Xeen tiʼ baʼax ku taasik

U testigoʼob Jéeoba

Yéey u idiomail maaya

U j-jaajkunajoʼob Jéeobaeʼ ku kaʼanskoʼob familiaʼob u kanáantubaʼob tiʼ le máaxoʼob beetik óolal tiʼ paalaloʼ

U j-jaajkunajoʼob Jéeobaeʼ ku kaʼanskoʼob familiaʼob u kanáantubaʼob tiʼ le máaxoʼob beetik óolal tiʼ paalaloʼ

Le Bibliaoʼ ku yaʼalik tiʼ le taatatsiloʼoboʼ u paalaloʼobeʼ junpʼéel siibal ku taal tiʼ Dios, le oʼolal unaj u yaabiltikoʼob, u kanáantkoʼob yéetel u nuʼuktikoʼob (Salmo 127:3; Proverbios 1:8; Efesoiloʼob 6:1-4). Bejlaʼeʼ yaʼab baʼax kʼaas jeʼel u yúuchul tiʼ le paaloʼoboʼ. Junpʼéel tiʼ leloʼ letiʼe u beetaʼal óolal tiʼoboʼ wa u violartaʼaloʼob. Le oʼolal jach kʼaʼabéet u kanáantaʼaloʼob tumen u taataʼob.

U j-jaajkunajoʼob Jéeobaeʼ desde úuch joʼopʼok u beetkoʼob publicacionoʼob utiaʼal u yáantkoʼob le familiaʼob utiaʼal ka yanak kiʼimak óolal tiʼoboʼ. Tsʼoʼok xan u jóoʼskoʼob revistaʼob, libroʼob, videoʼob yéetel uláakʼ baʼaloʼob utiaʼal u yáantikoʼob le taatatsiloʼob u kanáant u paalaloʼob yéetel u kaʼanskoʼob u kanáantubaʼob tiʼ le máakoʼob yaan kʼaakʼas tuukul tiʼoboʼ. Teʼ lista yaan kabaloʼ jeʼel u páajtal a wilik bukaʼaj publicacionoʼob beetaʼan, jaypʼéel imprimirtaʼabi yéetel ich jaypʼéel idiomaʼob jóoʼsaʼabi. *

U j-jaajkunajoʼob Jéeobaeʼ yaan u seguer u kaʼanskoʼob le taatatsiloʼob utiaʼal u kanáantik u paalaloʼob tiʼ le máaxoʼob jeʼel u beetik óolal tiʼoboʼ.

^ xóot’ol 3 Le fechaʼoboʼ letiʼe ka jóokʼ ich españoloʼ.