Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 TIʼ U YÁAX TÁAN JUʼUNIL

¿Máax u j-jaajkunajoʼob Jéeoba?

¿Máax u j-jaajkunajoʼob Jéeoba?

«Úuchiliʼ in kʼaj óolt Mikeʼ. Letiʼeʼ juntúul u j-jaajkunaj Jéeoba (testigo de Jehová), baʼaleʼ maʼ tin naʼatik baʼaxten bey u religionoʼ. ¿Máax Jéeoba? ¿Baʼaxten maʼatech u beetkoʼob fiestaʼob? ¿Bix wa chéen táan u tuʼutusaʼal Mikeʼ?» (Becky, California, Estados Unidos)

«In vecinoʼobeʼ káaj u xokikoʼob le Biblia yéetel u j-jaajkunajoʼob Jéeobaoʼ, ka tin waʼalaj: ‹¡Jelaʼan u kʼaabaʼ le religionoʼ! ¿Baʼax wal u kʼáat u yaʼaleʼ?›» (Zenon, Ontario, Canadá)

«Teen yéetel in wataneʼ k-tuklik kaʼacheʼ chéen taak u aprovechartik le j-Jaajkunajoʼob yaachajaʼan k-óol bey maʼ t-bin iglesiaoʼ. Tsʼoʼoleʼ k-tuklikeʼ wa minaʼan u jaajil ichil le religionoʼob maas kʼaj óolaʼanoʼoboʼ, ¿bix kun antal ichil u chan sectail le j-Jaajkunajoʼoboʼ?» (Kent, Washington, Estados Unidos)

«U jaajileʼ maʼ in wojel máaxoʼobiʼ, mix in wojel baʼax ku creertikoʼob.» (Cecilie, Esbjerg, Dinamarca)

Maʼ xaaneʼ tsʼoʼok a wilik u máanoʼob joonaj joonajil wa waʼalakbaloʼob teʼ calle táan u tʼoxkoʼob juʼunoʼob wa táan u invitartikoʼob máak u xok le Biblia tu yéeteloʼoboʼ. Le revista ka xokikaʼ juntúul j-Jaajkunaj tsʼáatech waleʼ. Baʼaleʼ maʼ xaaneʼ, jeʼex le máakoʼob tsʼoʼok k-yáax aʼalikoʼ, maʼ a wojel xan jach máax u jaajkunajoʼob Jéeobaiʼ.

¿Baʼax jeʼel u páajtal a beetik wa taak a wojéeltik u maasil yoʼolal u j-jaajkunajoʼob Jéeobaeʼ? ¿Bix jeʼel a wojéeltik baʼax ku creertikoʼob, tuʼux ku chʼaʼikoʼob taakʼin utiaʼal u múul meyajtikoʼob Dios, baʼaxten ku binoʼob ta wotoch wa baʼaxten ku tʼankechoʼob teʼ calleoʼ?

«Cecilie, le máax tsʼoʼok k-yáax aʼalikoʼ, tu yaʼalaj: «Teʼ Internetoʼ yaʼab baʼax tin xokaj yoʼolal u j-jaajkunajoʼob Jéeoba. Yaʼab baʼaloʼob xan maʼ jaajtak tin wuʼuyaj u yaʼalaʼal tu yoʼolaloʼob, le oʼolal kʼaas in tuukul kaʼachi». Baʼaleʼ ka tʼaanaj Cecilie tu yéeteloʼobeʼ tu tsʼáaj cuenta maʼ beyoʼob jeʼex u tuklik kaʼacheʼ.

Wa teech a kʼáat a wojéelt u jaajil yoʼolal u j-jaajkunajoʼob Jéeobaeʼ, ¿baʼaxten maʼ ta tʼaan tu yéeteloʼob? U j-jaajkunajoʼob Jéeoba, le máaxoʼob jóoʼsik le revista táan a xokikaʼ, maases letiʼob jeʼel u tsolkoʼobtech yéetel u jaajil le baʼaxoʼob taak a wojéeltikoʼ (Proverbios 14:15). Kexiʼ ka u yáantech le xookoʼob ku segueroʼob utiaʼal a wojéeltik máaxoʼobiʼ, baʼax ku creertikoʼob yéetel baʼax ku beetkoʼob.