«Jéeobaeʼ mix bikʼin ken u pʼaten»

PAX ICH

Tu kʼiinil 4 tiʼ julio tiʼ 2025, le Tribunal de Distrito yaan Víselki tu territorioil Krasnodaroʼ tu yaʼaleʼ culpable kiik Irina Ushakova yéetel yaan u kʼaʼalal dos años cárcel. Tak beoraaʼ maʼ bisaʼak cárceliʼ, chéen baʼaleʼ yaan jujunpʼéel baʼaloʼob maʼ tu chaʼabal u beetik.

Máax Irina Ushakova

Irina Ushakova

Síi tu añoil: 1974 (Tayikistán).

Okjaʼanaj tu añoil: 2004.

Uláakʼ datos: Tsʼoʼok u beel yéetel Vitali tu añoil 2006 yéetel yaan kaʼatúul u paalaloʼob. Tu añoil 2021, ilaʼab yaan cáncer tiʼ Irina. Vitali xaneʼ táan u juzgartaʼal.

Baʼaxten culpartaʼabi: Tumen ku táakpajal tiʼ le reuniónoʼob ku beetik u testigoʼob Jéeobaoʼ.

Jaypʼéel años kun kʼalbil: Dos años, chéen baʼaleʼ tak beoraaʼ maʼ bisaʼak cárceliʼ.

Baʼaxoʼob tsʼoʼok u sen aktáantik Irina Ushakova

Irina, ¿baʼax áantkech teʼ súutukiloʼob jach difíciloʼobaʼ?

Teneʼ jach tin wuʼuyaj maʼ kin tsaʼayal in aguantart le baʼaxoʼob ku yúuchultenoʼ. Pero jach tu yáanten maʼ u xuʼulul in beetik le baʼaloʼob espiritualoʼob jeʼex, in xokik le Biblia sáamsamaloʼ yéetel in jeʼekʼabtik in puksiʼikʼal tiʼ Jéeoba. Como maʼ úuch operartaʼaken ka maʼach Vitali tumen le autoridadoʼoboʼ maʼ tu páajtal in meyaj mix in jach tuukul tubeel, le oʼolal maʼ in wojel kaʼach baʼax ken in beetiʼ. Yéetel le baʼax ku yúuchultenaʼ tin wileʼ utiaʼal ka yanakten jeetsʼelileʼ maʼ kʼaʼabéet u lukʼulten tuláakal le problemasoʼ chéen kʼaʼabéet in controlartik in tuukul tumen Jéeobaeʼ mix bikʼin ken u pʼaten.

Jach kiʼimak k-óol k-ojéeltikeʼ yéetel u yáantaj Jéeobaeʼ jeʼel k-tsaʼayal k-aktáant jeʼel baʼaxak pruebail ka yanak toʼoneʼ (Efesios 3:16).

Maʼ xaaneʼ jeʼel u yutstal xan ta wicheʼ

U NOTICIAILOʼOB YÓOKʼOL KAAB

U testigoʼob Jéeoba kʼalaʼanoʼob yoʼolal baʼaxoʼob ku creerkoʼob (jejeláas luʼumiloʼob)

Le tuʼuxoʼob ku kʼaʼalal u testigoʼob Jéeobaoʼ jach kʼaas yéetel jach sucio, letiʼobeʼ chéen ku kʼaloʼob ikil u beetkoʼob baʼax ku kaʼansik le Bibliaoʼ.