Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 Xook 15

¿Baʼaxten maʼ unaj u xuʼulul a kaanbal tiʼ le Bibliaoʼ?

¿Baʼaxten maʼ unaj u xuʼulul a kaanbal tiʼ le Bibliaoʼ?

1. ¿Bix jeʼel u yáantkech le maʼ u xuʼulul a kaanbal tiʼ le Bibliaoʼ?

Le jujunpʼéel kaʼansajoʼob tsʼoʼok k-ilik teʼ Bibliaoʼ, tsʼoʼok u maas muʼukʼaʼankúuntik a yaabilaj yoʼolal Jéeoba. Baʼaleʼ unaj a wilik u seguer u nojochtal le yaabilaj ka wuʼuyik tu yoʼolaloʼ (1 Pedro 2:2). Utiaʼal ka yanaktech le kuxtal minaʼan u xuuloʼ unaj a maas natsʼkaba tiʼ Jéeoba yéetel maʼ u xuʼulul a kaanbal tiʼ letiʼ. Xok Juan 17:3; Judas 21.

Jeʼex u bin a maas kaanbal tiʼ Dioseʼ, bey kun bin u maas muʼukʼaʼantal a fejoʼ. Leloʼ yaan u yáantkech utiaʼal ka lúubukech utsil tiʼ Dios (Hebreoʼob 11:1, 6). Le fejoʼ yaan u yáantkech utiaʼal u xuʼulul a beetik baʼax kʼaas yéetel ka a beet le kʼeexoʼob jeʼel u taasiktech utsiloʼoboʼ. Xok Baʼaxoʼob 3:19.

Techeʼ jeʼel u páajtal a biskaba jach maʼalob yéetel Jéeobaeʼ

2. ¿Bix jeʼel a wáantik uláakʼ máakoʼob yéetel le baʼax tsʼoʼok a kanikoʼ?

K-ojel yaan u taaktal a tsikbaltik tiʼ uláakʼ máakoʼob le maʼalob péektsil tsʼoʼok a kanikoʼ, tumen leloʼ jach ku taasik kiʼimak óolal tiʼ máak. Jeʼex u bin a maas kaanbal tiʼ le Bibliaoʼ, yaan a wilik bix jeʼel u meyajtech utiaʼal a tsolik tiʼ uláakʼ máakoʼob le baʼax ka creertik yoʼolal Jéeoba yéetel le baʼax ken u beetoʼ. Xok Romailoʼob 10:13-15.

Jeʼel u páajtal u káajal a tsikbaltik le maʼalob péektsil tiʼ a amigoʼob yéetel tiʼ a láakʼtsiloʼoboʼ. Baʼaleʼ jach kanáant bix ken a beetil. Tu lugar a waʼaliktiʼob maʼ maʼalob le baʼax ku creertikoʼoboʼ, tsikbalttiʼob baʼaxoʼob ken u beet Dios maʼ kun xáantal. Kʼaʼajaktecheʼ maases ku yilkoʼob le baʼaxoʼob ku beetik máakoʼ. Xok 2 Timoteo 2:24, 25.

3. ¿Bix jeʼel a maas biskaba yéetel Dioseʼ?

Jeʼex u bin a xokik le Bibliaoʼ yaan a maas kaanbal tiʼ Jéeoba yéetel yaan a jach biskaba maʼalob tu yéetel. Teʼ  kʼiinoʼobaʼ jeʼel u páajtal a wantal ichil u kaajal Dioseʼ. Xok 2 Corintoiloʼob 6:18.

4. ¿Bix jeʼel a maas meyajtik Dioseʼ?

Techeʼ jeʼel u páajtal a maas natsʼkaba tiʼ Dios wa maʼ tu xuʼulul a kaanbal tiʼ le Bibliaoʼ (Hebreoʼob 5:13, 14). Kʼáat tiʼ juntúul u j-jaajkunaj Jéeoba ka u yáantech a xok le Biblia yéetel u yáantaj le libro ¿Baʼax jach tu jaajil ku kaʼansik le Bibliaoʼ? Yaan u jach kiʼimaktal a wóol yoʼolal le baʼaxoʼob ken a kanoʼ. Xok Salmo 1:1-3; 73:27, 28.

Le maʼalob péektsiloʼob yaan teʼ Bibliaoʼ tiʼ Jéeoba u taal, le Dios kiʼimak u yóoloʼ. Techeʼ jeʼel u páajtal a maas biskaba tu yéetel wa ka muchʼikaba yéetel le máaxoʼob meyajtikoʼ (Hebreoʼob 10:24, 25). Techeʼ táan a wilik a tiaʼalintik le kuxtal minaʼan u xuul ikil a tsʼáaik a wóol a beet baʼax uts tu tʼaan Jéeobaoʼ. A natsʼkaba tiʼ Dioseʼ letiʼe baʼax maas maʼalob jeʼel a beetkoʼ. Xok 1 Timoteo 1:11; 6:19.