Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 XOOK 6

¿Bix u yáantkoʼon le k-bisikba yéetel le sukuʼunoʼoboʼ?

¿Bix u yáantkoʼon le k-bisikba yéetel le sukuʼunoʼoboʼ?

Madagascar

Noruega

Líbano

Italia

Toʼon u j-jaajkunajoʼon Jéeobaeʼ mantatsʼ k-bin muchʼtáambal, lelaʼ k-beetik kex ka yanak k-xíimbal ich kʼáax wa kex maʼ maʼalob le tiempooʼ. ¿Baʼaxten jach k-tsʼáaik k-óol utiaʼal k-antal yéetel k-sukuʼunoʼob kex táan k-máansik talamiloʼob ichil k-kuxtal wa kex kaʼanaʼanoʼon?

Ku yáantaj utiaʼal k-utsil. Le ka tʼaanaj apóstol Pablo tiʼ u kʼaʼabéetil u bin máak muchʼtáambaleʼ, letiʼeʼ tu yaʼalaj: «Koʼoneʼex kaxtik xan bix jeʼel k-paklan áantikbaʼex[eʼ]» (Hebreoʼob 10:24). Yéetel le tʼaanoʼobaʼ, le apostoloʼ táan u yeʼesik u kʼaʼabéetil k-kʼaj óoltik u maasil yéetel k-paklan áantikba. Ken k-kʼaj óolt u maasil sukuʼunoʼob teʼ múuchʼuliloʼ, maʼ xaaneʼ yaan k-ojéeltik jujuntúul tiʼ letiʼobeʼ tsʼoʼok u aktáantkoʼob talamiloʼob jeʼex le yaantoʼonoʼ yéetel letiʼobeʼ jeʼel u yáantkoʼonoʼob utiaʼal ka seguernak u chúukpajal k-óoleʼ.

Ku yáantaj utiaʼal k-bisikba mantatsʼ. Ken yanakoʼon teʼ muchʼtáambaloʼoboʼ, k-antal ichil máaxoʼob jach maʼalob u biskubaʼob. Tsʼoʼoleʼ yaan kʼiineʼ, k-muchʼikba xan utiaʼal k-náaysik k-óol. ¿Bix u yáantkoʼon le súutukiloʼob beyaʼ? Ku yáantkoʼon k-maas bisba tubeel yéetel ku beetik u maas muʼukʼaʼantal le yaabilaj yaan ichiloʼonoʼ. Yéetel le ken yanak talamil tiʼ k-sukuʼunoʼobeʼ, tu séebaʼanil k-ilik k-áantkoʼob tumen yaantoʼon junpʼéel jach maʼalob bisbail (Proverbios 17:17). Ken k-bisba yéetel tuláakal le máaxoʼob yanoʼob teʼ múuchʼuliloʼ, k-eʼesik tuláakloʼon kʼaʼabéetoʼon (1 Corintoiloʼob 12:25, 26).

U jaajileʼ maas maʼalob ka a bisaba yéetel le máaxoʼob beetik baʼax ku yaʼalik Jéeobaoʼ. Ichil u j-jaajkunajoʼob Jéeobaeʼ jeʼel u yantaltech maʼalob amigoʼobeʼ. Maʼ a chaʼik tiʼ mix baʼal ka u beet u xuʼulul a muchʼkaba t-éetel.

  • ¿Baʼaxten jach unaj k-muchʼikba yéetel le sukuʼunoʼob teʼ múuchʼuliloʼ?

  • ¿Baʼax kʼiin jeʼel a taal teʼ tuʼux k-muchʼikbaʼoʼ?