Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 XOOKIL 4

¿Bix unaj k-kanáantik k-taakʼin?

¿Bix unaj k-kanáantik k-taakʼin?

‹Wa ku tsikbaltaʼal bix kun beetbil junpʼéel baʼaleʼ, maʼalob u jóokʼol› (Proverbios 20:18, TNM)

Tuláakloʼon kʼaʼabéettoʼon taakʼin utiaʼal k-tsʼáaik tiʼ k-familia baʼaxoʼob kʼaʼabéet (Proverbios 30:8). Jeʼex k-ojlileʼ «taakʼineʼ ku yáantaj» (Eclesiastés 7:12). Maʼ xaaneʼ maʼ chéen chʼaʼabil u tsikbal máak yéetel u núup yoʼolal taakʼiniʼ, baʼaleʼ lelaʼ maʼ unaj u beetik u yantal problemaʼob ichil le familiaoʼ (Efesoiloʼob 4:32). Le máaxoʼob tsʼokaʼan u beeloʼoboʼ unaj u múul tsikbaltikoʼob bix ken u xupil u taakʼinoʼob yéetel u beetkoʼob jeʼex tsʼoʼok u chʼaʼtuklikoʼoboʼ.

 1 TSIKBALTEʼEX BAʼAX KEN A BEETEʼEX

LE BIBLIAOʼ KU YAʼALIK: «¿Máax ichileʼex wa u kʼáat u beet junpʼéel torreeʼ maʼ tu kutal táanil u tukult bukaʼaj ken u tojolttiʼ, ka u yil wa jeʼel u chúukpajal u tojol tiʼ utiaʼal u tsʼoʼoksikeʼ?» (Lucas 14:28). Jach maʼalob ka a tsikbalteʼex baʼax ken a beeteʼex yéetel a taakʼineʼex (Amós 3:3). Yáaxeʼ ilawileʼex baʼax jach kʼaʼabéet a manikeʼex, tsʼoʼoleʼ ka wilkeʼex bajux jeʼel u páajtal a xupikeʼexeʼ (Proverbios 31:16). Kex wa chan yaanteʼex junpʼíit taakʼin utiaʼal a manikeʼex wa baʼaxeʼ, maʼ u kʼáat u yaʼal wa unaj a manikeʼexiʼ. Maʼ a pʼaxkabaʼex, xupeʼex chéen le taakʼin yaanteʼexoʼ (Proverbios 21:5; 22:7).

BEETEʼEX LELAʼ:

  • Wa ken tsʼoʼokok le mes yaan taakʼin pʼáatteʼexoʼ, múul tsikbalteʼex baʼax ken a beeteʼex yéetel

  • Wa junpʼíit ka náajaltikeʼexeʼ, ilawil baʼax jeʼel a beetkeʼex utiaʼal maʼ a sen xuupeʼexeʼ. Maʼ xaaneʼ jeʼel u páajtal a beetkeʼex janal tu lugar a manikeʼexeʼ

 2 KANÁANT BIX A XUUPEʼEX

LE BIBLIAOʼ KU YAʼALIK: «K-ilik k-beetik toj tuláakal baʼal, maʼ chéen tu táan Jéeobaiʼ, baʼaxeʼ tak tu táan le máakoʼoboʼ» (2 Corintoiloʼob 8:21). Tsikbalt tiʼ a núup bajux ka náajaltik yéetel bajux ka xupik.

Wa yaan u kʼaʼabéettal a xupik yaʼab taakʼineʼ, táanil tiʼ a beetkeʼ tsikbalt yéetel a núup (Proverbios 13:10). Wa ka tsikbaltik yéetel a núup le baʼaloʼob beyaʼ maas yaan u yantal kiʼimak óolal ichileʼex. Maʼ a wilik le taakʼin ka náajaltik bey chéen a tiaʼaloʼ, baʼaxeʼ bey utiaʼal a familiaeʼ (1 Timoteo 5:8).

BEETEʼEX LELAʼ:

  • Tsikbalteʼex bukaʼaj jeʼel u páajtal u xupik cada juntúul sin ke u kʼáatik tiʼ u núup wa de acuerdoeʼ

  • Maʼ a páaʼtikeʼex u yantal junpʼéel problema utiaʼal a tsikbaltikeʼex bix kun meyaj a taakʼineʼex