Xeen tiʼ baʼax ku taasik

U testigoʼob Jéeoba

Yéey u idiomail maaya

Bix kun beetbil le muchʼtáambal Kuxtal yéetel Meyaj jeʼex Cristoeʼ

Bix kun beetbil le muchʼtáambal Kuxtal yéetel Meyaj jeʼex Cristoeʼ

Baʼax ku taasik

 

Xóotʼoloʼob

U tʼaaniloʼob u káajbal

 2

Jatsʼuts baʼaloʼob k-kanik teʼ Bibliaoʼ

 3

Kaʼansajnakoʼon maʼalob

 4

Kuxlakoʼon jeʼex Cristoeʼ

 5

U tsʼoʼokbal

 6

Folleto Tsʼáa a wóol xook yéetel kaʼansaj

 7

Tsolnuʼuk

 8

Tiempo

 9

Superintendente tiʼ circuito

 10

U semanail le asambleaoʼ

 11

U semanail le Kʼaʼajsajiloʼ

 12

U superintendenteil le muchʼtáambaloʼ

 13

Le sukuʼun nuʼuktik le muchʼtáambaloʼ

 14

Coordinador tiʼ le múuchʼ ancianoʼoboʼ

 15

J-áantaj tsolnuʼuk

 16

Sala B

 17

Videoʼob

 18

1. Le muchʼtáambal Kuxtal yéetel Meyajoʼ yaan u máansaʼal jeʼex u chíikpajal tiʼ U juʼunil xookoʼ bey xan jeʼex u tsoʼolol teʼelaʼ. Áanteʼex le sukuʼunoʼob yéetel le kiikoʼob utiaʼal ka táakpajkoʼob teʼ eʼesajiloʼob beetaʼan utiaʼal u maas kanik máak kʼaʼaytajoʼ. Le máaxoʼob suuk u binoʼob muchʼtáambaloʼ jeʼel xan u páajtal u táakpajloʼob wa ku creertikoʼob baʼax ku yaʼalik le Biblia bey xan wa ku beetkoʼob le baʼax ku kankoʼoboʼ (be t.j. 282).

 2. U tʼaaniloʼob u káajbal (3 min. wa menos). Kéen tsʼoʼokok le kʼaay bey xan le payalchiʼoʼ, le sukuʼun nuʼuktik le muchʼtáambaloʼ yaan u jáan aʼalik jujunpʼéel baʼaxoʼob kʼaʼanaʼantak kun kanbil yéetel yaan u chʼaʼchiʼitik le kʼáatchiʼ kun núukbil teʼ semanaoʼ, lelaʼ jeʼel u páajtal u yilik teʼ juʼun ku kʼaabaʼtik U núukil kʼáatchiʼob utiaʼal le muchʼtáambal Kuxtal yéetel Meyajoʼ (lma).

 3. Jatsʼuts baʼaloʼob k-kanik teʼ Bibliaoʼ

  • Tsoltʼaan: (10 min.) Meyajnaktech U juʼunil xook utiaʼal a wilik u kʼaabaʼ le tsoltʼaan bey xan le baʼaxoʼob ken a tsoloʼ. Le jaatsaʼ unaj u máansaʼal tumen juntúul anciano wa juntúul siervo ministerial maʼalob u kaʼansaj. Cada ken káajak u xakʼaltaʼal junpʼéel u libroil le Bibliaoʼ yaan xan u tsʼaʼabal chaʼantbil u videoil. Le máax kun máansik le tsoltʼaanoʼ jeʼel u páajtal u chʼaʼchiʼitik jujunpʼéel baʼaxoʼob aʼalaʼab teʼ videooʼ. Chéen baʼaleʼ maases unaj u tsolik le baʼaxoʼob ku taasik U juʼunil xookoʼ. Ichil le tiempo tsʼaʼan tiʼ máakoʼ, maʼalob ka u yil u meyajtiʼ le dibujoʼob, le cuadroʼob yéetel le tekstoʼob ku taasik le jaatsoʼ, lelaʼ tsʼaʼanoʼob utiaʼal u maas naʼataʼal le baʼax ku xakʼaltaʼaloʼ.

