Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 JATSʼUTS BAʼALOʼOB K-KANIK TEʼ BIBLIAOʼ | JOB 1-5

Chúukpaj u yóol Job le ka muʼyajnajoʼ

Chúukpaj u yóol Job le ka muʼyajnajoʼ

Jobeʼ kajaʼan kaʼach Uz tu kʼiinil palitsiltaʼan le israelitaʼob Egiptooʼ. Kex maʼ israelitaeʼ Jobeʼ u kʼubmaj u yóol u adorart Jéeoba. Yaʼab u paalal, ayikʼal yéetel jach kʼaj óolaʼan tu kaajal, tumen yaan u naʼat yéetel toj u kuxtal. Tsʼoʼoleʼ maʼ tsʼuʼutiʼ; ku yáantik le óotsiloʼoboʼ bey xan uláakʼ máakoʼob. Jobeʼ chúukpaj u yóol tiʼ Jéeoba.

Utiaʼal Jobeʼ Jéeobaeʼ letiʼe Máax maas kʼaʼanaʼan ichil u kuxtaloʼ

1:8-11, 22; 2:2-5

  • Satanaseʼ tu yilaj jach chúukaʼan u yóol Job tiʼ Jéeoba. Maʼ tu yaʼalaj wa maʼ tu yuʼubik u tʼaan Diosiʼ, pero tu yaʼaleʼ maʼ yoʼolal yaabilaj ku meyajtikiʼ

  • Satanaseʼ tu yaʼaleʼ Jobeʼ chéen ku meyajtik Jéeoba yoʼolal le utsil ku kʼamkoʼ

  • Utiaʼal u yilik Satanás maʼ jaaj le baʼax tu yaʼaloʼ, Jéeobaeʼ tu chaʼaj u beetik u loob tiʼ Job. Satanaseʼ yaʼab kʼaas tu beetaj tiʼ Job

  • Como chúukpaj u yóol Jobeʼ, Satanaseʼ tu yaʼaleʼ maʼ tu yoʼolal yaabilaj kun meyajtbil Jéeoba tumen wíinikiʼ

  • Jobeʼ maʼ tʼaanaj kʼaas tiʼ Diosiʼ mix tu culpartaj yoʼolal le baʼaxoʼob úuchtiʼoʼ