Xeen tiʼ baʼax ku taasik

Xeen tu cuadroil baʼax ku taasik

U testigoʼob Jéeoba

Yéey u idiomail maaya

 KUXLAKOʼON JEʼEX CRISTOEʼ

Bisaba yéetel máaxoʼob u yaabiltmoʼob Jéeoba

Bisaba yéetel máaxoʼob u yaabiltmoʼob Jéeoba

¿Baʼaxten maʼalob ka k-bisba chéen yéetel máaxoʼob u yaabiltmoʼob Jéeoba? Tumen le máaxoʼob yéetel k-bisikbaoʼ jeʼel u péeksikoʼon k-beet baʼax maʼalobeʼ wa jeʼel xan u péeksikoʼon k-beet baʼax kʼaaseʼ (Pr 13:20). Le rey Joasoʼ «toj úuchik u kuxtal» teʼ kʼiinoʼob táan kaʼach u biskuba yéetel le sacerdote Joiadaoʼ (2Cr 24:2). Chéen baʼaleʼ ka kíim Joiadaeʼ, Joaseʼ xuʼul u meyajtik Jéeoba tumen káaj u biskuba yéetel máaxoʼob maʼ unajiʼ (2Cr 24:17-19).

Teʼ yáax siglooʼ, apóstol Pabloeʼ tu ketaj u múuchʼulil Dios yéetel «junpʼéel nojoch naj». Le máaxoʼob yanoʼob ichil le múuchʼuliloʼ beyoʼob «nuʼukuloʼob» de kʼateʼ. Wa k-kanáantik máax yéetel k-bisikba teʼ múuchʼulil bey xan ichil k-láakʼtsiloʼobeʼ yaan k-pʼáatal bey jeʼex «junpʼéel nuʼukul ku meyaj utiaʼal baʼax maʼalobeʼ» (2Ti 2:20, 21). Le oʼolaleʼ koʼoneʼex ilik k-bisikba yéetel máaxoʼob u yaabiltmoʼob Jéeoba yéetel jeʼel xan u yáantkoʼon k-maas k-meyajteʼ.

CHAʼANT LE VIDEO BIX JEʼEL K-NÁACHTAL TIʼ MÁAXOʼOB MAʼ U YAABILTMOʼOB JÉEOBAEʼ, TSʼOʼOLEʼ NÚUK LE KʼÁATCHIʼOBAʼ:

  • ¿Bix jeʼel k-máansik tiempo yéetel máaxoʼob maʼatech u meyajtikoʼob Jéeoba sin ke k-tsʼáaik cuentaeʼ?

  • ¿Baʼax áant le óoxtúul sukuʼunoʼob utiaʼal u xuʼulul u biskubaʼob yéetel máaxoʼob maʼ unajiʼ?

  • ¿Baʼax tekstosil tiʼ le Biblia jeʼel u yáantkoʼon k-yéey máax yéetel ken k-bisbaoʼ?

¿Beyen wa «junpʼéel nuʼukul ku meyaj utiaʼal baʼax maʼalobeʼ»? (2Ti 2:21).