  •   Baʼax jeʼel u páajtal k-kanikeʼ: (8 min.) Xakʼalxook yéetel kʼáatchiʼob; le jaatsaʼ unaj u káajsaʼal juntaatsʼ, mix baʼal uláakʼ unaj u tsoʼolol tu káajbal mix tu tsʼoʼokbal. Unaj u máansaʼal tumen juntúul anciano wa juntúul siervo ministerial maʼalob u kaʼansaj. Utiaʼal u yilik bukaʼaj tiempo kun xáantal tiʼ cada junpʼéel kʼáatchiʼeʼ, unaj u chʼaʼik en cuenta baʼax maas kʼaʼabéet tiʼ le múuchʼuliloʼ. Tsʼoʼoleʼ letiʼ xan kun ilik wa yaan u xoʼokol tuláakal le versiculoʼob ku taasik le yáax kaʼapʼéel kʼáatchiʼoboʼ. U núukil le kʼáatchiʼobaʼ maʼ unaj u píit máanoʼob tiʼ 30 segundosiʼ.

  • U xookil Biblia: (4 min. wa menos). Le jaatsaʼ unaj u káajsaʼal juntaatsʼ, mix baʼal uláakʼ unaj u tsoʼolol tu káajbal mix tu tsʼoʼokbal. Le sukuʼun nuʼuktik le muchʼtáambaloʼ letiʼ unaj u yáantik cada sukuʼun utiaʼal ka u naʼat baʼax le ken u xokoʼ, ka u xok jach jeʼex tsʼíibtaʼaniloʼ, maʼ u tʼiʼilil u xook, ka u kʼex u séebil bey xan u kʼaʼamil u tʼaan, le xookoʼ unaj u yuʼubaʼal bey junpʼéel tsikbaleʼ.

  4. Kaʼansajnakoʼon maʼalob: (15 min. wa menos). Le jaatsaʼ yaan u yáantik máak u maas maʼalobkíintik u kʼaʼaytaj bey xan u kaʼansaj. Le máaxoʼob kun eʼesik bix unaj u kʼaʼaytaj yéetel bix unaj u suut máak u xíimbalt wa máaxoʼ jeʼel u páajtal u meyajtiʼob u tuukulil le «Eʼesajiloʼob» yaan tu káajbal le U juʼunil xookoʼ. Tsʼoʼoleʼ jeʼel u páajtal xan u meyajtiʼob jeʼel máakalmáak tiʼ le publicacionoʼob wa tiʼ le videoʼob beetaʼan utiaʼal k-kaʼansik le máakoʼoboʼ. Yaan kʼiineʼ U juʼunil xookeʼ yaan u yaʼalik bix unaj u máansaʼal junpʼéel eʼesajil, chéen baʼaleʼ mix máak unaj u tsolik yaanal baʼaloʼob chéen utiaʼal ka chúukpajak u tiempo. Yaan horaeʼ, kex u líiʼsmuba máak tubeeleʼ, yaan u tsʼoʼokol tak junpʼéel minuto táanil tiʼ u tsʼoʼokol le tiempo tsʼaʼantiʼoʼ. Wa kʼaʼabéeteʼ tak le ancianoʼob jeʼel u páajtal u máanskoʼob junpʼéel tiʼ le jaatsoʼobaʼ.

  • Videoʼob utiaʼal u yilik máak bix kun kaʼansaj: Cada meseʼ yaan u beetaʼal óoxpʼéel videoʼob utiaʼal u yilik máak bix kun kaʼansaj. Cada ken chaʼantaʼak u videoil le kʼaʼaytaj bey xan le revisitaʼoboʼ, le muchʼukbaloʼoboʼ unaj u yaʼalikoʼob baʼax ku kankoʼobiʼ. Le jaatsaʼ yaan u máansaʼal tumen le sukuʼun nuʼuktik le muchʼtáambaloʼ.

