Skip to content

Skip to table of contents

Zimbangi zi Yave

Select language Ibinda

 Malongi 4

Yesu Klisto nan’e?

Yesu Klisto nan’e?

Ǹtindu mbi binkadulu bi vanga Yesu ku ba muntu wu ǹyambanga babonso’e?—MATAI 11:29; MALAKO 10:13-16.

1. Luzingu lu Yesu, bwidi lu tonin’e?

Yesu luvyakunu ka ba ayi bantu va ǹtoto kibila nandi wu ba muntu wu kimpeve ku diyilu, bosi ko ka butuka va ǹtoto. (Yoane 8:23) Yesu nandi kivangu ki nteti ki Nzambi ayi wu ǹsadisa mu kuvanga byuma bi ǹkaka. Nandi to Yave ka vanga nafeka dyawu ka zabikini mwana wu “mosi kaka” wu Nzambi. (Yoane 1:14) Yesu wu sala buka Ḿvuala wu Nzambi, dyawu ba kuntedilanga “Dyambu”.Tanga Zingana 8:22, 23, 30; Kolosai 1:15, 16.

2. Kibila mbi Yesu ka yizila va ǹtoto’e?

Nzambi wu botula luzingu lu Mwan’andi ku diyilu, ayi wunfidisa va ǹtoto mo ka butikila mu mwana ndumba wu ba tedila Malia. Angi, Yesu kasa ba ko tata yi ǹsuni va ǹtoto. (Luka 1:30-35) Nandi ka yizila va ǹtoto (1) mu ku longa kyedika kitedi Nzambi, (2) mu ku tu monisa kifwani bu tu lenda vangila luzolo lu Nzambi ayi bwidi tu lenda kindimina mu malema ma tu kwizilanga,ayi (3) mu ku vana, mwel’andi mu kibila ki masumu mitu.Tanga Matai 20:28.

3. Kibila mbi tu ntombila ḿvulusu’e?

Nkudulu, yawu ntalu yi futu mu ku kula bantu badi mu kivika ki lufwa. (Esodu 21:29, 30) Lufwa ayi ku nuna masa ba ko mu zinkanu zi Nzambi bu ka vanga bantu. Bwidi tu zabila maw’e? Kibibila kintuba ti, Nzambi wu kamba dibakala di nteti Adami ti, na ku kuvola disumo wala kwiza fwa. Dyawu ti Adami kasa sumuka ko, nkanu kasa fwa ko. (Ngenesi 2:16, 17; 5:5) Dyambu di Nzambi di tu kamba ti lufwa “luakikotila” mu bantu bonso, mu  kibila ki Adami. Adami wu tambikisa disumu, ayi lusingu lu disumu, lufwa, mu bana bandi. Dyawu befu ka bonso tu ǹtombilanga ḿvulusi, mo ka tu kula mu lufwa, lu tu tambikisa Adami.Tanga Loma 5:12; 6:23.

Nani wu lenda ku ki vana, mu ku tu kula mu lu lufw’e? Lufwa ḿfutu wu masumu mitu. Bo tu sumuka, tu lenda futa ko masumu ma muntu wu ǹkaka.Tanga Minkunga 49:7-9.

4. Kibila mbi Yesu ka fwil’e?

Na Yesu na befu diswasana didi kibila nandi kasa sumuka ko. Dyawu nandi kasa fwila ko mu masumu mandi—kibila wu lunga. Angi Yesu wu fwila mu masumu ma bantu ba ǹkaka. Nzambi wu monisa luzolo lu lutidi mu bantu dyawu ka fidisila mwan’andi bwingi ka fwila mu kibila kitu. Yesu ḿvandi wu monisa luzolo mu ku tumamana tat’andi, dyawu ka vanina mwel’andi mu kibila ki masumu mitu.Tanga Yoane 3:16; Loma 5:18, 19.

5. Mbi Yesu kadi mu kuvang’e?

Yesu bu ka ba va ǹtoto wu belusa zimbevo, wu ḿvulubukisa ba fwa ayi wu lembika malema ma bantu. Kyawu kifwani ka monisina ma kala vanga mu bantu ba wilukilanga Nzambi. (Matai 15:30, 31; Yoane 5:28) Buna Yesu ka fwa, Nzambi wu ḿvulubukisa mweni muntu wu kimpeve. (1 Petolo 3:18) Angi Yesu wu telimina ku nkonzo lu bakala lu Nzambi, ti ka baka ǹswa wu kutuma va ǹtoto mweni ǹtinu. (Ebeleo 10:12, 13) Ntangu ayiyi nandi widi mu kutuma ku diyilu ayi balongisi bandi bansamuna nsangu yi mbote mu ǹza yimvimba.Tanga Danieli 7:13, 14; Matai 24:14.

Ntangu yi nkufi yi syedi, mu luyalu lwandi mweni ǹtinu, Yesu wala manisa zimpasi ayi ba ǹtwadisanga zyawu. Babonso ba monisanga mana mu Yesu mu ku ǹtumamana bala zinga ku paladizu va ǹtoto.Tanga Minkunga 37:9-11.