Skip to content

Skip to table of contents

Zimbangi zi Yave

Select language Ibinda

 Malongi 13

Bwidi bwela sundukila bingang’e?

Bwidi bwela sundukila bingang’e?

1. Binganga byoso bidi bi mboti’e?

Mu binganga byoso mu lenda bakana bantu ba lufyatu. Kuzaba ti Nzambi wu monanga bantu bonso badi mu binganga, ayi wu ba vwilanga ǹkinza, yidi nsangu yimbote. Angi binganga bi mana ba ǹzila yi vangila mambi. (2 Kolinto 4:3, 4; 11:13-15) Bisengo bi tyamuna nsangu bimonisa ti mabundu mawombo bankotanga mu mangumba mamvondisanga bantu, matingu ayi kuvanga mambu ma kambu fwana mu bana ba bilezi. Mambu a momo, ma monisanga kyadi kwidi bantu bankikininanga Nzambi!Tanga Matai 24:3-5, 11, 12.

Kinganga ki kyedika ki kembisanga Nzambi, angi bi luvunu bi ku ḿvanganga ku ba kyunda. Bawu ba ǹlongisanga malongi ma nkembu mu kibibila, bambundisanga malongi ma luvunu matedi mu Nzambi ayi bafwa. Yave zoleze, bantu babonso ba zaba kyedika ki tedi mu nandi.Tanga Yehezekeli 18:4; 1 Timoteo 2:3-5.

2. Bwidi bwela sundukila bingang’e?

Nzambi ka lenda vunuka ko mu mabundu ma ǹtubanga ti ba zolele Nzambi, angi mu nkati ǹtima bawu ba ǹzolanga ǹza yi Satana. (Yakobi 4:4) Dyambu di Nzambi dintuba ti binganga byonso bi luvuno byawu bidi buka Babiloni dinneni. Yawu yi ba nsi yi tonina binganga bi luvunu bo nkuka minlangu yiyi nene yi vyoka mu bilumbu bi Nowa. Ntangu yi lwelo yi syedi mo Nzambi ka manisa binganga byoso bi luvunu bi ǹkandiminanga bantu mu kuvanga luzolo lu Nzambi.Tanga Nzaikusu 17:1, 2, 5, 16, 17; 18:8.

Nsangu yimbote yi sa sukila ko a vo. Yave kasa zimbikina ko bantu ba lufyatu ba nsasakana mu binganga bi luvunu bidi mu ǹza yimvimba. Nandi widi mu kulonga kyedika mu bantu bonso ayi widi mu ku ba sadisa botuka mu binganga bi luvunu.Tanga Mika 4:2, 5.

Kinganga ki kyedika kidi mu kubudisa bantu baba kintwadi

 3. Mbi bantu ba lufyatu bafweni ku vang’e?

Yave wu ḿvwilanga ǹkinza mu bantu bantomba zaba kyedika ayi kuvanga mambote. Nandi wu ba kamba ba bika binganga bi luvunu. Bantu ba ǹzolanga Nzambi ba ǹkikininanga ku balula mi ǹtima myawu ayi kuvanga luzolo lwandi.Tanga Nzaikusu 18:4.

Baklisto ba nteti bo ba samuna nsangu zimbote, bawombo ba ba mintima mi vedela ba kikinina mu zinyenze. Yave wu ba longikisa zinkadulu zi mona zi lutidi mbote zi ba vana mayangi, dyana ayi tsundu yi luzingu. Bawu badi bifwani bimbote mu befu, kibila ba kikinina mambu ma Nzambi ayi ba tula mawu va nteti mu luzingu lwawu.Tanga 1 Tesalonika1:8-9; 2:13.

Yave wu yambanga mu dikanda dyandi di kimpevi, bantu ba ḿbika mabundu ma luvunu. Ngye kuvitika mbila yimbote yi Nzambi, beki mpwasa yi kubela ǹkundi’andi, ove beki bu ku bela mu dikanda dimona di luzolo di bantu ba Yave ayi wala baka luzingu lu ḿvu ka ḿvu.Tanga Malako 10:29, 30; 2 Kolinto 6:17, 18.

4. Mu kibila mbi nsukulu binganga bi luvunu yididi nsangu yimboti’e?

Mu mbungulu yi mabundu ma luvunu, Nzambi wala twala malembi mu ǹza yimvimba. Bawu ba lenda be vuna ko ayi kuvasa makanda mu ǹza. Bantu ka bonso bala ba kintwadi mu kusambidila Nzambi yi mweka to yi kyedika.Tanga Nzaikusu 18:20, 21; 21:3, 4.