Xeen tiʼ baʼax ku taasik

U testigoʼob Jéeoba

Yéey u idiomail maaya

U fotoiloʼob Wallkill 1 (julio tiʼ 2013 tak octubre tiʼ 2014)

U fotoiloʼob Wallkill 1 (julio tiʼ 2013 tak octubre tiʼ 2014)

U j-jaajkunajoʼob Jéeobaeʼ táan u túumbenkúunskoʼob le edificioʼob yaan tu kaajil Wallkill (Nueva York). Teʼ fotoʼobaʼ ku yilaʼal jujunpʼéel tiʼ le meyajoʼob beetaʼab julio tiʼ 2013 tak octubre tiʼ 2014. Ku tuklaʼaleʼ noviembre tiʼ 2015 ken láaj tsʼoʼoksaʼak le meyajoʼ.

Bix u yilaʼal desde kaʼanal u edificioiloʼob Wallkill (21 tiʼ octubre tiʼ 2013).

  1. Tuʼux ku líiʼsaʼal neekʼoʼob (juʼut enero tiʼ 2014)

  2. Tuʼux ku pʼoʼobol nookʼ

  3. Kúuchil janal

  4. Residencia E

  5. Kúuchiloʼob kʼaʼabéet tiʼ le betelitaʼoboʼ

  6. Imprenta

  7. U chan áalkab jaʼil Shawangunk Kill

12 tiʼ julio tiʼ 2013 (Tuʼux ku pʼoʼobol nookʼ)

Táan u tsʼaʼabal yéetel grúa le pakʼoʼob yáax meyajtaʼanoʼoboʼ.

19 tiʼ julio tiʼ 2013 (Residencia E)

Táan u tsʼaʼabal junpʼéel tira de polímero xaʼakʼtaʼan yéetel fibra (PRF) tiʼ junpʼéel jool beetaʼab teʼ piso de concretooʼ. Utiaʼal maʼ u júutul le edificioʼob ken yanak terremotoeʼ meyajnaj maas tiʼ 7,600 metros fibra de carbono.

5 tiʼ agosto tiʼ 2013 (Residencia E)

Táan u yutskíintaʼal junpʼéel pakʼ beetaʼan yéetel tabiques.

30 tiʼ agosto tiʼ 2013 (Tuʼux ku pʼoʼobol nookʼ)

Táan u tsʼaʼabal u wíinklil le naj tuʼux kun antal le maquinaʼob pʼoʼik yéetel tikinkúunsik le nookʼoʼ.

17 tiʼ septiembre tiʼ 2013 (Residencia E)

Juntúul máakeʼ táan u takʼik junpʼéel tela impermeable utiaʼal maʼ u yokol jaʼ teʼ techooʼ.

15 tiʼ octubre tiʼ 2013 (Residencia E)

Kaʼatúul máakoʼobeʼ táan u yilkoʼob wa maʼ pʼáat jolxux yáanal le tiras de polímero xaʼakʼtaʼan yéetel fibraoʼ (PRF). Wa yaan tuʼux maʼ pʼáat maʼalobeʼ ku taʼakʼal uláakʼ tiraʼob PRF.

15 tiʼ noviembre tiʼ 2013 (Tuʼux ku pʼoʼobol nookʼ)

Táan u tsʼaʼabal junpʼéel extractor teʼ techo utiaʼal u pulik iikʼ paachiloʼ.

9 tiʼ diciembre tiʼ 2013 (Residencia E)

Táan u inyectartaʼal sellador tuʼux wéej xiikil le techooʼ. Le meyaj beetaʼab utiaʼal ka yanak u muukʼ le edificio yéetel maʼ u júutul ken yanak terremotooʼ año y medio tu bisaj.

11 tiʼ diciembre tiʼ 2013 (Tuʼux ku pʼoʼobol nookʼ)

Juntúul máakeʼ táan u listokíintik le tuʼux kun tsʼaabil le maquinaʼob bombeartik le jaʼ suciooʼ.

10 tiʼ enero tiʼ 2014 (Tuʼux ku líiʼsaʼal neekʼoʼob)

Táan u juʼutul le granero tuʼux ku líiʼsaʼal kaʼach neekʼoʼob tu jaʼabiloʼob 1960 tak 2008. Xuʼul u meyaj tumen bejlaʼeʼ minaʼan kaaxoʼob, wakaxoʼob mix kʼéekʼenoʼobiʼ.

22 tiʼ enero tiʼ 2014 (Kúuchiloʼob kʼaʼabéet tiʼ le betelitaʼoboʼ)

Táan u luʼsaʼal le sillaʼob utiaʼal u túumbenkunsaʼal le auditoriooʼ.

29 tiʼ enero tiʼ 2014 (Tuʼux ku líiʼsaʼal neekʼoʼob)

Ichil le siloʼobaʼ (contenedores) tiʼ ku líiʼsaʼal kaʼach u yoʼoch le baʼalcheʼoboʼ.

3 tiʼ marzo tiʼ 2014 (Imprenta)

Táan u beetaʼal le edificio tuʼux kun antal le Departamento de Capacitación Técnicaoʼ.

4 tiʼ julio tiʼ 2014 (Tuʼux ku pʼoʼobol nookʼ)

Táan u soldartaʼal junpʼéel columna utiaʼal u maas yantal u muukʼ.

19 tiʼ septiembre tiʼ 2014 (U kúuchil janal le residencia E)

Táan u tsʼaʼabal u alfombrail le tuʼux ku janal kaʼach le máaxoʼob ku meyajoʼob teʼ construccionoʼ.

22 tiʼ septiembre tiʼ 2014 (Residencia E)

Jujuntúul j-meyajoʼobeʼ táan u tsʼáaikoʼob tablaroca ichil junpʼéel cuarto.

24 tiʼ septiembre tiʼ 2014 (Kúuchiloʼob kʼaʼabéet tiʼ le betelitaʼoboʼ)

Táan u tsʼaʼabal cabillas utiaʼal u maas yantal u muukʼ le tuʼux kun tsʼaabil le elevadoroʼ.

2 tiʼ octubre tiʼ 2014 (U kúuchil janal le residencia E)

Úuchik u maas nojochkíintaʼal le tuʼux ku yúuchul jaanloʼ bejlaʼeʼ jeʼel u bisik tak 1,980 máakoʼobeʼ.

22 tiʼ octubre tiʼ 2014 (Kúuchiloʼob kʼaʼabéet tiʼ le betelitaʼoboʼ)

Táan u páanaʼal u chuun junpʼéel columna utiaʼal u maas nojochkíintaʼal. Lelaʼ ku beetaʼal utiaʼal maʼ u juutul le edificio ken yanak junpʼéel terremotooʼ.