Tu kʼiinil 8 tiʼ enero tiʼ 2025, le Tribunal Regional yaan Maríoʼ tu yaʼaleʼ Arslan Vepayev, juntúul u testigo Jéeoba yaan 21 años tiʼeʼ, dos años ken u beet meyajoʼob tumen maʼ tu yóotaj u beet u servicio militariʼ. Kex maʼ tun kʼalbileʼ Arslaneʼ yaan u boʼotik u 20 por ciento u náajal tiʼ le gobiernooʼ.

Tu káajbal le año 2024, aʼalaʼab tiʼ Arslan ka u beet u servicio militar. Letiʼeʼ bin tʼaan teʼ oficina tuʼux ku beetaʼal le servicio militaroʼ utiaʼal u tsolik baʼaxten maʼ tu beetik, tu tsolaj xaneʼ jeʼel u béeytal u beetik uláakʼ meyajoʼob tu lugar u beetik u servicio militarileʼ. Chéen baʼaleʼ maʼ xáanchaj tiʼ leloʼ le autoridadoʼoboʼ tu káajsoʼob junpʼéel juicio tu contra Arslan. Tu mesil noviembre tiʼ 2024, maʼach Arslan kʼalbil mientras u páaʼtik u juicio. Tu mesil diciembre tiʼ le mismo añooʼ le Tribunal Municipal yaan Bairamali tu yaʼalaj yaan u kʼaʼalal Arslan dos años tumen maʼ tu beetik u servicio militar. Chéen baʼaleʼ Arslaneʼ tu yaʼalaj ka jel revisartaʼak u caso. Le oʼolal le tribunaloʼ tu yaʼaleʼ tu lugar u kʼaʼalal Arslaneʼ ka tsʼaʼabak meyaj u beet durante dos años.

U gobierno Turkmenistáneʼ tsʼoʼok cuatro años maʼ u juzgart juntúul u testigo Jéeoba tumen maʼ tu beetik u servicio militaril. Tu mesil mayo tiʼ 2021, le gobiernooʼ tu yaʼalaj ka chaʼabak tuláakal u testigoʼob Jéeoba kʼalaʼanoʼob cárcel. Desde le jeʼel túunoʼ yaʼab tiʼ u testigoʼob Jéeobaeʼ ku béeytal u yaʼalikoʼob maʼ ken u beet u servicio militariloʼob sin ke u juzgartaʼaloʼob. Chéen baʼaleʼ le juicio beetaʼab tu contra Arslanoʼ tu yeʼeseʼ u gobiernoil Turkmenistáneʼ tsʼoʼok u kʼexik baʼax ku tuklik, tumen le autoridadoʼoboʼ tsʼoʼok u avisartik tuláakal le Testigoʼob maʼ u beetmaj u servicio militariloʼoboʼ tsʼoʼok u máansaʼal u casoʼob teʼ fiscalíaoʼ.

Yaan k-orar tiʼ Jéeoba utiaʼal ka seguernak u kanáantik Arslan bey xan tuláakal le táankelmoʼob kajaʼanoʼob Turkmenistán u kʼubmaj u yóoloʼob tiʼ Jéeobaoʼ. K-ojleʼ letiʼeʼ «maʼ ken u xúumpʼat le máaxoʼob u kʼubmaj u yóoloʼob tiʼoʼ» (Salmo 37:28).