  • Kʼaʼaytaj: Jeʼel u páajtal u máansaʼal tumen juntúul sukuʼun wa juntúul kiikeʼ. Wa maʼ u láakʼtsil le máax yéetel ken u máansoʼ, kʼaʼabéet u yéet xiibil wa u yéet koʼolelil. Jeʼel u páajtal u kutaloʼobeʼ wa u pʼáatloʼob waʼatalileʼ. Maʼalob ka u káajs u tsikbaloʼob jeʼex suukil u beetaʼal teʼ tuʼux ku kʼaʼaytajoʼoboʼ. Le jaatsaʼ unaj u chʼaʼabal u tuukulil tiʼ le «Eʼesajiloʼob» yaan tu káajbal U juʼunil xookoʼ.

  • Yáax revisita: Jeʼel u páajtal u máansaʼal tumen juntúul sukuʼun wa juntúul kiikeʼ. Le máax kun áantikoʼ kʼaʼabéet u yéet xiibil wa u yéet koʼolelil (km-S 5/97 t.j. 2). Jeʼel u páajtal u kutaloʼobeʼ wa u pʼáatloʼob waʼatalileʼ. Le máax kun máansikoʼ unaj u yeʼesik bey baʼaxoʼob jeʼel u yaʼalik máak ken suunak u xíimbalt wa máax taak u maas kaanbaleʼ. Le jaatsaʼ unaj u chʼaʼabal u tuukulil tiʼ le «Eʼesajiloʼob» yaan tu káajbal U juʼunil xookoʼ.

  • U kaʼapʼéel revisita: Jeʼel u páajtal u máansaʼal tumen juntúul sukuʼun wa juntúul kiikeʼ. Le máax kun áantikoʼ kʼaʼabéet u yéet xiibil wa u yéet koʼolelil (km-S 5/97 t.j. 2). Jeʼel u páajtal u kutaloʼobeʼ wa u pʼáatloʼob waʼatalileʼ. Le máax kun máansikoʼ unaj u yeʼesik bey baʼaxoʼob jeʼel u yaʼalik máak ken suunak u xíimbalt wa máax taak u maas kaanbaleʼ. Le jaatsaʼ unaj u chʼaʼabal u tuukulil tiʼ le «Eʼesajiloʼob» yaan tu káajbal U juʼunil xookoʼ.

  • Tsʼaa xook: Jeʼel u páajtal u máansaʼal tumen juntúul sukuʼun wa juntúul kiikeʼ. Le máax kun áantikoʼ kʼaʼabéet u yéet xiibil wa u yéet koʼolelil (km-S 5/97 t.j. 2). Jeʼel u páajtal u kutaloʼobeʼ wa u pʼáatloʼob waʼatalileʼ. Le máax ken u máans le jaatsaʼ unaj u  beetik bey tsʼoʼok u káajal le xookoʼ. Letiʼ ken u yil bix maas maʼalob ka u tsʼoʼoks le eʼesajilaʼ. Baʼaleʼ wa ku yaʼalaʼaltiʼ bix unaj u máansikeʼ, maʼalob xan ka u beete. Cada máak ken u yéey wa yaan u láaj xokik le xóotʼoloʼoboʼ. Eʼes baʼaxoʼob unaj u beetik máak kéen kaʼansajnak.

  • Tsoltʼaan: Le jaatsaʼ yaan u tsʼaʼabal tiʼ juntúul sukuʼun, letiʼeʼ yaan u máansik jeʼex suukil u máansaʼal junpʼéel tsoltʼaaneʼ.

