Skip to content

Skip to table of contents

Zimbangi zi Yave

Select language Ibinda

 Malongi 10

Bwidi ngyewu lenda zabila kinganga ki kyedik’e?

Bwidi ngyewu lenda zabila kinganga ki kyedik’e?

“Lukikenga mu mbikudi mialuevunu.”—MATAI 7:15.

“Bantambudilanga, vo bazeyi Nzambi, kansi bakunkadilanga nkalu mu mavanga.”TITO 1:16.

1. Vadi kinganga ki mweka to ki bu kyedik’e?

Yesu wu longisa mi milongisi myandi dibundu di mosi kaka di kyedika. Dyawu, didi banga ǹzila yi luzingu. Yesu wu tuba “bafiuma bena basolulanga yo.” (Matai 7:14) Nzambi wu ǹkikininanga to zi sambululu zi sungama mu Dyambu dyandi di kyedika. Babonso ba ḿbongiminanga Nzambi mu bu kyedika badi ba bundana mu kiminu ki mweka.Tanga Yoane 4:23 24; 14:6; Efeso 4:4, 5.

2. Mbi Yesu ka tuba mu matedi baklisto ba luvunu’e?

Yesu wu lwengisa ti baklisto ba luvunu bala vukumuna baklisto ba kyedika. Kibila va mbata, bawu ba monikinanga banga baklisto ba kyedika ba Nzambi. Binganga beni bankikininanga ti bawu baklisto ba kyedika. Angi tu lenda zaba ti bawu basiko baklisto ba kyedika. Mu mbi’e? Kibila sambululu yi kyedika yintwalanga ba klisto ba mbote ba monisanga ǹzingulu ove zinkalulu zimbote, zi ǹzolanga bantu.Tanga Matai 7:13-23.

3. Bwidi wu lenda zabila baklisto ba kyedik’e?

Tala zi mpila zi tanu zi fweti zabila:

  • Baklisto ba kyedika, bankinzikanga kibibila kibila kyawu dyambu di Nzambi. Bawu ba ḿvanganga mangolu mu kuzingila mu minswá mi Nzambi. Dyawu dibundu di bu kyedika diswasana didi ayi dibundu di luvunu didi mayindu ma bantu. (Matai 15:7-9) Mimbongimini mi kyedika, ba longanga ko manka yeka sadila manka.Tanga Yoane 17:17; 2 Timoteo 3:16, 17.

  •   Minlandikini mi Yesu mi kyedika ba ǹzitusanga dizina di Nzambi, Yave. Yesu wu zitusa dizina di Nzambi bo ka zabikisa dyawu kwidi bantu. Wu sadisa bantu mu kuzaba Nzambi ayi wu ba sudikila bwidi bu kunsambidilanga mu dyambu dizina di Nzambi diba dinlongo. (Matai 6:9) Va wu kala,dibundu mbi di ǹsamunanga dizina di Nzambi’e?Tanga Yoane 17:26; Loma 10:13, 14.

  • Baklisto bakyedika bansamunanga kintinu ki Nzambi. Yave wu fidisa mwan’andi Yesu kasamuna ǹsamu wu mbote wu tedi kintinu ki Nzambi. Kintinu ki Nzambi kyawu bantu bansilanga dyana. Yesu wu longa mu matedi kintinu ki Nzambi ti ka fwa. (Luka 4:43; 8:1; 23:42, 43) Nandi wu tuba ti ba klisto bakyedika bela samuna kintinu ki Nzambi. Ngye ku mona muntu ku ǹzo’aku wunkwiza kulonga mu matedi kintinu ki Nzambi, mu mpil’aku, dibundu mbi kadi’e?Tanga Matai 24:14.

  • Baklisto ba kyedika ba kotanga ko mu mambu ma ǹza. Ngye wu lenda ba zabila kibila bawu ba landakananga ko ove ba kotanga ko mu zi ntumunu zi luvunu zi mintinu mi ǹza ayi mu lulendu lu makanda ma ǹkaka. (Yoane 17:16; 18:36) Mvawu ba landakananga ko zindyatulu zi bantu ba ǹza voti mavanga mawu mambi, malenda ku tu tula kimtatu na Yave.Tanga Yakobi 4:4.

  • Baklisto ba kyedika ba zabakana mu luzolo luawu kwidi ba ǹkaka. Bawu ba longuka mu dyambu di Nzambi kukinzika wosokwa muntu. Mabundu ma luvunu bambwelanga myoko mu kutwadisa mimvita mu bantu, angi baklisto ba kyedika ba ma vanganga ko. (Mika 4:1-3) Bamonisanga diswasana mu mpila ba kivenanga mu kusadisa ayi kukindisa banka ove bu bankabilanga bima byawu mu ba nkembo.Tanga Yoane 13:34, 35; 1 Yoane 4:20.

4. Wu lenda bakula dibundu di kyedik’e?

Dibundu mbi di ǹlandakananga matanga ma kibibila, di ǹkinzikanga dizina di Nzambi ayi di ǹsamunanga ti dyana di bantu di fweti ba mu kintinu ki Nzambi’e? Dingumba mbi di nkambu bwelanga myoko mu mimvit’e? Mu mpil’aku ba nani’e?Tanga 1 Yoane 3:10-12.