Skip to content

Skip to table of contents

Zimbangi zi Yave

Select language Ibinda

 Malongi 15

Mu kibila mbi ngyewu wu lenda bika ko longuka matedi Yave?

Mu kibila mbi ngyewu wu lenda bika ko longuka matedi Yave?

1. Mbi wala baka ngye kutatamana longuka kibibil’e?

Bu kyedika ti ǹkadu malongi ma kibibila be visa mu mwa buku ayiyi ma kindisidi kubwela luzolo lwaku mu Yave. Luzolo beni lu fweni bwelamanga mu ntangu ka ntangu. (1 Petelo 2:2) Dyana dyaku di kubakila luzingu lu ḿvu ka ḿvu lutedi mu tatamana kufikama Nzambi mu kulonguka kibibila.Tanga Yoane 17:3; Yuda 21.

Buna bu wumbwedila zaba dyambu di Nzambi, buawu kiminu kyaku ki mbela ǹgolo. Kiminu beni kilenda ku kusadisa ku kwangidika Nzambi. (Ebeleo 11:1, 6) Kibila ki lenda ku tu vangusa vilula madyela ayi tu balula ǹzingulw’yitu.Tanga Mavanga 3:19.

Ngyewu wu lenda kota mu kintwadi na Yave ki lutidi ǹkinza

2. Bwidi luzabu lwaku mu Nzambi lu lenda sadisila bankak’e?

Ma budedi ti ngyewu wumtomba kamba bankaka zi nsangu zi mbote zi ma malonguka. Kukamba ba ǹkanka zi nsangu zimbote, zi ma longuka, yawu mpila yi kusadila malongi beni ayi monisina kiminu kyaku mu Yave.Tanga Loma 10:13-15.

Bawombo ba ǹtoninanga kusamuna, kwidi bakundi ayi badi va dikanda mu matedi mbote yi mambu ma ka ma longuka. Fweni ku ba kambila mu dyela. Bika kutuba ti kinganga kyandi ki luvunu angi ǹkamba matedi zinkanu zi Nzambi. Fweti zaba ti bantu ba ǹtalanga ma tumvanganga kubika ma wu ǹlonga.Tanga 2 Timoteo 2:24, 25.

3. Kintwadi mbi ngyewu lenda ba na Nzambi’e?

Kulonguka dyambu di Nzambi dilenda ku kusadisa mu kukonzuka mu kimpevi. Ku ǹtwala, ngyewu wuala vanga kintwadi kilutidi mbote na Yave. Bukyedika ti wu lenda ba muntu wu dikanda dyandi.Tanga 2 Kolinto 6:18.

 4. Bwidi ngyewu lenda konzukila mu kimpevi’e?

Buna bu wu bwedila kulonguka dyambu di Nzambi, bwa buna wu ǹkonzukila mu kimpevi. (Ebeleo 5:13, 14) Dinda lusalusu kwidi Mbangi yi Yave, mu dyambu wu longuka yandi mu matedi kibibila mu buku O Que a Bíblia Realmente Ensina? Buna bu wu ǹlongukila dyambu di Nzambi bwa buna luzingu lwaku lu ǹsungimina bumbote.Tanga Minkunga 1:1-3; 73:27, 28.

Zi nsangu zimbote zi fumini kwidi Yave, Nzambi yi mayangi. Ngye kutula kinkundi ayi dikanda dyandi wu lenda fikama Yave. (Ebeleo 10:24, 25) Ngye ku tatamana kuvanga mangolo mu kwangidika Yave, bwa buna wu monisina ti wu nwanina luzingu lu kyedika—luzingu lu ḿvu ka ḿvu. Kufikama Nzambi, dyawu dyambu di lutidi ǹkinza wu lenda vanga.Tanga 1 Timoteo 1:11; 6:19.