Yonatan Yonas kʼalaʼan tu cárcelil Eritrea desde tu mesil octubre tiʼ 2005.

U testigoʼob Jéeoba kʼalaʼanoʼob yoʼolal baʼaxoʼob ku creerkoʼob (jejeláas luʼumiloʼob)

PAX ICH

Tu mesil agosto tiʼ 2026, tiʼ tuláakal yóokʼol kaabeʼ maas tiʼ 284 u testigoʼob Jéeoba kʼalaʼanoʼob yoʼolal baʼaxoʼob ku creerkoʼob.

Le artículo 18 tiʼ le Pacto Internacional tiʼ Derechos Civiles yéetel Políticooʼ, ku yaʼalikeʼ cada máakeʼ yaan u derecho utiaʼal u tuklik jeʼel baʼaxak u kʼateʼ, u yéeyik u religión yéetel u beetik baʼax ku chaʼabal tiʼ tumen u conciencia. Chéen baʼaleʼ tiʼ u testigoʼob Jéeobaeʼ tiʼ jujunpʼéel lugaroʼobeʼ maʼ tu respetartaʼal tiʼob le derechoaʼ. Yaʼab tiʼ letiʼobeʼ ku kʼaʼaloʼob cárcel yéetel ku maltratartaʼaloʼob tu yoʼolal baʼax ku creerkoʼob wa tumen maʼ tu chaʼabaltiʼob tumen u concienciaʼob u beetkoʼob u servicio militaroʼob.

Eritrea

Tu añoil 1994, le presidente Isaias Afewerkioʼ tu luʼsaj u derecho u testigoʼob Jéeoba teʼ luʼumiloʼ tumen u concienciaʼobeʼ maʼ tu chaʼajtiʼob u votaroʼob tu añoil 1993 yoʼolal le independenciaoʼ bey xan tumen maʼ tu beetoʼob u servicio militaroʼobiʼ. Desde teʼ kʼiin jeʼeloʼ le Gobiernooʼ ku chʼaʼpachtik, ku torturartik yéetel ku kʼalik cárcel le Testigoʼob sin ke u juzgarkoʼoboʼ. Ichiloʼobeʼ táakaʼan koʼoleloʼob, máaxoʼob yaan u edadoʼob yéetel mejen paalal. Teʼ kʼiinoʼobaʼ kʼalaʼan cárcel 64 u túulal u testigoʼob Jéeoba. Chéen baʼaleʼ mix juntúul aʼalaʼak baʼax oʼolal kʼalaʼaniʼ mix bukaʼaj tiempo kun kʼalbil.

Utiaʼal a descargartik u listail u testigoʼob Jéeoba kʼalaʼanoʼob Eritreaeʼ, péetsʼkʼabt teʼelaʼ.

Rusia

Tu mesil abril tiʼ 2017, le Tribunal Supremo yaan Rusiaoʼ, xuʼul u kʼamik u testigoʼob Jéeoba bey junpʼéel religióneʼ tumen extremistaʼob bin. Tu chʼaʼajoʼob le lugaroʼob tuʼux ku muchʼkubaʼoboʼ bey xan tu prohibirtoʼob u beetkoʼob le publicaciónoʼob ku meyajtiʼoboʼ. Le autoridadoʼob xanoʼ káaj u chʼaʼpachtik cada juntúul tiʼ le Testigoʼoboʼ tumen ilegal bin u adorarkoʼob Dios. Le policíaʼoboʼ ku yookloʼob x-maʼ permisoil u xakʼaltoʼob u yotoch le sukuʼunoʼoboʼ, ku maltratarkoʼob, ku obligarkoʼob u núukoʼob le baʼaxoʼob ku kʼáatkoʼobtiʼoboʼ yéetel ku biskoʼob kʼalbil. Bejlaʼeʼ yaan kex 162 u testigoʼob Jéeoba kʼalaʼanoʼob cárcel, yanoʼobeʼ táan u cumplirtik u condenaʼob yéetel yanoʼobeʼ táan u paʼatik u juzgartaʼaloʼob. Teʼ cárceloʼ ku obligartaʼaloʼob sen meyaj.

Utiaʼal a descargartik u listail u testigoʼob Jéeoba kʼalaʼanoʼob Rusiaeʼ, péetsʼkʼabt teʼelaʼ.

Ucrania

U testigoʼob Jéeoba kajaʼanoʼob Ucraniaeʼ ich casi 30 añoseʼ wa maʼ tu chaʼabaltiʼob tumen u concienciaʼob u beetkoʼob u servicio militaroʼobeʼ jeʼel u páajtal u beetkoʼob uláakʼ meyajoʼobeʼ. Chéen baʼaleʼ le ka káaj le guerra tu kʼiinil 24 tiʼ febrero tiʼ 2022, ilaʼabeʼ minaʼan junpʼéel ley aʼalik wa jeʼel u páajtal u beetkoʼob uláakʼ meyajoʼob mientras táan le guerraoʼ. Le beetik yaʼab Testigoʼobeʼ tsʼoʼok u kʼaʼabéettal u juzgartaʼaloʼob tumen maʼ tu chaʼabaltiʼob tumen u concienciaʼob u táakpajloʼob teʼ guerraoʼ. Bejlaʼeʼ yaan 15 Testigoʼob kʼalaʼanoʼob cárcel yéetel uláakʼ 22 u túulaloʼobeʼ táan u páaʼtik u juzgartaʼaloʼob. Óoxtúul máakoʼob ku meyajoʼob teʼ ONU ku yilkoʼob ka respetartaʼak u derecho máakeʼ ku yaʼalikoʼobeʼ tu luʼumil Ucraniaeʼ jach kʼaʼabéet u yantal junpʼéel servicio civil utiaʼal le máaxoʼob maʼ tu chaʼabaltiʼob tumen u concienciaʼob u táakpajloʼob teʼ guerraoʼ.

Utiaʼal a descargartik u listail u testigoʼob Jéeoba kʼalaʼanoʼob Ucraniaoʼ, péetsʼkʼabt teʼelaʼ.

«Kʼaʼajakteʼex le máaxoʼob kʼalaʼanoʼob cárceloʼ yéetel tukleʼex bey tak teʼex kʼalaʼaneʼex tu yéeteloʼobeʼ» (Hebreos 13:3).

Ilawil xan

KʼÁATCHIʼOB SUUK U BEETAʼAL