«Jéeobaeʼ ku yilik baʼaxoʼob kin aktáantik»

PAX ICH

Tu kʼiinil 3 tiʼ abril tiʼ 2025, le Tribunal tiʼ Distrito tiʼ Sovietski yaan tu kaajil Cheliábinskeʼ tu yaʼaleʼ Maxim Jámatshineʼ culpable yéetel seis años kun kʼalbil cárcel. Chéen pʼelak tsʼoʼokik le juiciooʼ bisaʼab kʼalbil.

Máax Maxim Jámatshin

Maxim Jámatshin

Síij tu añoil: 1996 (Biriusinsk, tu regiónil Irkutsk).

Okjaʼanaj tu añoil: 2007.

Uláakʼ datos: Ku meyaj bey electricistaeʼ. Tsʼoʼok u beel yéetel Adelina tu añoil 2019.

Baʼaxten culpartaʼabi: Tumen ku nuʼuktik le reuniónoʼob ku beetik u testigoʼob Jéeobaoʼ.

Jaypʼéel años kun kʼalbil: Seis años.

Baʼaxoʼob tsʼoʼok u sen aktáantik

Maxim, ¿bix a wuʼuyikaba yoʼolal le baʼax ka aktáantikoʼ?

U jaajileʼ maʼ fácil in pʼáatal tranquiloiʼ. Yaan horaeʼ ku joʼopʼol in sen tuukul tiʼ baʼaxoʼob jeʼel u yúuchulteneʼ, leloʼ ku beetik in jach chiʼichnaktal. Yaan horaeʼ kin wuʼuyikinba jeʼex David le ka tu yaʼalaj teʼ Salmo 55:6: «¡Wa ka yanak in xiikʼoʼob jeʼex le palomaoʼ! Jeʼel in xikʼnal utiaʼal in bin tiʼ junpʼéel lugar seguroeʼ». Chéen baʼaleʼ jach ku tranquilizarken in wojéeltik Jéeobaeʼ táan u yilik baʼaxoʼob kin aktáantik yéetel ku yuʼubik in oraciónoʼob. Teen yéetel in wataneʼ k-jóoʼsik tiempo utiaʼal k-tuukul tiʼ bix tsʼoʼok u yáantkoʼon Jéeoba. K-beetik leloʼ ku tsʼáaiktoʼon jeetsʼelil tumen ku kʼaʼajsiktoʼoneʼ Jéeobaeʼ mix bikʼin ken u pʼatoʼon.

Jeʼex Maximeʼ, toʼon xaneʼ jach ku líiʼsik k-óol k-ojéeltikeʼ Jéeobaeʼ ku yeʼesiktoʼon nojoch yaabilaj yéetel «mantatsʼ ku chʼaʼik óotsilil tiʼ máak» (Lamentaciones 3:22).

Maʼ xaaneʼ jeʼel u yutstal xan ta wicheʼ

U NOTICIAILOʼOB YÓOKʼOL KAAB

U testigoʼob Jéeoba kʼalaʼanoʼob yoʼolal baʼaxoʼob ku creerkoʼob (jejeláas luʼumiloʼob)

Le tuʼuxoʼob ku kʼaʼalal u testigoʼob Jéeobaoʼ jach kʼaas yéetel jach sucio, letiʼobeʼ chéen ku kʼaloʼob ikil u beetkoʼob baʼax ku kaʼansik le Bibliaoʼ.