  5. Kuxlakoʼon jeʼex Cristoeʼ: Le jaatsaʼ yaan u káajal yéetel junpʼéel kʼaay. Teʼ yáax 15 minutosoʼ yaan u máansaʼal junpʼéel wa kaʼapʼéel mejen jaatsoʼob utiaʼal u yilik máak bix jeʼel u tsʼáaik ichil u kuxtal le baʼax ku kanikoʼ. Wa maʼ tu yaʼalaʼal yaanal baʼaleʼ, le jaatsoʼobaʼ unaj u máansaʼal tumen juntúul anciano wa juntúul siervo ministerial maʼalob u kaʼansaj. Le jaats «Baʼax kʼaʼabéet tiʼ le múuchʼuliloʼ», chéen unaj u máansaʼal tumen ancianoʼob.

  • U xookil le Biblia teʼ múuchʼuliloʼ: (30 min.) Yaan u máansaʼal tumen juntúul anciano maʼalob u kaʼansaj. (Teʼ múuchʼuliloʼob tuʼux maʼ yaʼab ancianoʼob yanoʼ, jeʼel u páajtal u máansaʼal tumen juntúul siervo ministerial maʼalob u kaʼansajeʼ). Letiʼe múuchʼ ancianoʼob ken u yiloʼob máaxoʼob jeʼel u béeytal u nuʼuktikoʼob le xookaʼ. Kʼaʼabéet maʼ u máan u tiempo, ka u yéey le tekstoʼob kun xokbiloʼ yéetel ku páaʼtaʼal ka u yáant le muchʼukbaloʼob u yiloʼob u kʼaʼanaʼanil le xookoʼ. Jeʼel u páajtal u meyajtiʼob le tsolnuʼukoʼob tsʼaʼan utiaʼal le máaxoʼob nuʼuktik u xookil U Pʼíich Tulumil Kananoʼ. Wa ku béeytaleʼ cada semanaeʼ maʼalob ka nuʼuktaʼak yéetel ka xoʼokok le xóotʼoloʼob tumen yaanal sukuʼunoʼoboʼ. Wa le sukuʼun nuʼuktik le muchʼtáambal ku yilik unaj u kóomkinsaʼal le jaatsaʼ, yaan u yaʼalik tiʼ le sukuʼun nuʼuktik le xook utiaʼal ka u yil bix ken u xotʼil u tiempooʼ. Maʼ xaaneʼ jeʼel u páajtal u yaʼalik maʼ u xoʼokol jujunpʼéel xóotʼoloʼobeʼ.

  6. U tsʼoʼokbal: (3 min. wa menos). Le sukuʼun nuʼuktik le muchʼtáambaloʼ yaan u tʼaan tiʼ le baʼaxoʼob maas kʼaʼanaʼantak ilaʼaboʼ yéetel yaan u chʼaʼchiʼitik le kʼáatchiʼ ku chíikpajal teʼ juʼun U núukil kʼáatchiʼob utiaʼal le muchʼtáambal Kuxtal yéetel Meyajoʼ. Jeʼel u páajtal xan u tʼaan tiʼ baʼax kun ilbil tuláakʼ semanaoʼ bey xan u chʼaʼchiʼitik le kʼáatchiʼ kun núukbiloʼ. Wa yaan tiempoeʼ jeʼel u páajtal u yaʼalik máaxoʼob kun táakpajloʼob tuláakʼ semanaoʼ. Teʼ súutukaʼ tiʼ unaj xan u xoʼokol le anuncioʼob jach kʼaʼanaʼantakoʼob bey xan le cartaʼob túuxtaʼan tiʼ le múuchʼuliloʼ. Uláakʼ baʼaloʼob jeʼex le kʼaʼaytaj yéetel le limpiezaoʼ, maʼ unaj u yaʼalaʼal teʼ plataformaoʼ, baʼaxeʼ unaj u tsʼaʼabal teʼ tablerooʼ. Wa yaʼab le cartaʼob yéetel le anuncioʼoboʼ, le sukuʼun nuʼuktik le muchʼtáambaloʼ yaan u yaʼalik tiʼ le sukuʼunoʼob ka u xotʼ u tiempoʼob teʼ jaats «Kuxlakoʼon jeʼex Cristoeʼ» (ilawil  xóotʼol 5 yéetel  9). Le muchʼtáambaloʼ yaan u tsʼoʼokol yéetel kʼaay bey xan yéetel payalchiʼ.

