¿Baʼax jeʼel u yáantkech utiaʼal u chúukpajal a wóol ken muʼyajnakecheʼ? U suuktal a xakʼalxoktik u Tʼaan Dios jeʼex Danieleʼ (Da 9:2). ¿Baʼax utsiloʼob jeʼel u taasiktecheʼ? Ku yáantkech utiaʼal a maas creertik yaan u béeytal u promesaʼob Dios (Jos 23:14). Ku beetik xan a maas yaabiltik yéetel ku túulchʼintikech a beet baʼax maʼalob (Sl 97:10). Chéen baʼaleʼ, ¿bix jeʼel a xakʼalxook jeʼex unajeʼ? Koʼox ilik baʼax jeʼel u yáantkecheʼ.

• ¿Baʼax jeʼel in xakʼalxoktikeʼ? Jeʼel u páajtal a líiʼskaba utiaʼal le muchʼtáambaloʼoboʼ bey xan a xakʼalxoktik cada semana le baʼax maʼ ta naʼatik tiʼ u xookil le Bibliaoʼ. Yaan máaxeʼ uts tu tʼaan u xakʼalxoktik le profecíaʼoboʼ, u yich le kiliʼich muukʼoʼ, le jejeláas viajeʼob tu beetaj Pablo utiaʼal u kʼaʼaytajoʼ wa le baʼaxoʼob u beetmaj Diosoʼ. Wa ichil le kʼiin ku taal ta pool wa baʼax taak a wojéeltik tiʼ le Bibliaoʼ, tsʼíibte yéetel ilawil a xakʼaltik le ken kaʼa xooknakech.

• ¿Baʼax jeʼel u yáantken xakʼalxookeʼ? Utiaʼal a wilik baʼaxeʼ, chaʼant le video Nuʼukuloʼob jeʼel u meyajtoʼon utiaʼal k-xakʼalxookeʼ. Utiaʼal a practicareʼ, xakʼalt baʼax ku chíikbesik cada juntúul tiʼ le baʼalcheʼob ku yaʼalaʼal teʼ capítulo 7 tiʼ Danieloʼ.

• ¿Bukaʼaj tiempo unaj in xakʼalxook? Utiaʼal u maas muʼukʼaʼantal a fejeʼ kʼaʼabéet a xakʼalxook mantatsʼ. Maʼ xaaneʼ tu káajbaleʼ maʼalob ka xakʼalxooknakech chéen junsúutuk, jujunpʼíitileʼ ilawil u maas xáantal. U xook máakeʼ bey jeʼex u kaxtik oroeʼ, jeʼex u bin u kaxtikeʼ bey kun bin u maas taaktal u páanik (Pr 2:3-6). Wa ka beetik beyaʼ yaan a maas yaabiltik u Tʼaan Dios yéetel yaan u suuktal a xokik le Bibliaoʼ (1Pe 2:2).

• Da 7:4

• Da 7:5

• Da 7:6

• Da 7:7

ULÁAKʼ KʼÁATCHIʼ:

¿Bix béeychajik Daniel 7:8 yéetel 24?

TAREA:

¿Baʼax ku chíikbesik le baʼalcheʼob ku yaʼalik Apocalipsis capítulo 13?