Kʼaay 138
A kʼaabaʼeʼ Jéeoba
-
Teech tsʼáa le kuxtaloʼ.
Teech beet le yóokʼol kaaboʼ.
Chéen teech le Dios kuxaʼanoʼ.
A kʼaabaʼeʼ Jéeoba.
Techeʼ ta yéeyajoʼon
ichil le yóokʼol kaaboʼ,
tiaʼal k-áantik yaʼabach máakoʼob.
Le oʼolal kiʼimak k-óol.
(CORO)
Jéeoba Dios, Jéeoba Dios,
minaʼan dios jeʼex techoʼ,
mix way Luʼumeʼ mix teʼ kaʼanoʼ.
Chéen teech u jaajil Dios.
K-tsʼáaik ojéeltbil tiʼ yaʼab máakoʼob
le muukʼ yaan tiʼ techoʼ.
Jéeoba Dios, Jéeoba Dios
minaʼan uláakʼ dios jeʼex techoʼ.
-
Le Dios k-meyajtikoʼ
ku béeytal le baʼax yaʼalmoʼ.
Le Dios sen áantikoʼonoʼ
u kʼaabaʼeʼ Jéeoba.
Letiʼeʼ u yaʼalmajtoʼon
ka k-bis le kʼaabaʼ yaantiʼoʼ.
¡Jatsʼuts meyaj tu tsʼáajtoʼon!
Le oʼolal kiʼimak k-óol.
(CORO)
Jéeoba Dios, Jéeoba Dios,
minaʼan dios jeʼex techoʼ,
mix way Luʼumeʼ mix teʼ kaʼanoʼ.
Chéen teech u jaajil Dios.
K-tsʼáaik ojéeltbil tiʼ yaʼab máakoʼob
le muukʼ yaan tiʼ techoʼ.
Jéeoba Dios, Jéeoba Dios
minaʼan uláakʼ dios jeʼex techoʼ.
(Ilaʼak xan 2 Cró. 6:14; Sal. 72:19; Isa. 42:8.)