 7. Folleto Tsʼáa a wóol xook yéetel kaʼansaj: Tu semanail 7 tiʼ enero tiʼ 2019, le sukuʼun nuʼuktik le muchʼtáambal Kuxtal yéetel Meyajoʼ yaan u káajal u meyajtiʼ le túumben folleto Kaʼansaj (th) utiaʼal u yáantik le sukuʼunoʼob u yiloʼob tuʼux maas unaj u meyajoʼoboʼ. Utiaʼal u yilik le sukuʼunoʼob tuʼux unaj u meyajoʼoboʼ, maʼalob ka u yiloʼob le númeroʼ tsʼaʼan ich paréntesis tiʼ U juʼunil xookoʼ. Tu yáax semanail cada meseʼ, le sukuʼun nuʼuktik le muchʼtáambaloʼ yaan u xakʼaltik yéetel le muchʼukbaloʼob junpʼéel xook tiʼ le folleto Kaʼansajoʼ. Le jaats «Bix u bin a kaanbal» ku taasik le folletooʼ chéen unaj u meyaj tiʼ le máaxoʼob ku máanskoʼob le eʼesajiloʼoboʼ. Le sukuʼun nuʼuktik le muchʼtáambaloʼ maʼ unaj u tsʼíibtik mix baʼal teʼ jaatsaʼ.

  8. Tsolnuʼuk: Kéen tsʼoʼokok cada junpʼéel tiʼ le jaats ku tsʼaʼabal tiʼ le j-xoknáaloʼoboʼ, le sukuʼun nuʼuktik le muchʼtáambaloʼ, ichil junpʼéel minuto wa menoseʼ, yaan u felicitartik le j-xoknáaloʼ yéetel yaan u yaʼaliktiʼ bix jeʼel u beetik le baʼax ku yaʼalik le folleto Kaʼansajoʼ. Cada ken u  yaʼal máax ken u máans le jaatsoʼ maʼ unaj u yaʼalik tiʼ baʼax táan u meyaj le j-xoknáaloʼ. Baʼaleʼ kéen tsʼoʼokkeʼ yaan u tsʼáaik u diosboʼotikil tiʼ yéetel yaan u yaʼaliktiʼ baʼaxten maʼalob le bix tu máansil le jaatsoʼ. Wa yaan uláakʼ tuʼux maas kʼaʼabéet u meyajeʼ, kéen tsʼoʼokok le muchʼtáambal wa tiʼ uláakʼ súutukileʼ jeʼel u páajtal u yaʼaliktiʼ yéetel yaabilajeʼ. Jeʼel u páajtal xan u tsʼáaik meyaj tiʼ junpʼéel túumben baʼax ku yaʼalik le folleto Kaʼansaj wa le libro Escuelaoʼ. (Le  xóotʼol 13 yéetel  16 ku maas tsolik baʼax meyaj ku beetik le superintendente tiʼ le muchʼtáambal Kuxtal yéetel Meyajoʼ bey xan le j-áantaj tsolnuʼukoʼ).

