Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

¿Kʼajaʼan wa tech?

¿Kʼajaʼan wa tech?

¿Ta xokaj wa u tsʼook revistailoʼob U Pʼíich Tulumil Kanan maʼ sen úuch jóoʼsaʼakoʼoboʼ? Wa beyoʼ, ilawil wa jeʼel a núukik le kʼáatchiʼobaʼ:

¿Baʼax súutukil tiʼ u kʼiinil 14 tiʼ nisán unaj u kíimsaʼal le tamanoʼ?

Yaan jujunpʼéel bibliaʼobeʼ ku yaʼalikoʼobeʼ unaj u kíimsaʼal «tu yáakʼabtal», «tu tʼúubul Kʼiin» yéetel «tu yéeʼjochʼeʼental». Jeʼex k-ilkoʼ le tamanoʼ kʼaʼabéet u kíimsaʼal ken tʼúubuk Kʼiin, baʼaleʼ lelaʼ u kʼáat u yaʼaleʼ maʼ éeʼjochʼeʼenchajkiʼ (Éxo. 12:6) (15/12, táan juʼun 18 yéetel 19).

¿Baʼaxoʼob ku yaʼalik le Biblia jeʼel u yáantik le táankelmoʼob u chʼaʼtukloʼob tubeel baʼax ken u beetoʼoboʼ?

1) Kaxt táanil u Reino Dios yéetel u justicia (Mat. 6:19-34). 2) Meyajt u maasil yéetel kiʼimak óolal (Bax. 20:35). 3) Meyajt Jéeoba yéetel kiʼimak óolal ta táankelmil (Ecl. 12:1) (15/1, táan juʼun 19 yéetel 20).

¿Baʼax ku chíikbesik le kantúul tsíiminoʼob táan u yáalkaboʼob desde tu jaʼabil 1914?

Jesús, le máax natʼmil le sak tsíiminoʼ, tu jóoʼsaj Satanás yéetel u demonioʼob yanoʼob teʼ kaʼanoʼ. Le máax natʼmil le chak tsíiminoʼ ku chíikbesik le baʼateltáambaloʼob tsʼoʼok u sen antal way yóokʼol kaaboʼ. Le máax natʼmil le box tsíiminoʼ ku chíikbesik wiʼijil. Yéetel le máax natʼmil le sakpileʼen tsíiminoʼ u millonesil máakoʼob ku kíimsik yéetel jejeláas kʼojaʼaniloʼob (Apo. 6:2-8) (1/2, táan juʼun 6 yéetel 7).

¿Baʼax kʼiin u tsʼoʼokol u beel le Tamanoʼ? (Apo. 19:7.)

Jesucristo, le Tamanoʼ, yaan u tsʼoʼokol u beel ken tsʼoʼokok u xuʼulsaʼal tiʼ le Nojoch Babilonia yéetel ken tsʼoʼokok le Armagedonoʼ (15/2, táan juʼun 10).

¿Baʼaxten le judíoʼob teʼ yáax siglooʼ «táan kaʼach u páaʼtkoʼob» le Mesíasoʼ? (Luc. 3:15.)

Maʼ tu páajtal k-aʼalik wa ku naʼatik le judíoʼob teʼ yáax siglo le baʼax ku yaʼalik u tsʼíibil Daniel utiaʼal u yojéeltikoʼob baʼax kʼiin u kʼuchul le Mesíasoʼ (Dan. 9:24-27). Maʼ xaaneʼ letiʼobeʼ tu yuʼuboʼob u tsikbalil le baʼax tu yaʼalaj le ángel tiʼ le j-kanan tamanoʼoboʼ. Wa maʼ xaan xaneʼ tu yuʼuboʼob u tsikbalil yoʼolal baʼax tu yaʼalaj Ana le ka bisaʼab Jesús teʼ templooʼ. Tsʼoʼoleʼ le astrologoʼob xanoʼ bin u yiloʼob «u rey le judíoʼob tsʼoʼok u síijiloʼ» (Mat. 2:1, 2). Tu tsʼookeʼ Juan Bautistaeʼ tu yaʼaleʼ maʼ tun xáantal ken kʼuchuk le Cristooʼ (15/2, táan juʼun 26 yéetel 27).

