Ich señas angoleña

Tu kʼiinil 13 tiʼ junio tiʼ 2025, sukuʼun Taylor Bornschein ku yáantaj tu Comitéil u Sucursalil Angolaeʼ tu presentartaj le Kiliʼich Tsʼíiboʼob ich Griego. U Suttʼaanil Túumben Luʼum ich señas angoleña teʼ Asamblea Regional ku kʼaabaʼtik: «Le jaajil adoraciónoʼ». Lelaʼ beetaʼab tu kaajil Luanda yéetel tu muchʼuba 1,540 máakoʼobiʼ. Le jats tiʼ le Biblia presentartaʼabaʼ béeychaj u descargartaʼal tu séebaʼanil teʼ sitio jw.org bey xan teʼ aplicaciónoʼob JW Library bey xan JW Library Sign Language.

Yáax u jóoʼsaʼal tu chúukaʼanil u traducciónil le Biblia Kiliʼich Tsʼíiboʼob ich Griego teʼ idioma angoleñaoʼ. Tu añoil 2013, u testigoʼob Jéeobaeʼ káaj u traducirkoʼob le publicaciónoʼob ichil le idiomaaʼ. Teʼ kʼiinoʼobaʼ, yaan óoliʼ 1,100 sukuʼunoʼob ku yáantajoʼob tiʼ 37 congregaciónoʼob yéetel 11 grupoʼob ich señas tu luʼumil Angola.

Ich señas venezolana

Tu kʼiinil 14 tiʼ junio tiʼ 2025, le sukuʼun Edgardo López, ku yáantaj tu Comitéil u Sucursalil Venezuelaeʼ tu presentartaj le Kiliʼich Tsʼíiboʼob ich Griego. U Suttʼaanil Túumben Luʼum ich señas venezolana tiʼ junpʼéel reunión especial yanchaj tu kaajil La Victoria, le tuʼux yaan le Sucursaloʼ. Teʼ reunión beetaʼabaʼ bin 309 máakoʼobiʼ yéetel 1,215 tu conectartubaʼob tiʼ videoconferenciaiʼ. Tsʼoʼoleʼ chaʼantaʼab u grabaciónil tumen 918 máakoʼob. Le jaats tiʼ le Biblia presentartaʼabaʼ béeychaj u descargartaʼal tu séebaʼanil teʼ sitio jw.org yéetel teʼ aplicaciónoʼob JW Library bey xan JW Library Sign Language.

Teʼ kʼiinoʼobaʼ máas tiʼ 100,000 máakoʼob ku tʼanoʼob ich señas venezolanaoʼ. Bejlaʼeʼ yaan 1,300 sukuʼunoʼob ku yáantajoʼob tiʼ 33 congregaciónoʼob yéetel 34 grupoʼob tiʼ tuláakal le luʼumilaʼ.

Kituba

Tu kʼiinil 20 tiʼ junio tiʼ 2025, le sukuʼun Mbete François ku yáantaj tu Comitéil u Sucursalil República Democrática del Congoeʼ tu presentartaj le Kiliʼich Tsʼíiboʼob ich Griego. U Suttʼaanil Túumben Luʼum bey xan u libroil Génesis yéetel Éxodo ich idioma kituba. Lelaʼ presentartaʼab teʼ Asamblea Regional ku kʼaabaʼtik «Le jaajil adoraciónoʼ» beetaʼab tu Salónil Asamblea yaan Pointe-Noire. Bin 1,276 máakoʼobiʼ. Le libroʼob tiʼ le Biblia presentartaʼaboʼoboʼ béeychaj u descargartaʼaloʼob tu séebaʼanil teʼ sitio jw.org bey xan tiʼ le aplicación JW Library. Tiʼ le máaxoʼob binoʼob teʼ asambleaaʼ tsʼaʼab tiʼob le Biblia impresooʼ. Máas táanileʼ yaan u túuxtaʼal uláakʼ Bibliaʼob tiʼ le múuchʼuliloʼoboʼ.

Máas tiʼ 12 millones máakoʼob kajaʼanoʼob Angola, Gabón yéetel República del Congoeʼ ku tʼanoʼob ich kituba, ichiloʼobeʼ yaan máas tiʼ 2,500 sukuʼunoʼob ku yáantajoʼob tiʼ 35 congregaciónoʼob ichil le idiomaaʼ.

Ich señas colombiana

Tu kʼiinil 21 tiʼ junio tiʼ 2025, sukuʼun Andrés Mejía tiʼ u Comitéil u Sucursalil Colombiaeʼ tu presentartaj U Suttʼaanil Túumben Luʼum tu chúukaʼanil ich señas colombiana tiʼ junpʼéel reunión especial yanchaj teʼ Salón de Asambleas tu kaajil Cota. Teʼ reunión especialaʼ bin 1,980 máakoʼobiʼ yéetel 47 mejen kajtaliloʼobeʼ tu conectartubaʼob tiʼ videoconferencia. Le Biblia presentartaʼabaʼ béeychaj u descargartaʼal tu séebaʼanil teʼ sitio jw.org yéetel teʼ aplicaciónoʼob JW Library bey xan JW Library Sign Language.

Yáax úuchik u yantal tu chúukaʼanil le Biblia ich señas colombianaaʼ. U testigoʼob Jéeobaeʼ tsʼoʼok máas tiʼ 25 años káajak u jóoʼskoʼob publicaciónoʼob ichil le idiomaaʼ. Ku tuklaʼaleʼ máas tiʼ 500,000 máakoʼob ku tʼaanoʼob ichil le idiomaaʼ. Ichiloʼobeʼ yaan máas tiʼ 1,400 sukuʼunoʼob ku yáantajoʼob tiʼ 35 congregaciónoʼob yéetel 11 grupoʼob ich señas teʼ luʼumilaʼ. Tuláakloʼob jach kiʼimak u yóoloʼob úuchik u yantaltiʼob le Biblia U Suttʼaanil Túumben Luʼum utiaʼal u meyajtiʼob teʼ predicaciónoʼ, utiaʼal u xakʼalxookoʼob bey xan teʼ reuniónoʼoboʼ.