    9. Tiempo: Mix junpʼéel jaats unaj u máan u tiempoil (mix le tʼaanoʼob ken u yaʼal le sukuʼun nuʼuktik le muchʼtáambaloʼ). Wa ku máan u tiempo juntúul j-xoknáaleʼ yaan u yilaʼal u jeʼelsaʼal yéetel tsiikil. Wa ku máan u tiempo le sukuʼunoʼob máansik le uláakʼ jaatsoʼoboʼ, le j-áantaj tsolnuʼukoʼ kʼaʼabéet u tʼaan tu yéeteloʼob junpáayil. Tuláakal le muchʼtáambaloʼ unaj u xáantal 1:45 minutos, ichileʼ táakaʼan tak le kʼaayoʼob bey xan le payalchiʼoboʼ.

 10. Superintendente tiʼ circuito: Kéen xíimbaltaʼak le múuchʼulil tumen le superintendente tiʼ circuitooʼ yaan u kʼeʼexel u programail le muchʼtáambaloʼ. Tu lugar u máansaʼal «U xookil le Biblia teʼ múuchʼuliloʼ», le superintendente tiʼ circuitooʼ yaan u máansik junpʼéel tsoltʼaan de 30 minutos. Chéen baʼaleʼ táanil tiʼ lelaʼ, le sukuʼun nuʼuktik le muchʼtáambaloʼ yaan u kʼaʼajsik baʼaxoʼob ilaʼabi yéetel baʼaxoʼob kun ilbil tuláakʼ semanaoʼ, tsʼoʼoleʼ yaan xan u xokik le anuncioʼob yéetel le cartaʼob kʼaʼanaʼantakoʼ. Kéen tsʼoʼokok le tsoltʼaanoʼ, le superintendente tiʼ circuitooʼ yaan u tsʼoʼoksik le muchʼtáambal yéetel le kʼaay u yéeymoʼ. Kéen xíimbaltaʼak le múuchʼuliloʼ maʼ unaj u máansaʼal uláakʼ jaatsoʼob teʼ sala B, chéen jaʼaliʼ wa yaan junpʼéel grupo ich yaanal idioma suuk u muchʼkuba teʼeloʼ, chéen baʼaleʼ unaj u múul uʼuyikoʼob le tsoltʼaan ken u máans le viajanteoʼ.

 11. U semanail le asambleaoʼ: Tu semanail le asamblea tiʼ circuito wa asamblea regionaloʼ maʼ tun antal muchʼtáambal. Le baʼax kun ilbil kaʼachoʼ cada familia wa cada máak kun xokik tu yotoch.

 12. U semanail le Kʼaʼajsajiloʼ: Wa le Kʼaʼajsajil ku lúubul yáam semanaoʼ maʼ tun antal muchʼtáambal. Chéen yaan u beetaʼal u muchʼtáambalil utiaʼal u jóokʼol máak kʼaʼaytaj.

  13. U superintendenteil le muchʼtáambaloʼ: Letiʼe múuchʼ ancianoʼob unaj u yéeyikoʼoboʼ. Le superintendenteoʼ unaj u yilik ka jóokʼok maʼalobil le muchʼtáambaloʼ yéetel ka máansaʼak le jaatsoʼob jeʼex unajoʼ. Unaj xan u múul meyaj yéetel le j-áantaj tsolnuʼukoʼ. Chéen pʼelak u jóokʼol U juʼunil xookeʼ yaan u tʼoxik le jaatsoʼob ku tsʼaʼabal tiʼ le j-xoknáaloʼoboʼ (ilawil  xóotʼol 4). Le superintendenteoʼ kʼaʼabéet u séeb kʼubik tiʼ le j-xoknáal le chan juʼun Táakpajkech teʼ muchʼtáambal Kuxtal yéetel Meyaj jeʼex Cristooʼ (S-89), u maas xaanileʼ óoxpʼéel semanaʼob táanil tiʼ u máansaʼal le jaatsoʼ.

