Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

U káajbal le jaats 8

U káajbal le jaats 8

Jéeobaeʼ tu bendecirtaj Salomón, tu tsʼáaj yaʼab naʼat tiʼ yéetel tu yaʼalajtiʼ ka u beet le templooʼ. Chéen baʼaleʼ Salomoneʼ jujunpʼíitil úuchik u bin u náachtal tiʼ Dios. Wa yaan a paalaleʼ tsoltiʼob le máaxoʼob adorartik kaʼach maʼ jaajil diosoʼob beet u náachtal Salomón tiʼ Jéeobaoʼ. Le reinooʼ tu jatsuba, le oʼolal anchaj kʼasaʼan reyoʼob beet u náachtal u kaajil Israel tiʼ Jéeoba utiaʼal u adorartikoʼob maʼ jaajil diosoʼobiʼ. Teʼ kʼiinoʼoboʼ le profetaʼob chúukpaj u yóoloʼob tiʼ Jéeobaoʼ chʼaʼpachtaʼaboʼob yéetel kíimsaʼaboʼob. Le reina Jezabeloʼ tu péeksaj le diez tribus yanoʼob tu reinoil xamanoʼ ka u beetoʼob baʼaloʼob maas kʼaastak tu táan Dios. Teʼ kʼiinoʼoboʼ jach bin kʼaasil tiʼ  u luʼumil Israel. Kex beyoʼ anchaj israelitaʼob chúukpaj u yóoloʼob tiʼ Jéeoba, jeʼex rey Jehosafat yéetel profeta Elías.

BAʼAX YAAN TEʼ JAATSAʼ

XOOKIL 44

Junpʼéel templo utiaʼal Jéeoba

Dioseʼ maʼalob tu yuʼubil le baʼax kʼáataʼab tiʼ tumen Salomonoʼ ka tu tsʼáaj uláakʼ meyajoʼob u beete.

XOOKIL 45

Jaʼats le reinooʼ

Yaʼab israelitaʼobeʼ xuʼul u adorartikoʼob Jéeoba.

XOOKIL 46

Ilaʼab máax u jaajil Dios

¿Máax u jaajil Dios? ¿Jéeoba wa Baal?

XOOKIL 47

Jéeobaeʼ tu líiʼsaj u yóol Elías

A tuklikeʼ, ¿jeʼel wa xan u líiʼsik a wóol Jéeobaeʼ?

XOOKIL 48

Kuxkíintaʼab u hijo juntúul viuda

Ku beetaʼal kaʼapʼéel milagro tiʼ junpʼéeliliʼ naj

XOOKIL 49

Castigartaʼab juntúul kʼasaʼan reina

Jezabeleʼ tu beetaj u kíimsaʼal juntúul israelita ku kʼaabaʼtik Nabot utiaʼal u chʼaʼik u parcela. Chéen baʼaleʼ Jéeobaeʼ tu yilaj le baʼax kʼaas tu beetoʼ.

XOOKIL 50

Jéeobaeʼ tu yáantaj Jehosafat

Le utsul rey Jehosafatoʼ tu kʼáataj u yáantaj Dios le ka taal baʼateltbiloʼob tumen le máaxoʼob pʼekmiloʼoboʼ.