Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 KUXLAKOʼON JEʼEX CRISTOEʼ

¿Ka creertik wa u promesaʼob Jéeoba?

¿Ka creertik wa u promesaʼob Jéeoba?

Josué yéetel Salomoneʼ tu yiloʼob ku béeytal tuláakal baʼax ku yaʼalik Jéeoba (Jos 23:14; 1Re 8:56). Le baʼax tu yaʼalaj le kaʼatúul máakoʼob chúukpaj u yóoloʼob tiʼ Jéeobaoʼ ku maas muʼukʼaʼankúuntik k-fe (2Co 13:1; Tit 1:2).

¿Bix tu béeykuntil Jéeoba baʼax tu yaʼalaj tu kʼiiniloʼob Josué? Muchʼaba yéetel a familia utiaʼal a chaʼantikeʼex le video Tuláakal baʼax ku yaʼalik Jéeobaeʼ jach ku béeytal. Tsʼoʼoleʼ núukeʼex le kʼáatchiʼobaʼ: 1) ¿Bix jeʼel a weʼesik muʼukʼaʼan a fe jeʼex Rahabeʼ? (Heb 11:31; Snt 2:24-26.) 2) Le baʼax tu beetaj Acanoʼ, ¿bix u yeʼesik ku bin kʼaasil tiʼ máax u yóoliliʼ u beet baʼax kʼaaseʼ? 3) Kex u yojel baʼateʼel le gabaonitaʼoboʼ, ¿baʼaxten tu tusoʼob Josué utiaʼal maʼ u kíimsaʼaloʼob tumen le israelitaʼoboʼ? 4) ¿Bix úuchik u béeytal baʼax u yaʼalmaj Jéeoba ka óotaʼab xuʼulsbil Israel tumen le cinco reyoʼob amorreoʼoboʼ? (Jos 10:5-14.) 5) ¿Baʼax tsʼoʼok u beetik Jéeoba ta woʼolal ikil a tsʼáaik táanil u Reino? (Mt 6:33.)

Ken tuukulnakoʼon tiʼ baʼax tsʼoʼok u beetik Jéeoba, tiʼ baʼax táan u beetik yéetel tiʼ baʼax ken u beeteʼ k-maas creertik baʼax u yaʼalmaj (Ro 8:31, 32).

¿Muʼukʼaʼan wa a fe jeʼex Josueeʼ?