Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

Óoliʼ tuláakal le religionoʼob maas nuuktakoʼoboʼ ku kaʼanskoʼob yaan u pixan máak

 TIʼ U YÁAX TÁAN JUʼUNIL | KUXTAL YÉETEL KÍIMIL: ¿BIX U YILIK DIOS?

Junpʼéel baʼal ku bisik k-wenel

Junpʼéel baʼal ku bisik k-wenel

YAʼAB baʼax ku yaʼalaʼal yoʼolal le kuxtal yéetel le kíimiloʼ. Yaan máax tuklikeʼ ken kíimkeʼ ku bin kuxtal táanxel tuʼux. Uláakʼoʼob xaneʼ ku tuklikoʼobeʼ ku síijloʼob tiʼ yaanal wíinklil. Yaan xaneʼ ku tuklikeʼ ken kíimkeʼ tsʼoʼok tiʼ beyoʼ.

Maʼ xaaneʼ yoʼolal bix líiʼsaʼanilecheʼ yaanal baʼax ka creertik yoʼolal le kíimiloʼ. Wa jejeláas baʼax ku creertaʼaleʼ, ¿jeʼel wa u páajtal k-ojéeltik jach baʼax ku yúuchul tiʼ máak ken kíimkeʼ?

U nuuktakil le religionoʼoboʼ tsʼoʼok u máan u cientosil años joʼopʼok u kaʼanskoʼob yaan baʼax ku pʼáatal kuxaʼanil tiʼ máak ken kíimik. U maas yaʼabil le máaxoʼob yanoʼob ichil u religionil le cristianismo, hinduismo, judaísmo yéetel islamoʼ ku kaʼanskoʼobeʼ ken kíimik máakeʼ ku jóokʼol u pixan yéetel ku bin tuʼux yaan u maasil pixanoʼoboʼ. Chéen baʼaleʼ le budistaʼoboʼ ku creertikoʼob le nirvanaoʼ. Le baʼax ku creertikoʼobaʼ ku kaʼansikeʼ utiaʼal ka pʼáatak mix baʼal ku muʼyajtikoʼobeʼ kʼaʼabéet u síijloʼob yaʼab u téenel.

Tumen jejeláas baʼax ku creertaʼaleʼ u maas yaʼabil le máakoʼoboʼ ku tuklikoʼobeʼ le kíimiloʼ ku yáantaj utiaʼal ka máanak máak tiʼ uláakʼ clase kuxtal. Le oʼolal ku tuklaʼaleʼ natural u kíimil máak, u voluntad bin Dios. Baʼaleʼ ¿baʼax ku yaʼalik le Biblia tu yoʼolal lelaʼ? K-invitartikech a xakʼalt le xook ku segueroʼ. Yaan a kanik baʼaloʼob mix juntéen máanak ta tuukul.