Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 KʼAAY 24

Koʼoneʼex naʼakal tu wits Jéeoba

Yéey u grabacionil a wuʼuye
Koʼoneʼex naʼakal tu wits Jéeoba

(Isaías 2:2-4)

  1. 1. Teʼ tu tsʼook kʼiinoʼobaʼ

    jeʼel u béeytal u yilaʼal

    Dioseʼ táan u kʼamik yaʼab

    máakoʼob ich u yotoch.

    Le chan múuchʼ tamanaʼ

    kiaʼalik tiʼ tuláakal máak:

    «Koʼoten, ma sen tuklik,

    koʼox naʼakal tu wits Jéeoba».

    Ichil u kaajaleʼ

    táan u béeytal le baʼax yaʼalmajoʼ.

    Le junpʼíit máakoʼoboʼ

    tsʼoʼok u káajal u maas yaʼabtaloʼob.

    Toʼoneʼ táan k-ilikeʼ

    tiʼ tuláakal kaajoʼobeʼ

    yaʼab máak taak u yantal

    ichil u kaajal Jéeoba.

  2.  2. Toʼoneʼ teʼ kʼiinoʼobaʼ

    táan k-tsʼáaik k-óol teʼ kʼaʼaytajoʼ.

    K-áantik tuláakal máak

    utiaʼal ka náatsʼak tiʼ Dios.

    K-aʼalik tiʼ wíinikoʼob:

    «Jesuseʼ táan u reinar

    yéetel mun xáantal ken

    u tsʼáatoʼon yaʼab utsiloʼob».

    Le jatsʼuts meyajaʼ

    jach ku beetik u kiʼimaktal k-óol.

    Mantatsʼ táan k-múul meyaj

    yéetel u tamanoʼob Yuum Jéeoba.

    Kʼaʼabéet k-aʼalik mantatsʼ

    tiʼ tuláakle máakoʼoboʼ:

    «¡Koʼoneʼex! ¡Jach kʼaʼabéet

    k-naʼakal tu wits Yuumtsil Jéeoba!».

(Ilaʼak xan Sal. 43:3; 99:9; Isa. 60:22; Bax. 16:5.)