Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 KUXLAKOʼON JEʼEX CRISTOEʼ

Maas maʼalobkíint a kaʼansaj: Xuʼuluk a tsʼáaik xook tiʼ máax maʼ u kʼáat u meyajt Diosiʼ

Maas maʼalobkíint a kaʼansaj: Xuʼuluk a tsʼáaik xook tiʼ máax maʼ u kʼáat u meyajt Diosiʼ

BAʼAXTEN KʼAʼANAʼAN: Utiaʼal u salvartikuba le máakoʼoboʼ unaj u chʼaʼchiʼitkoʼob u kʼaabaʼ Jéeoba (Ro 10:13, 14). Chéen baʼaleʼ maʼ tuláakal le máaxoʼob xokik le Biblia u kʼáat u beetoʼob le baʼax ku kankoʼoboʼ. Le beetkeʼ unaj k-kaxtik le máaxoʼob jach tu jaajil u kʼáat u meyajtoʼob Jéeobaoʼ, beyoʼ yaan u meyajtoʼon maʼalob le tiempooʼ. Wa tsʼoʼok u máan kʼiin káajak a tsʼáaik xook tiʼ wa máax, baʼaleʼ maʼ tu tsʼáaik ichil u kuxtal le baʼax ku kanikoʼ, maas maʼalob ka xuʼuluk a tsʼáaik xook tiʼ, yéetel ilawil a kaxtik máaxoʼob taak u beetkoʼob baʼax ku yaʼalik Jéeoba (Jn 6:44). Wa le máax xuʼul a tsʼáaik xook tiʼ ku káajal u beetik le baʼax tu kanaj yéetel ku yeʼesik tiaʼan ichil le máaxoʼob «u kʼáatoʼob ka yanak kuxtal minaʼan u xuul tiʼoboʼ», jeʼel u páajtal a kaʼa xook tu yéeteleʼ (Bx 13:48).

BIX JEʼEL A BEETKEʼ:

  • Felicitart le máax ku yeʼesik taak u kaanbaloʼ (1Ti 2:4)

  • Áant u yil baʼaxten unaj u tsʼáaik ichil u kuxtal le baʼax ku kanikoʼ (Lu 6:46-49)

  • Múul xokeʼex u kettʼaanil le máax ku paakʼaloʼ, tsʼoʼoleʼ kʼáattiʼ yéetel yaabilaj baʼax talamkúuntik tiʼ u beetik baʼax ku yaʼalik Jéeoba (Mt 13:18-23)

  • Kaxt bix ken a waʼalil tiʼ maʼ tun seguer a xook tu yéetel

  • Aʼaltiʼ yaan a tʼanik tiʼ teléfono yéetel yaan a bin a xíimbalt kéen béeyakech. Wa ka wilik tu káajal u beetik le baʼax tu kanoʼ ka seguer a tsʼáaik xook tiʼ

CHAʼANT LE VIDEOOʼ, TSʼOʼOLEʼ NÚUK LE KʼÁATCHIʼOBAʼ:

  • Le baʼaxoʼob tu yaʼalaj le j-xoknáaloʼ, ¿bix úuchik u yeʼesik maʼ u kʼáat u beet baʼax ku yaʼalik Jéeobaiʼ?

  • ¿Baʼax tu beetaj le sukuʼun utiaʼal u yáantik u j-xoknáal u yil u kʼaʼanaʼanil u tsʼáaik ichil u kuxtal le baʼax ku kanikoʼ?

  • ¿Baʼax tu yaʼalaj le sukuʼun tiʼ u j-xoknáal utiaʼal u yeʼesik jeʼel u páajtal u kaʼa tsʼaʼabal xook tiʼ kéen máanak kʼiineʼ?