Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 KʼAAY 91

Junpʼéel naj t-beetaj yéetel yaabilaj

Yéey u grabacionil a wuʼuye
Junpʼéel naj t-beetaj yéetel yaabilaj

(Salmo 127:1)

  1. 1. Teʼ kʼiinaʼ, Yuumtsil Jéeoba,

    tuláakloʼon táan k-chintal ta táan.

    Ta tsʼáaj a bendición tiaʼal k-meyaj

    teʼ jatsʼuts najaʼ.

    Ta wáantoʼon, Yuumtsil Jéeoba,

    utiaʼal ka k-beet le meyajaʼ.

    Le naj tsʼoʼok k-beetikaʼ táan k-kʼubik

    yéetel yaabilaj.

    (CORO)

    Jach kiʼimak k-óol tumen ta tsʼáajtoʼon

    junpʼéel sen kiʼichkelem meyaj.

    Bejlaʼeʼ táan k-kʼáatiktech a wáantaj, Yuumtsil Jéeoba,

    tiaʼal k-nojbeʼenkúunsikech mantatsʼ.

  2. 2. Toʼoneʼ yaan k-kʼaʼajsik mantatsʼ

    tuláakle máaxoʼob áantoʼonoʼ.

    Tu tsʼáaj u yóoloʼob xan sáamsamal

    yéetel yaabilaj.

    A kiliʼich muukʼeʼ, Jéeoba,

    tu yáantoʼon xan tiaʼal k-múul meyaj.

    Yéetel a wáantajeʼ t-beetajtech

    le jatsʼuts najaʼ.

    (CORO)

    Jach kiʼimak k-óol tumen ta tsʼáajtoʼon

    junpʼéel sen kiʼichkelem meyaj.

    Bejlaʼeʼ táan k-kʼáatiktech a wáantaj, Yuumtsil Jéeoba,

    tiaʼal k-nojbeʼenkúunsikech mantatsʼ.

(Ilaʼak xan Sal. 116:1; 147:1; Rom. 15:6.)