Kisi

Tu kʼiinil 25 tiʼ mayo tiʼ 2025, tiʼ junpʼéel reunión especial beetaʼab tu kaajil Guéckédou (Guinea) le sukuʼun Winston Bestman, ku yáantaj tu Comitéil u Sucursalil Liberiaeʼ, tu presentartaj le Biblia Túumben Luʼum tu chúukaʼanil ichil le idioma kisioʼ. Le máakoʼob binoʼob teʼ reunión especialoʼ tu chukaj 1,029 u túulaliʼ yéetel 2,467 u túulaleʼ tu conectartubaʼob tiʼ videoconferencia desde tu kaajil Foya (Liberia) yéetel Koindu (Sierra Leona). Tiʼ tuláakal le máaxoʼob binoʼob teʼ reuniónoʼ tsʼaʼab u Bibliaʼob yéetel desde teʼ súutukoʼ páajchaj xan u descargartaʼal teʼ sitio jw.org bey xan teʼ aplicación JW Libraryoʼ. Tsʼoʼoleʼ aʼalaʼab xaneʼ jujunpʼíitil kun grabartbil u audio le Biblia ich kisioʼ.

Náatsʼ tiʼ Guinea, Liberia yéetel Sierra Leonaeʼ yaan junpʼéel lugar kʼaj óolaʼan bey Kissiland, teʼeloʼ yaan óoliʼ junpʼéel millón máakoʼob tʼanik le idioma kisioʼ. Tu territorioil le sucursalaʼ yaan maas tiʼ 1,200 sukuʼunoʼob yanoʼob tiʼ 29 congregaciónoʼob yéetel junpʼéel grupo ichil le idiomaaʼ. Le sukuʼunoʼoboʼ jach táaj kiʼimak u yóoloʼob tumen beoraaʼ yaantiʼob junpʼéel Biblia séeb u naʼataʼal yéetel ku chíikpajal u kʼaabaʼ Jéeobaiʼ.

Pidgin tiʼ le Islas Salomónoʼ

Tu kʼiinil 25 tiʼ mayo tiʼ 2025, tiʼ junpʼéel reunión especial beetaʼab Honiara, u noj kaajil le Islas Salomónoʼ, sukuʼun Jeffrey Winder táakaʼan ichil le Cuerpo Gobernanteoʼ tu presentartaj le Biblia Túumben Luʼum tu chúukaʼanil ichil le idioma Pidgin tiʼ le Islas Salomónoʼ. Teʼ reunión especialoʼ bin 2,317 máakoʼobiʼ yéetel 1,695 tu conectartubaʼob tiʼ videoconferencia desde tu islail Malaita. Tiʼ tuláakal le máaxoʼob binoʼob teʼ reuniónoʼ tsʼaʼab u Bibliaʼob yéetel desde teʼ súutukoʼ páajchaj xan u descargartaʼal teʼ sitio jw.org bey xan teʼ aplicación JW Libraryoʼ.

Tu añoil 1953 ka káaj u yúuchul predicar teʼ Islas Salomónoʼ. Teʼ kʼiinoʼobaʼ kex 757,000 máakoʼob kajaʼanoʼob teʼ islaʼobaʼ yéetel ku tʼaʼanal maas tiʼ 70 idiomaʼobiʼ. Kex ku yaʼalaʼal letiʼe inglés u idioma le islaʼobaʼ u jaajileʼ maases ku tʼaʼanal le idioma pidgin tiʼ le Islas Salomónoʼ. Teʼ kʼiinoʼobaʼ teʼ luʼumilaʼ yaan kex 2,100 sukuʼunoʼobiʼ yéetel 38 congregaciónoʼobiʼ.