Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

Óox jaats: Jóokʼbalil Egipto tak tu yáax reyil Israel

Óox jaats: Jóokʼbalil Egipto tak tu yáax reyil Israel

Le israelitaʼob palitsiltaʼanoʼob Egiptooʼ, bisaʼaboʼob tumen Moisés tak tu witsil Sinaí, teʼeloʼ tiʼ tu tsʼáaj Dios u leyoʼob tiʼobiʼ. Ka tsʼoʼokeʼ, Moiseseʼ tu túuxtaj doce j-chʼúukoʼob ilik u luʼumil Canaán. Baʼaleʼ diez tiʼ letiʼobeʼ tiaʼaloʼob baʼaloʼob maʼ jaajtakiʼ. Tu beetoʼob u taaktal u suut le israelitaʼob Egiptooʼ. Tumen pʼáat minaʼan u oksaj óolaloʼobeʼ, le israelitaʼoboʼ castigartaʼaboʼob tumen Dios, ka beetaʼab u chéen máanoʼob teʼ x-tokoy luʼum ich cuarenta jaʼaboʼoboʼ.

Tu tsʼookeʼ, Josué yéeyaʼab utiaʼal u yoks le israelitaʼob tu luʼumil Canaanoʼ. Jéeobaeʼ tu beetaj milagroʼob utiaʼal ku yáantoʼob u tiaʼalintoʼob le luʼumoʼ. Tu beetaj u xuʼulul u yáalkab u jaʼi Jordán, tu beetaj u níikil u baʼpakʼil Jericó, tu beetaj xan u waʼatal le Kʼiin bul kʼiinoʼ. Ka tsʼoʼok u máan seis jaʼabeʼ, le luʼumoʼ láaj chʼaʼab tiʼe canaaneoʼoboʼ.

Israeleʼ gobernartaʼab tumen juesoʼob ichil trescientos cincuentai seis jaʼaboʼob, káaj yéetel Josué. Yaan k-kanik baʼax tu beetaj yaʼab tiʼ letiʼobiʼ, jeʼex tiʼ Barac, Gedeón, Jefté, Sansón yéetel Samuel. Yaan k-kanik xan tiʼ koʼoleloʼob, jeʼex Rahab, Débora, Jael, Rut, Noemí yéetel Dalila. Tuláakleʼ yaan 396 jaʼaboʼob tiʼ tsikbalil teʼ ÓOX Jaatsaʼ.

Le tabernáculooʼ