Skip to content

Skip to table of contents

Zimbangi zi Yave

Select language Ibinda

Byuvu Bi Mintangi

Byuvu Bi Mintangi

Boti dibakala ayi nkyeto bakhambu ba bakwela bavyokisidi bwilu va kimweka mu khambu kibila, muna mansundula ti bawu babe vola disumu ayi bafweti kota mu lufundusu na bakulutu ba kimvuka?

Ngete, kuvyokisa bwilu va kimweka baveka, kidi kivisa kifwana mwingi kumonisa ti bawu babe vanga kitsuza. Diawu, boti vasi ko kibila kinkinza kimmonisa kibila bavangidi mawu, buna bafweti kota mu lufundusu na bakulutu ba kimvuka.​—1 Kolinto 6:18.

Dingumba di bakulutu ba kimvuka bafweti fyongunina bumboti kadika dyambu mwingi kuzaba ti bafweti natisa zikhomba beni mu lufundu voti ndamba. Bawu balenda yindula byuvu abibi: Zikhomba beni makangu badi? Bakulutu ba kimvuka bamana kala yawu mwingi kuba vana malongi matedi phila ba kuyikyebilanga? Kibila mbi bawu babe vyokisila bwilu va kimweka? Bawu babaka makani ma kuvanga mawu thama? Bawu basa bwe baka ko dyambu dinka di kuvanga? Voti dyambu dingolo dibe monika, dedi mambu maphamuka voti ma babe khambu kana? Voti dyambu dinkaka dibe bavanga kukhambu zaba manka ma kuvanga mwingi bavyokisa to bwilu va kimweka? (Mpovi 9:11) Kwidi babe lala? Mambu diswasana madi mu kadika mutu, diawu, vadi mambu mankaka bakulutu bafweti tomba theti kuzaba ava babaka makani ma tsuka.

Ba kumana fyongunina mboti mambu moso amomo, bosi bala zaba ti bafweti bakotisa mu lufundusu voti ndamba.