¿Baʼax jeʼel k-beetik utiaʼal k-tsʼoʼokbesik baʼax k-aʼalikeʼ? (2 Cor. 1:18.)

Yaan horaeʼ yoʼolal junpʼéel baʼax jach kʼaʼanaʼaneʼ yaan u kʼaʼabéettal a waʼalik maʼ kun béeytal a beetik junpʼéel baʼax a waʼalmaj. Baʼaleʼ le máaxoʼob meyajtik Diosoʼ ken u yaʼal u beetkoʼob junpʼéel baʼaleʼ unaj u yilik u tsʼoʼokbeskoʼob (15/3, táan juʼun 32).

¿Baʼax jeʼel u yáantik máak utiaʼal maʼ u tsʼíiboltik u chaʼantik pornografíaeʼ?

Óoxpʼéel baʼal jeʼel u páajtal u beetik máakeʼ. 1) Wa ka téek ilik junpʼéel foto jeʼel u yajsiktech kʼaakʼas tsʼíibolaleʼ sut a wich táanxel tuʼux. 2) Kanáant baʼax ka tuklik, tuukulnen tiʼ baʼaloʼob kʼaʼanaʼantak yéetel orarnen tiʼ Dios. 3) Kanáant baʼax ka beetik, maʼ a chaʼantik peliculaʼob yéetel maʼ a wokol tiʼ paginaʼob tiʼ Internet tuʼux ku chíikpajal pornografía (1/4, táan juʼun 10 tak 12).

¿Baʼax jeʼel u yúuchul wa ku pʼatik u familia juntúul máax meyajtik Dios utiaʼal u bin meyaj táanxel luʼumileʼ?

Wa maʼ junmúuchʼ kajlik máak yéetel u láakʼtsiloʼobeʼ, le paalaloʼoboʼ ku muʼyajoʼob, ku kʼexpajal bix u modosoʼob yéetel ku pʼektik u taataʼob. Tsʼoʼoleʼ le atantsil wa le íichamtsiloʼ maʼ tu páajtal u yantal yéetel u núup, le oʼolal jeʼel u lúubloʼob tiʼ núupkʼebaneʼ (15/4, táan juʼun 19 yéetel 20).

¿Baʼaxten ku kaʼachal u yook le kʼasaʼan máakoʼob ku chʼuykíintaʼaloʼob tiʼ cheʼ utiaʼal kíimsbiloʼ?

Le romanoʼoboʼ chʼuykíintbil u beetkoʼob kaʼach tiʼ cheʼ le kʼasaʼan máakoʼob utiaʼal u kíimsoʼoboʼ. Le judíoʼob xanoʼ tu kʼáatoʼob ka kaʼachak u yook le máakoʼob tsʼaʼanoʼob teʼ cheʼ yiknal Jesusoʼ. Ken kaʼachak u yookoʼobeʼ ku pʼáatal istikyaj u chʼaʼik u yiikʼoʼob, le oʼolal ku séeb kíimloʼob yéetel beyoʼ maʼ kun pʼáatloʼob chʼuytal teʼ cheʼ tuláakal le áakʼaboʼ (Deu. 21:22, 23) (1/5, táan juʼun 11).

¿Tiʼ baʼax kʼáatchiʼiloʼob unaj k-tuukul ken tsikbalnakoʼon yéetel le máakoʼob teʼ kʼaʼaytajoʼ?

¿Yéetel máaxoʼob kin tsikbal? ¿Tuʼux kin tsikbal tu yéetel le máakoʼoboʼ? ¿Baʼax súutukil kin tsikbal yéetel le máakoʼoboʼ? ¿Bix unaj in káajsik le tsikbaloʼ? (15/5, táan juʼun 12 tak 15.)

¿Jaytúul máak tsʼoʼok u kíimil yoʼolal le tsʼuʼutsʼ chamaloʼ?

Teʼ siglo máanikoʼ cien millones u túulal máak tu kíimsaj. Cada jaʼabeʼ ku kíimsik seis millones máakoʼob (1/6, táan juʼun 3).