Jesuseʼ tu yaʼalaj: «Siibil ta kʼamileʼex, siibil xan ka a tsʼáaʼex» (Mt 10:8). Le oʼolal toʼoneʼ maʼ t-konik le Bibliaoʼ mix le publicacionoʼob k-beetkoʼ (2Co 2:17). Chéen baʼaleʼ le publicacionoʼobaʼ ku taasik kaʼansajoʼob jach kʼaʼanaʼantak ku taal tiʼ u Tʼaan Dios. Utiaʼal u imprimirtaʼal yéetel u túuxtaʼal tiʼ tuláakal le múuchʼuliloʼoboʼ, yaʼab muukʼ yéetel taakʼin ku xuʼupul. Le beetkeʼ chéen unaj k-chʼaʼik le publicacionoʼob kʼaʼabéettoʼonoʼ.

Tukult maʼalob máax tiʼ ken a pʼat le publicacionoʼoboʼ, tak le táan a kʼaʼaytaj tuʼux yaʼab u máan le máakoʼoboʼ (Mt 7:6). Tu lugar a chéen tʼoxik publicacionoʼobeʼ, ilawil a tsikbal yéetel le máakoʼob utiaʼal a wilik wa tu jaajil taak u kaanbaloʼoboʼ. Utiaʼal a wilik wa maʼalob ka a pʼat junpʼéel publicación tiʼ wa máaxeʼ, núuk le kʼáatchiʼob yaan tu cuadroil le xookaʼ. Wa maʼ seguroecheʼ pʼat chéen junpʼéel tratado tiʼ. Baʼaleʼ wa ku kʼáatik junpʼéel revista wa uláakʼ publicacioneʼ maʼalob ka a tsʼáatiʼ (Pr 3:27, 28).