Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 TIʼ U YÁAX TÁAN JUʼUNIL | JEʼEL U PÁAJTAL A NATSʼKABA TIʼ DIOSEʼ

Minaʼan uláakʼ baʼax maas maʼalob

Minaʼan uláakʼ baʼax maas maʼalob

¿Baʼax unaj a beetik utiaʼal a biskaba maʼalob yéetel Dios bey a amigoeʼ? Tsʼoʼok k-ilik jujunpʼéel baʼaloʼob jeʼel u yáantkecheʼ:

  1. A kanik yéetel a waʼalik u kʼaabaʼ: Jéeoba.

  2. A orar mantatsʼ yéetel a xokik le Bibliaoʼ.

  3. A beetik mantatsʼ baʼax ku yaʼaliktech.

Utiaʼal a beetkaba u amigo Dioseʼ, chʼaʼchiʼit u kʼaabaʼ, orarnen tiʼ letiʼ, xok le Bibliaoʼ, beet baʼax ku yaʼalik

¿Táan wa a beetik tuláakal lelaʼ? ¿Yaan wa baʼax ku bineltiktech? Wa beyoʼ, yaan u kʼaʼabéettal a maas tsʼáaik a wóol. Tukult bukaʼaj utsiloʼob jeʼel a kʼamik wa ka beetik baʼax ku yaʼalik Dioseʼ.

Jennifer, kajaʼan Estados Unidoseʼ, ku yaʼalik: «Wa k-beetik tuláakal le ku páajtal utiaʼal k-maas bisikba yéetel Dioseʼ yaan u bintoʼon utsil: yaan k-confiar tiʼ Dios, yaan k-maas kʼaj óoltik yéetel yaan k-maas yaabiltik. Minaʼan uláakʼ baʼax maas maʼalob».

¿A kʼáat wa a bisaba yéetel Dios bey a amigoeʼ? Wa beyoʼ, u j-jaajkunajoʼob Jéeobaeʼ jeʼel u yáantkechoʼobeʼ. Jeʼel u kaʼanskoʼobtech baʼax ku yaʼalik le Bibliaoʼ; mix baʼal ken a boʼote. Tsʼoʼoleʼ jeʼel u páajtal a muchʼkaba tu yéeteloʼob teʼ Najil Reinooʼ. Teʼeloʼ yaan a kʼaj óoltik máakoʼob ku yilkoʼob Dios bey u amigoʼobeʼ. * Ken máanak kʼiineʼ yaan a wuʼuyikaba jeʼex le salmista tu yaʼalaj: «Teneʼ yaan in natsʼkinba tiʼ [Dios], tumen in tiaʼal teneʼ letiʼ u maʼalobil[oʼ]» (Salmos 73:28).

^ xóot’ol 9 Wa a kʼáat kaanbal yoʼolal le Biblia wa a wojéelt tuʼux yaan junpʼéel Najil Reino naatsʼ ta wotocheʼ, kʼáat tiʼ le máax tsʼáatech le revistaaʼ wa ooken Internet teʼ www.jw.org/yua. (Tu xuul u yáax táan juʼunil le kúuchiloʼ [U káajbal], kaxt tuʼux ku yaʼalik KAXTOʼONIʼ ka a yéey le maas maʼalob a wilkoʼ.)