Tu kʼiinil 27 tiʼ junio tiʼ 2025, jáalkʼabtaʼab sukuʼun Serguéi Tolokónikov. Tu kʼiinil 12 tiʼ julio tiʼ 2023 ka aʼalaʼab culpable yéetel yaan u kʼaʼalal cinco años cárcel. Chéen baʼaleʼ como chʼaʼab en cuenta le casi tres años kʼalaʼan le táan u páaʼtik u juiciooʼ, aʼalaʼabeʼ tsʼoʼok u cumplirtik u condena.

María u yatan Serguéieʼ tu tsikbaltaj bix úuchik u yuʼubikubaʼob le kʼalaʼan u yíichamoʼ: «Tsʼoʼok maas tiʼ 20 años tsʼoʼokok k-beel le oʼolaleʼ le baʼax úuchtoʼonaʼ tu beetaj k-uʼuyikba bey jeʼex juntúul chan chʼíichʼ minaʼan junpʼéel u xiikʼeʼ. Jéeobaeʼ mix juntéen tu pʼatoʼon t-juunal. Utiaʼal u yeʼesikten u yaabiltmen yéetel ku kanáantkeneʼ tu usartaj le sukuʼunoʼob yéetel le kiikoʼob utiaʼal u yáantkenoʼob teʼ súutukil kʼaʼabéettenoʼ». Maríaeʼ tu yaʼalaj xan: «Serguéieʼ tu yaʼalajteneʼ le kéen u yil jach difícil le baʼax ku aktáantikoʼ ku orar tiʼ Jéeoba yéetel tuláakal u puksiʼikʼal, ku xokik le Bibliaoʼ le kéen tsʼoʼokkeʼ ku kaʼa orar. Bey úuchik u muʼukʼaʼankúuntaʼal tumen Jéeobaoʼ. Leloʼ tu yáantaj utiaʼal u seguer u yeʼesik jatsʼuts modos, hasta kʼuch kʼáaj óoltbil teʼ cárcel bey juntúul máak ku adorartik Dioseʼ».

Jach kiʼimak k-óol úuchik u béeytal u kaʼa múuchʼ antal Serguéi yéetel María. U ejemploʼobeʼ ku kaʼansiktoʼoneʼ wa k-confiar yéetel u jaajil k-óol tiʼ Jéeobaeʼ yaan u páajtal k-aguantartik jeʼel baʼaxak pruebaileʼ (1 Corintios 10:13).