 14. Le sukuʼun nuʼuktik le muchʼtáambaloʼ: Cada semanaeʼ juntúul anciano unaj u nuʼuktik le muchʼtáambalaʼ. (Teʼ múuchʼuliloʼob tuʼux maʼ yaʼab ancianoʼob yanoʼ, jeʼel u páajtal u nuʼuktaʼal tumen juntúul siervo ministerial maʼalob u kaʼansajeʼ). Letiʼ kun aʼalik u tʼaaniloʼob u káajbal bey xan u tʼaaniloʼob u tsʼoʼokbal le muchʼtáambaloʼ, letiʼ xan kun xakʼaltik le video eʼesik bix unaj u kaʼansaj máakoʼ yéetel u videoil le folleto Kaʼansajoʼ. Wa chéen junpʼíit ancianoʼob yaneʼ jeʼel u páajtal u máansik xan uláakʼ jaatsoʼobeʼ. Maʼ unaj u sen tʼaan táanil mix le kéen tsʼoʼokok le jaatsoʼoboʼ. Letiʼe múuchʼ ancianoʼob ken u yiloʼob máaxoʼob jeʼel u páajtal u nuʼuktikoʼob le muchʼtáambaloʼ. Cada semanaeʼ yaanal sukuʼun kun nuʼuktik, baʼaleʼ tiʼ jujunpʼéel múuchʼuliloʼobeʼ maases u superintendenteil le muchʼtáambal kun nuʼuktikoʼ. U suukileʼ wa juntúul anciano  ku páajtal u nuʼuktik «U xookil le Biblia teʼ múuchʼuliloʼ» jeʼel xan u páajtal u nuʼuktik le muchʼtáambal Kuxtal yéetel Meyajoʼ. Chéen baʼaleʼ le sukuʼun nuʼuktik le muchʼtáambaloʼ kʼaʼabéet maʼalob u kaʼansaj, tsʼoʼoleʼ unaj u tsolnuʼuk yéetel yaabilaj bey xan unaj u felicitartik le j-xoknáaloʼoboʼ. Kʼaʼabéet xan u yilik u tsʼoʼokol le muchʼtáambal tu yorailoʼ (ilawil  xóotʼol 6 yéetel  9). Wa le sukuʼun nuʼuktik le muchʼtáambal ku kʼáatik, bey xan wa ku béeytaleʼ, jeʼel u páajtal u tsʼaʼabal uláakʼ junpʼéel micrófono teʼ plataforma utiaʼal u tʼaan mientras táan u tsʼaʼabal tu pʼiis le atril bey xan le micrófono tiʼ le sukuʼun kun máansik le jaatsoʼ. Wa u kʼáat xaneʼ jeʼel u páajtal u kutal yiknal junpʼéel chan mesa le táan u máansaʼal le «U Xookil le Bibliaoʼ» bey xan le jaats «Kaʼansajnakoʼon maʼaloboʼ».

 15. Coordinador tiʼ le múuchʼ ancianoʼoboʼ: Le coordinadoroʼ letiʼ kun aʼalik máaxoʼob ken u máansoʼob le jaatsoʼob kun ilbil teʼ muchʼtáambaloʼ. Chéen baʼaleʼ le jaatsoʼob ku tsʼaʼabal tiʼ le j-xoknáaloʼoboʼ letiʼe superintendente tiʼ le muchʼtáambal Kuxtal yéetel Meyaj unaj u yilik máax kun máansikoʼ. Le coordinadoroʼ letiʼ xan kun aʼalik máax kun nuʼuktik le muchʼtáambal cada semanaoʼ, chéen baʼaleʼ unaj u yéeyik ichil le sukuʼunoʼob aʼalaʼan tumen le múuchʼ ancianoʼoboʼ. Le superintendente tiʼ le muchʼtáambal Kuxtal yéetel Meyajoʼ unaj u múul meyaj yéetel le coordinador utiaʼal ka tsʼaʼabak tu chúukaʼanil le programa teʼ tablerooʼ.

