Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

¿Kʼajaʼan wa tech?

¿Kʼajaʼan wa tech?

¿Ta xokaj wa u tsʼook revistailoʼob U Pʼíich Tulumil Kanan? Wa beyoʼ, ilawil wa jeʼel a núukik le kʼáatchiʼobaʼ:

¿Baʼaxten le taatatsiloʼob ku binoʼob yaanal luʼumiloʼ unaj u chʼaʼikoʼob en cuenta baʼax idiomail ku tʼanik u paalaloʼob utiaʼal u yáantkoʼob u maas meyajtoʼob Dios?

Maʼ xaaneʼ teʼ escuela wa le tuʼux ku líikʼil a paalaloʼ ku kankoʼob uláakʼ idioma. U kanik u tʼanoʼob maas tiʼ junpʼéel idiomaeʼ yaʼab utsil ku taasik. Letiʼe taatatsiloʼob kun ilik wa maas maʼalob ka xiʼikoʼob tiʼ junpʼéel múuchʼulil ich yaanal idioma wa ichil le idioma u yojloʼoboʼ. Kʼaʼabéet u yilkoʼob tuʼux maas ku naʼatik u paalal le baʼax ku kaʼansik le Bibliaoʼ yéetel tuʼux maas jeʼel u tsʼáaik u yóol u meyajtoʼob Jéeobaeʼ. Le taatatsiloʼoboʼ ku tsʼáaikoʼob táanil u yáantik u paalaloʼob u meyajtoʼob Jéeoba, maʼ chéen u yutsiloʼob ku kaxtikoʼobiʼ (w17.05, táan juʼun 9 tak 11).

Jesuseʼ tu kʼáataj tiʼ Pedro: «¿Maas wa a yaabiltmen tiʼ le baʼaloʼobaʼ? ¿Baʼax «le baʼaloʼobaʼ»? (Juan 21:15.)

Jesuseʼ táan u tʼaan kaʼach tiʼ le kayoʼoboʼ wa tiʼ u meeyjil u chuʼukul kay. Ka tsʼoʼok u kíimil Jesuseʼ, Pedroeʼ tu seguertaj u chukik kay. Wa maʼ k-kanáantikbaeʼ jeʼel u joʼopʼol k-tsʼáaik táanil k-meyajeʼ (w17.05, táan juʼun 22 yéetel 23).

¿Baʼaxten tu yaʼalaj Abrahán tiʼ u yatan ka u yaʼal u yíitsʼin? (Gén. 12:10-13.)

U jaajileʼ Saraeʼ u x-majan íitsʼin Abrahán. Wa ku yaʼalik kaʼach Sara u yíicham Abrahaneʼ, jeʼel u kíimsaʼaleʼ yéetel maʼ tun antal kaʼach le chʼiʼibal aʼalaʼantiʼ tumen Diosoʼ (wp17.3, táan juʼun 14 yéetel 15).

¿Baʼax tu beetaj Elias Hutter utiaʼal u yáantik u alumnos u kanoʼob hebreo?

Letiʼeʼ u kʼáat kaʼach ka kʼaj óoltaʼak tumen u alumnos u moots le tʼaanoʼob ich hebreo ku meyaj ichil le Bibliaoʼ yéetel ka u yiloʼob baʼax u kʼáat u yaʼaloʼob ken tsʼaʼabak letraʼob tu káajbal wa tu tsʼoʼokbal. Le oʼolal yaan letraʼobeʼ júul booxtak tu tsʼáajil, yanoʼobeʼ jóojochil u tsʼuʼ. U moots le tʼaanoʼ júul boox tu imprimirtil, le letraʼob yaan tu káajbal wa tu tsʼoʼokbaloʼ jóojochil u tsʼuʼ. Teʼ Traducción del Nuevo Mundo de las Santas Escrituras (con referencias) ich españoloʼ bey xan tsʼaʼanil le mejen tsolajiloʼoboʼ (wp17.4, táan juʼun 11 yéetel 12).

Juntúul máax meyajtik Dioseʼ, ¿baʼax unaj u chʼaʼik en cuenta utiaʼal u chʼaʼtuklik wa unaj u yantal u tsʼoon wa uláakʼ nuʼukul utiaʼal u defendertikuba?

Tu táan Jéeobaeʼ u kuxtal wíinikeʼ jach kiliʼich. Jesuseʼ maʼ tu yaʼalaj tiʼ u disipuloʼob ka u chʼaʼ u espadaʼob utiaʼal u defenderkubaʼobiʼ (Luc. 22: 36, 38). Máaxoʼob meyajtik Dioseʼ ku sutik u espadaʼob bey u nuʼukulil u meyajtaʼal luʼumeʼ yéetel u lanzaʼobeʼ bey lóobcheʼeʼ. Maas koʼoj xan u yilkoʼob le kuxtal tiʼ le ayikʼaliloʼ. Tsʼoʼoleʼ ku respetarkoʼob u conciencia u maasil yéetel ku kanáantkoʼob baʼax ku beetkoʼob (2 Cor. 4:2) (w17.07, táan juʼun 31 yéetel 32).

¿Baʼaxten yaanal baʼax ku yaʼalik Mateo tiʼ le baʼax ku yaʼalik Lucas yoʼolal u kuxtal Jesús tu chichniloʼ?

Mateoeʼ maas tʼaanaj tiʼ José. Ku tsolik bix tu yuʼubiluba le ka tu yojéeltaj yaan u yantal u chaambal María yéetel le ka tu wayakʼtaj táan u tsoʼololtiʼ tumen juntúul ángel ka xiʼik Egipto yéetel u familia. Lucaseʼ maas tʼaanaj tiʼ María. Ku tsolikeʼ Maríaeʼ bin u xíimbalt Elisabet yéetel tu tsʼáaj nojbeʼenil tiʼ Jéeoba. Tʼaanaj xan tiʼ le ka binoʼob teʼ templo le yaan 12 años tiʼ Jesusoʼ (w17.08, táan juʼun 32).

¿Baʼaxoʼob tsʼoʼok u aktáantik le Bibliaoʼ?

Yaan tʼaanoʼob ku meyaj úucheʼ jelaʼan bix u naʼataʼal bejlaʼeʼ. Le baʼax tu beetaj le gobiernooʼ tu beetaj xan u kʼexpajal le idiomaoʼ. Tsʼoʼoleʼ yaʼab máax u pʼeek u traducirtaʼal (w17.09, táan juʼun 19 tak 21).

¿Tsʼaʼan wa juntúul ángel kanáantkech?

Maʼatech. Jesuseʼ tu yaʼaleʼ u ángel u disipuloʼobeʼ «mantatsʼ ku yilkoʼob u táan u yich [u] Taata yaan teʼ kaʼanoʼ» (Mat. 18:10). Teʼelaʼ Jesuseʼ maʼ táan u yaʼalik kaʼach wa yaan juntúul ángel kanáantkoʼobiʼ, baʼaxeʼ tu tsʼáaj naʼatbileʼ le angeloʼoboʼ jach ku tuukuloʼob tiʼ tuláakal le máaxoʼob meyajtik Diosoʼ (wp17.5, táan juʼun 5).

¿Máakalmáak le maas maʼalob yaabilajoʼ?

Letiʼe agápeoʼ tumen nuʼuktaʼan yéetel baʼax ku yaʼalik le Bibliaoʼ. Le yaabilajaʼ maʼ chéen uʼuybil u beetaʼaliʼ, baʼaxeʼ ku yeʼesaʼal ken kaxtaʼak u yutsil u maasil (w17.10, táan juʼun 7).