Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 KUXLAKOʼON JEʼEX CRISTOEʼ

Maas maʼalobkíint a kaʼansaj: Meyajnaktech videoʼob

Maas maʼalobkíint a kaʼansaj: Meyajnaktech videoʼob

BAʼAXTEN KʼAʼANAʼAN:

Le videoʼoboʼ ku kʼuchloʼob tu puksiʼikʼal máak tumen maʼ chéen xokbil u beetaʼaliʼ, baʼaxeʼ chaʼantbil yéetel uʼuybil. Maʼ tu náaksik u yóol máak yéetel maas ku tʼíilil tu pool. Tak tiʼ Jéeobaeʼ meyajnaj baʼaloʼob ku páajtal u yilaʼal utiaʼal u kaʼansik máak (Bx 10:9-16; Ap 1:1).

Le videoʼob ¿Yaan wa u kʼaabaʼ Dios?, ¿Máax beet u tsʼíibtaʼal le Bibliaoʼ? yéetel ¿Bix jeʼel a wojéeltik jaaj baʼax ku yaʼalik le Bibliaoʼ? beetaʼanoʼob utiaʼal ka chaʼantaʼak le táan u xakʼaltaʼal le xook 2 yéetel 3 tiʼ le folleto Péektsiloʼoboʼ. Wa k-eʼesik xan le videoʼob ¿Baʼaxten unaj a xokik le Bibliaoʼ?, ¿Bix u kaʼansaʼal máak yéetel le Bibliaoʼ? yéetel ¿Bix le muchʼtáambaloʼob ku beetaʼal teʼ Najil Reinooʼ?, le máakoʼoboʼ jeʼel u taaktal u xokikoʼob le Biblia t-éeteloʼ yéetel jeʼel u binoʼob teʼ muchʼtáambaloʼoboʼ. Yaan uláakʼ videoʼob jeʼel u meyajtoʼon utiaʼal k-tsʼáaik xookeʼ (km 5/13 t.j. 3).

BIX JEʼEL A BEETKEʼ:

  • Antes a jóokʼoleʼ éems le video a kʼáat a weʼes tiʼ le máakoʼoboʼ

  • Preparart junpʼéel wa kaʼapʼéel kʼáatchiʼ ku núukaʼal teʼ videooʼ

  • Múul chaʼanteʼex le videooʼ

  • Tsikbalteʼex baʼax ku kaʼansik

BEET LELAʼ:

  • Eʼes u paach junpʼéel tratado tiʼ u yuumil naj, tuchʼubt le código ku túuxtik máak teʼ video ¿Baʼaxten unaj a xokik le Bibliaoʼ?

  • Tsʼáa le video ¿Bix jeʼel a wojéeltik jaaj baʼax ku yaʼalik le Bibliaoʼ?, aʼal tiʼ u yuumil naj a kʼáat pʼattiʼ le folleto Péektsiloʼoboʼ yéetel eʼestiʼ le xook 3