Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 XOOKIL 49

Castigartaʼab juntúul kʼasaʼan reina

Castigartaʼab juntúul kʼasaʼan reina

Le rey Acaboʼ táan u paakat tu ventanail u palacio yaan tu kaajil Jezreeloʼ. Desde teʼeloʼ táan kaʼach u yilik le parcela tuʼux u pakʼmaj uva juntúul maak ku kʼaabaʼtik Nabotoʼ. Acabeʼ u kʼáat kaʼach le parcelaoʼ le oʼolal taakchaj u manik tiʼ Nabot. Chéen baʼaleʼ Naboteʼ maʼ tu yóotaj u kontiʼiʼ tumen u Ley Jéeobaeʼ ku yaʼalik maʼ maʼalob ka koʼonok le parcela ku pʼaʼatal tiʼ le hijotsiloʼoboʼ. Le baʼax tu beetaj Nabotoʼ maʼalob. Chéen baʼaleʼ, ¿maʼalob wa tu yilil Acab le baʼax tu beetaj Nabotoʼ? Maʼatech. Letiʼeʼ jach pʼuʼuji le oʼolal maʼ taak kaʼach u jóokʼol tu cuartoiʼ mix u jaantik mix baʼaliʼ.

U yatan Acabeʼ, letiʼe kʼasaʼan reina Jezabeloʼ. Letiʼeʼ tu yaʼalajtiʼ: ‹Teech u reyil Israel, jeʼel u páajtal u yantaltech tuláakal baʼax a kʼáateʼ. Teen ken in tsʼáatech le parcelaoʼ›. Letiʼ túuneʼ tu tsʼíibtaj cartaʼobeʼ ka tu tsʼáaj tiʼ u nuuktakiloʼob le kaajoʼ. Teʼ cartaʼoboʼ tu yaʼalajtiʼob ka u takoʼob u pool Nabot, ka u yaʼaloʼob tsʼoʼok u tʼaan kʼaas tu contra Dios yéetel ken tsʼoʼokkeʼ ku muruxtuntikoʼob. U nuuktakiloʼob le kaajoʼ tu beetoʼob le baʼax aʼalaʼabtiʼoboʼ. Ka tsʼoʼokeʼ Jezabeleʼ tu yaʼalaj tiʼ Acab: ‹Naboteʼ tsʼoʼok u kíimil. Beoraaʼ le parcela tuʼux u pakʼmaj uvaoʼ a tiaʼal›.

Jezabeleʼ tu kíimsaj Nabot yéetel yaʼab uláakʼ máakoʼob u yaabiltmoʼob Jéeoba. Jezabel xaneʼ ku adorartik kaʼach beetbil diosoʼob yéetel ku beetik baʼaloʼob kʼaastak. Chéen baʼaleʼ Jéeobaeʼ ku yilik kaʼach tuláakal le baʼaxoʼob kʼaastak ku beetkoʼ. ¿Yaan wa ta tʼaan u castigartaʼal Jezabel tumen Jéeoba?

Ka máan wa jaypʼéel tiempo kíimik Acabeʼ, káaj u gobernar Jehoram, u hijo. Jéeoba túuneʼ tu túuxtaj juntúul máak ku kʼaabaʼtik Jehú utiaʼal u castigartik Jezabel yéetel u láakʼtsiloʼob.

Jehueʼ naʼak tu carroeʼ ka bin Jezreel, le tuʼux kajaʼan Jezabeloʼ. Jehoram xaneʼ naʼak tu carroeʼ ka bin tʼaan yéetel Jehú. Le ka tu yilubaʼob teʼ bejoʼ, Jehorameʼ tu kʼáataj tiʼ Jehú wa táan u taal u kaxt jeetsʼelil. Chéen baʼaleʼ Jehueʼ, tu yaʼalajtiʼ: ‹Maʼ. Maʼ kun antal jeetsʼelil ichiloʼon wa  maʼ tu xuʼulul u beetik baʼaloʼob kʼaastak Jezabel, a maama›. Jehoram túuneʼ taakchaj u púutsʼul, chéen baʼaleʼ Jehueʼ tu chʼinaj yéetel junpʼéel flechaeʼ ka tu kíimsaj.

Ka tsʼoʼokeʼ Jehueʼ bin tu palacio Jezabel. Letiʼeʼ tu yojéeltaj táan u taal Jehú, le oʼolal tu bonaj u yich, tu jatsʼuts xacheʼtaj u pool ka tu páaʼtaj tu ventanail le cuarto yaan tu kaʼanlil le palaciooʼ. Le ka kʼuch Jehueʼ aʼalaʼab baʼal tiʼ tumen Jezabel. Jehueʼ tu kʼaʼam aʼalaj tiʼ u j-meyajoʼob Jezabel: ‹¡Léenchʼinteʼex!›. Letiʼobeʼ tu léenchʼintoʼob, bey túun kíimik Jezabeloʼ.

Ka tsʼoʼokeʼ Jehueʼ tu kíimsaj u 70 paalal Acab yéetel tu xuʼulsaj u adorartaʼal Baal. Jeʼex k-ilkoʼ Jéeobaeʼ ku yilik tuláakal baʼax ku yúuchul yéetel ken kʼuchuk u kʼiinileʼ ku castigartik le máaxoʼob beetik baʼaloʼob kʼaastakoʼ.

«Junpʼéel herencia maʼ maʼalob bix u yantal tiʼ máakeʼ, ken máanak kʼiineʼ mix junpʼéel utsil ken u taase.» (Proverbios 20:21)