Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

U carta le Cuerpo Gobernanteoʼ

U carta le Cuerpo Gobernanteoʼ

«Ku páaʼtaʼaleʼ [...] j-kaʼansajeʼex» (Heb. 5:12). ¡Chéen tukle! Jéeoba, le Maas Maʼalob j-Kaʼansajoʼ, ku páaʼtik ka k-kaʼans tiʼ uláakʼ máakoʼob baʼax k-ojel tu yoʼolal. K-kaʼansik u jaajil yoʼolal Jéeoba —tiʼ k-familia, teʼ múuchʼulil wa teʼ kʼaʼaytajoʼ— junpʼéel jatsʼuts meyaj unaj k-beetik tubeel. ¿Baʼax jeʼel u yáantkoʼoneʼ?

Letiʼe baʼax tu tsʼíibtaj apóstol Pablo tiʼ Timoteooʼ: «Maʼ u xuʼulul a tsʼáaik a wóol xook tu táan u maasil, a líiʼsik u yóoloʼob yéetel a kaʼanskoʼob». Ka tsʼoʼokeʼ tu yaʼalaj: «Beyoʼ yaan a salvartikaba teech bey xan le máaxoʼob chʼenxikintkechoʼ» (1 Tim. 4:13, 16). Le baʼax k-kaʼansikoʼ jeʼel u salvartik máakeʼ. Le oʼolal unaj k-tsʼáaik k-óol k-maas maʼalobkíint k-xook yéetel k-kaʼansaj. Le folletoaʼ beetaʼan utiaʼal leloʼ. Koʼox ilik baʼaxoʼob ku taasik.

Tekstoʼob ku tsʼáaik junpʼéel tsolnuʼuk wa ku yeʼesik bix jeʼel a beetik le baʼaxoʼob ku tsoʼolol tiʼ cada junpʼéel xookoʼ

Jéeobaeʼ letiʼe Maas Maʼalob j-Kaʼansajoʼ (Isa. 30:20). Kex yaan u maas maʼalobtal a xook yéetel a kaʼansaj kéen meyajnaktech le folletoaʼ, maʼ u tuʼubultecheʼ tiʼ Jéeoba u taal le baʼax k-kaʼansikoʼ yéetel letiʼ natsʼik le máakoʼoboʼ (Juan 6:44). Kʼáat u kiliʼich muukʼ sáamsamal yéetel meyajnaktech mantatsʼ le Bibliaoʼ. Tsʼáa nojbeʼenil tiʼ Jéeoba, maʼ tiʼ techiʼ. Beet u yaabiltaʼal Jéeoba tumen le máaxoʼob uʼuyikechoʼ.

Le baʼax tsʼaʼantech a kaʼansoʼ letiʼe kʼubentʼaan maas kʼaʼanaʼan tsʼoʼok u tsʼáaik Dios tiʼ wíinikoʼ. Le oʼolaleʼ chaʼa u yáantkech le «muukʼ ku tsʼáaik Diosoʼ» utiaʼal u bintech utsil (1 Ped. 4:11).

A wéet j-kaʼansajeʼex,

Cuerpo Gobernante tiʼ u j-Jaajkunajoʼob Jéeoba