  16. J-áantaj tsolnuʼuk: Maas maʼalob ka yéeyaʼak juntúul anciano jach maʼalob u máansik tsoltʼaanoʼob. Kéen u yil kʼaʼabéeteʼ unaj u tsolnuʼuktik junpáayil le ancianoʼob yéetel le siervo ministerialoʼob ku táakpajloʼob teʼ muchʼtáambal Kuxtal yéetel Meyajoʼ, le ku máanskoʼob tsoltʼaanoʼoboʼ, le ku nuʼuktikoʼob U xookil U Pʼíich Tulumil Kanan wa U xookil le Biblia teʼ múuchʼuliloʼ bey xan le ku xokikoʼob le xóotʼoloʼoboʼ (ilawil  xóotʼol 9). Wa teʼ múuchʼulil yaan yaʼab ancianoʼob maʼalob u kaʼansajoʼob yéetel maʼalob u máanskoʼob tsoltʼaanoʼobeʼ, jeʼel u páajtal u kʼeʼexel le j-áantaj tsolnuʼuk cada añooʼ. Le sukuʼunaʼ chéen kéen kʼaʼabéetchajak unaj u tsʼáaik tsolnuʼuk tiʼ máak.

 17. Sala B: Wa nojoch le múuchʼuliloʼ jeʼel u páajtal u meyaj le sala B utiaʼal u máansaʼal uláakʼ jaatsoʼob tumen le j-xoknáaloʼoboʼ. Lelaʼ unaj u nuʼuktaʼal tumen juntúul anciano maʼalob u kaʼansaj. Wa maʼeʼ jeʼel u páajtal u tsʼaʼabal juntúul siervo ministerial maʼalob u kaʼansajeʼ. Letiʼe múuchʼ ancianoʼob ken u yaʼaloʼob máaxoʼob jeʼel u páajtal u beetkoʼob le meyajaʼ, bey xan wa cada semana kun tsʼaabil yaanal sukuʼun utiaʼal ka u yile. Le j-áantaj tsolnuʼukoʼ yaan u beetik baʼax ku yaʼalik le  xóotʼol 8. Le j-xoknáaloʼoboʼ jeʼel u páajtal u binoʼob teʼ sala B kéen tsʼoʼokok le jaats «Baʼax jeʼel u páajtal k-kanikoʼ» (lelaʼ tiaʼan ichil le jaats «Jatsʼuts baʼaloʼob k-kanik teʼ Bibliaoʼ»). Chéen pʼelak u tsʼoʼokol le jaats «Kaʼansajnakoʼon maʼaloboʼ» unaj u suutoʼob teʼ tuʼux kulukbaloʼob kaʼachoʼ. Le kéen xakʼaltaʼak le video eʼesik bix unaj u kaʼansaj máakoʼ, wa ku páajtaleʼ le máaxoʼob yanoʼob teʼ sala B, desde tiʼ ken u chaʼantoʼob le videooʼ yéetel tiʼ xan ken u yuʼuboʼob bix jeʼel u meyaj tiʼ máakeʼ. Wa maʼ chíikaʼan u yilkoʼob mix u yuʼubikoʼobeʼ, letiʼe j-áantaj tsolnuʼuk ken u yeʼes le video tiʼ junpʼéel tablet wa celular bey xan letiʼ kun xakʼaltik le baʼax tu kanoʼoboʼ.

 18. Videoʼob: Teʼ muchʼtáambal ku beetaʼal yáam semanaoʼ yaan u chaʼantaʼal videoʼobiʼ, lelaʼ jeʼel u páajtal u yéemsaʼal teʼ aplicación JW Libraryoʼ. Le videoʼob ku yeʼesik bix unaj u kaʼansaj máakoʼ, jeʼel xan u páajtal u tsʼaʼabal chaʼantbil teʼ muchʼtáambal utiaʼal u jóokʼol máak kʼaʼaytajoʼ, baʼaleʼ chéen wa tsʼoʼok u yáax chaʼantaʼal teʼ muchʼtáambal Kuxtal yéetel Meyajoʼ.