku taaloʼob meyajoʼ. Yaneʼ ku viajaroʼob tak 12 horas utiaʼal u meyajoʼob óoxpʼéel wa tak kanpʼéel kʼiin.

13 tiʼ agosto tiʼ 2014 (Taller mecánico)

U meyajil le tuʼux jáan tsʼaʼab le comedoroʼ taʼaytak u tsʼoʼokol. Teʼ pantallaʼob yéetel bocinaʼob kun tsʼaabiloʼ yaan u páajtal u chaʼantaʼal le adoración matutina yéetel uláakʼ baʼaloʼob kun máansbil desde tu sucursalil Estados Unidosoʼ.

14 tiʼ agosto tiʼ 2014 (Oficinaʼob/Uláakʼ kúuchiloʼob kʼaʼabéetoʼob)

Ku tsʼaʼabal u concretoil (wa ku colartaʼal u yáax pisoil). Teʼ x-noʼojoʼ yaan juntúul máak táan u meyaj yéetel junpʼéel máquina ku bibrartik le concreto utiaʼal u kojbal, beyoʼ maʼ tu pʼáatal jolxux ken tijik.

14 tiʼ agosto tiʼ 2014 (Oficinaʼob/Uláakʼ kúuchiloʼob kʼaʼabéetoʼob)

Táan u tsʼaʼabal tubos tuʼux kun máan u cablesil le corriente yáanal le sotanooʼ.

14 tiʼ agosto tiʼ 2014 (Oficinaʼob/Uláakʼ kúuchiloʼob kʼaʼabéetoʼob)

Jach taʼaytak u tsʼoʼoksaʼal u firmeil le yáax pisooʼ. Tsʼoʼok u láalaʼal maas tiʼ 540 metros concreto; tak beoraaʼ letiʼe baʼax tsʼoʼok u bisik maas yaʼab concretooʼ. Tuláakal le concreto meyajnajoʼ tiʼ junpʼéel planta mezcladora preparartaʼabi; utiaʼal u bisaʼal teʼ tuʼux kun láalbiloʼ meyajnaj ocho u pʼéelel nukuch camionoʼob yaan u mezcladorailoʼob bey xan kaʼapʼéel u bombailoʼob cocreto. Tuláakal le meyaj beetaʼaboʼ cinco horas y media tu bisaj. Le torre ku yilaʼal chúumukoʼ letiʼe tuʼux tsʼaʼan le escaleraʼoboʼ.

14 tiʼ agosto tiʼ 2014 (Residencia C)

Táan u beetaʼal u pretilil le techooʼ. Teʼ paachiloʼ ku yilaʼal máakoʼob táan u beetkoʼob u sótanoil le Residencia A.

15 tiʼ agosto tiʼ 2014 (Residencia C)

Yéetel junpʼéel grúaeʼ táan u naʼaksaʼal junpʼéel baño tsʼoʼok u armartaʼal utiaʼal tsʼaabil teʼ óoxpʼéel pisooʼ. Yaʼab tiʼ le baʼaxoʼob ku meyaj teʼ Warwickoʼ ku yáax meyajtaʼaloʼob, ken tsʼoʼokok túuneʼ chéen ku tsʼaʼabaloʼob tuʼux unaj u bin ichil le edificioʼoboʼ. Beyoʼ maʼ chochoʼkil le tuʼux ku beetaʼal le edificioʼoboʼ yéetel maas séeb kun tsʼoʼokol le meyajoʼ.

20 tiʼ agosto tiʼ 2014 (Residencia C)

Jujuntúul máakoʼob boʼotaʼanoʼob tumen junpʼéel empresa táan u takʼkoʼob pakʼoʼob yáax meyajtaʼanoʼob. Le pakʼoʼobaʼ ku yáantaj utiaʼal maʼ u xuʼuxupaʼal yaʼab corriente wa uláakʼ baʼaloʼobiʼ. Yáaxeʼ maʼ yaʼab mantenimiento kʼaʼabéettiʼobiʼ, tsʼoʼoleʼ mix pintura ken u bisoʼob tumen tsʼaʼan color tiʼob desde ka colartaʼaboʼob. Chéen chʼaʼabil u taʼakʼaloʼob, le oʼolaleʼ séeb kun tsʼoʼoksbil le edificioʼoboʼ.

31 tiʼ agosto tiʼ 2014 (Tuʼux ku yúuchul meyaj Warwick)

Bix u yilaʼal le contrucción desde noojol-chikʼin. Táanileʼ ku yilaʼal le meyaj tsʼoʼok u beetaʼal utiaʼal u tsʼoʼoksaʼal u wíinklil le Residencia D. Paachileʼ tiaʼan le Residencia C taʼaytak u tsʼoʼoksaʼaloʼ.