Génesis 5:1-32
5 Lelaʼ u tsikbalil u kuxtal Adán. Le kʼiin ka tu beetaj Adáneʼ, Dioseʼ tu beetaj chíikaʼan tiʼ letiʼ.+
2 Letiʼeʼ tu beetaj xiib yéetel koʼolel.+ Teʼ kʼiin ka beetaʼaboʼob tumen Diosoʼ+ bendecirtaʼaboʼob ka tsʼaʼab u kʼaabaʼtoʼob Máak.*
3 Adáneʼ 130 años yaantiʼ ka síij juntúul u hijo chíikaʼan tiʼ letiʼ, ka tu tsʼáaj u kʼaabaʼt Set.+
4 Ka tsʼoʼok u síijil Seteʼ, Adáneʼ kuxlaj uláakʼ 800 años. Yanchaj xan uláakʼ u hijoʼob yéetel u hijaʼob.
5 Tuláakal túun u kʼiiniloʼob u kuxtal Adáneʼ tu chukaj 930 años. Lelaʼ letiʼe bukaʼaj años yaantiʼ ka kíimoʼ.+
6 Seteʼ 105 años yaantiʼ ka síij Enós,+ u hijo.
7 Ka tsʼoʼok u síijil Enóseʼ, Seteʼ kuxlaj uláakʼ 807 años. Yanchaj xan uláakʼ u hijoʼob yéetel u hijaʼob.
8 Tuláakal túun u kʼiiniloʼob u kuxtal Seteʼ tu chukaj 912 años. Lelaʼ letiʼe bukaʼaj años yaantiʼ ka kíimoʼ.
9 Enóseʼ 90 años yaantiʼ ka síij Kenán, u hijo.
10 Ka tsʼoʼok u síijil Kenáneʼ, Enóseʼ kuxlaj uláakʼ 815 años. Yanchaj xan uláakʼ u hijoʼob yéetel u hijaʼob.
11 Tuláakal túun u kʼiiniloʼob u kuxtal Enóseʼ tu chukaj 905 años. Lelaʼ letiʼe bukaʼaj años yaantiʼ ka kíimoʼ.
12 Kenáneʼ 70 años yaantiʼ ka síij Malalel,+ u hijo.
13 Ka tsʼoʼok u síijil Malaleleʼ, Kenáneʼ kuxlaj uláakʼ 840 años. Yanchaj xan uláakʼ u hijoʼob yéetel u hijaʼob.
14 Tuláakal túun u kʼiiniloʼob u kuxtal Kenáneʼ tu chukaj 910 años. Lelaʼ letiʼe bukaʼaj años yaantiʼ ka kíimoʼ.
15 Malaleleʼ 65 años yaantiʼ ka síij Jared,+ u hijo.
16 Ka tsʼoʼok u síijil Jaredeʼ, Malaleleʼ kuxlaj uláakʼ 830 años. Yanchaj xan uláakʼ u hijoʼob yéetel u hijaʼob.
17 Tuláakal túun u kʼiiniloʼob u kuxtal Malaleleʼ tu chukaj 895 años. Lelaʼ letiʼe bukaʼaj años yaantiʼ ka kíimoʼ.
18 Jaredeʼ 162 años yaantiʼ ka síij Enok,+ u hijo.
19 Ka tsʼoʼok u síijil Enokeʼ, Jaredeʼ kuxlaj uláakʼ 800 años. Yanchaj xan uláakʼ u hijoʼob yéetel u hijaʼob.
20 Tuláakal túun u kʼiiniloʼob u kuxtal Jaredeʼ tu chukaj 962 años. Lelaʼ letiʼe bukaʼaj años yaantiʼ ka kíimoʼ.
21 Enokeʼ 65 años yaantiʼ ka síij Matusalén,+ u hijo.
22 Ka tsʼoʼok u síijil Matusaléneʼ, Enokeʼ kuxlaj uláakʼ 300 años. Letiʼeʼ mantatsʼ tu beetaj baʼax uts tu tʼaan le u jaajil Diosoʼ.* Yanchaj xan uláakʼ u hijoʼob yéetel u hijaʼob.
23 Tuláakal túun u kʼiiniloʼob u kuxtal Enokeʼ tu chukaj 365 años.
24 Enokeʼ mantatsʼ tu beetaj baʼax uts tu tʼaan le u jaajil Diosoʼ.+ Chéen baʼaleʼ junpʼéel kʼiineʼ maʼ suunaj ilbiliʼ, tumen chʼaʼab u kuxtal tumen Dios.+
25 Matusaléneʼ 187 años yaantiʼ ka síij Lamek,+ u hijo.
26 Ka tsʼoʼok u síijil Lamekeʼ, Matusaléneʼ kuxlaj uláakʼ 782 años. Yanchaj xan uláakʼ u hijoʼob yéetel u hijaʼob.
27 Tuláakal túun u kʼiiniloʼob u kuxtal Matusaléneʼ tu chukaj 969 años. Lelaʼ letiʼe bukaʼaj años yaantiʼ ka kíimoʼ.
28 Lamekeʼ 182 años yaantiʼ ka síij juntúul u hijo.
29 Tu tsʼáaj u kʼaabaʼt Noé,*+ tumen tu yaʼalaj: «Letiʼeʼ yaan u líiʼsik k-óol, tumen yaan u beetik k-jeʼelel tiʼ le yaayaj meyaj k-sen beetik yoʼolal le luʼum maldecirtaʼan tumen Jéeobaoʼ».+
30 Ka tsʼoʼok u síijil Noéeʼ, Lamekeʼ kuxlaj uláakʼ 595 años. Yanchaj xan uláakʼ u hijoʼob yéetel u hijaʼob.
31 Tuláakal túun u kʼiiniloʼob u kuxtal Lamekeʼ tu chukaj 777 años. Lelaʼ letiʼe bukaʼaj años yaantiʼ ka kíimoʼ.
32 Noéeʼ 500 años yaantiʼ ka káaj u yantal u paalal. U kʼaabaʼobeʼ Sem,+ Cam+ yéetel Jafet.+
