Tu kʼiinil 18 tak 20 tiʼ octubre tiʼ 2024, beetaʼab u tsʼook asamblea especial «¡Tsʼáaʼex ojéeltbil le maʼalob noticiaʼoboʼ!». Le asambleaaʼ beetaʼab tu Najil Asambleaʼob yaan tu kaajil El Trébol (Santiago de Chile). Teʼ asambleaaʼ bin 9,140 máakoʼobiʼ yéetel okjaʼanaj 59 u túulaliʼ. Desde tu mesil junio tak octubre tiʼ 2024, tiʼ tuláakal yóokʼol kaabeʼ beetaʼab 15 asambleaʼob especialoʼobiʼ. Le u tsʼook kaʼapʼéeloʼoboʼ beetaʼab tu luʼumil Chile.

Le sukuʼunoʼob kajaʼanoʼob tuʼux beetaʼab le asambleaʼob especialoʼoboʼ yaʼab meses antes tiʼ le asambleaoʼ káaj u prepararkubaʼob utiaʼal u kʼamkoʼob le sukuʼunoʼob kun kʼuchloʼoboʼ. Jeʼex tu luʼumil Chileeʼ u milesil sukuʼunoʼob meyajnajoʼob utiaʼal u kʼamkoʼob le 2,397 u túulal sukuʼunoʼob taaloʼob tiʼ 16 luʼumiloʼoboʼ. Juntúul kiikeʼ tu yaʼalaj: «Kex kaʼaneneʼ maʼ tin wuʼuyaj wa tin beetaj junpʼéel sacrificioiʼ tumen kiʼimakchaj in wóol úuchik in kʼaj óoltik yaʼab sukuʼunoʼob yéetel u yantalten uláakʼ amigoʼob».

Juntúul sukuʼun ku taal Estados Unidoseʼ, tu yaʼalaj: «Desde ka kʼuchoʼon teʼ aeropuertooʼ le sukuʼunoʼoboʼ tu yeʼesoʼobtoʼon yaabilaj, hasta maʼ tu páajtal in tsolik bix tin wuʼuyilinba». Juntúul kiik Perú u taaleʼ, tu yaʼalaj: «Yáax in bin tiʼ junpʼéel asamblea especialaʼ, maas jatsʼuts tiʼ le in tukultmil kaʼachoʼ. Jéeobaeʼ tu líiʼsaj in wóol yéetel tu muʼukʼaʼankúuntaj in fe teʼ asambleaaʼ».

K-tsʼáaik gracias tiʼ Jéeoba úuchik u bendecirtik le asambleaʼob especialoʼob beetaʼab teʼ año 2024. Le asamblea «¡Tsʼáaʼex ojéeltbil le maʼalob noticiaʼoboʼ!»tu tsʼáaj u oportunidadil u alabartaʼal Jéeoba tumen u kaajal (Salmo 34:3).

Teʼ fotoʼobaʼ yaan a wilik le yaabilaj yéetel le kiʼimak óolal tu yuʼubaj le sukuʼunoʼob teʼ 15 asambleaʼob especialoʼob beetaʼab teʼ año 2024.