Skip to content

Skip to table of contents

Zimbangi zi Yave

Select language Ibinda

 Malongi 14

Kibila mbi Nzambi kadidi ǹkangu wu lulame?

Kibila mbi Nzambi kadidi ǹkangu wu lulame?

1. Kibila mbi Nzambi ka ludikila Isaeli yi nkulu’e?

Nzambi wu ludika bana ba Abalami, ayi wu ba kitula dikabu dyandi ka vana zi ntumu. Dikanda beni wu vana dyawu dizina “Isaeli” ayi wu ba fyatila kisalu ki ku keba sambulu yi kyedika ayi dyambu dyandi di ka ba vana. (Minkunga 147:19, 20) Dyawu, bantu mu ǹza yimvimba, nkanu basemwa mu ǹzila bana ba Isaeli.Tanga Ngenesi 22:18.

Nzambi wu sola bana ba Isaeli mo ba ba zimbangi zyandi. Kinonongo kyawu kitu monisa ḿfutu wu ku tumamana mu zi ntumu zi Nzambi. (Deutelonomi 4:6) Dyawu ti kulandakana kifwani ki bana ba Isaeli, nkanu bantu mu ǹza yivimba bazaba Nzambi yi kyedika.Tanga Yesaya 43:10, 12.

2. Kibila mbi Baklisto ba kyedika ba kadila ba lulame?

Mu vyokila ntangu bana ba Isaeli basa kwikama ko dyatila mu lutumu lu Yave Nzambi. Buawu Yave ka vingisila Kimvuka ki Baklisto. (Matai 21:43; 23:37, 38) Ba vinginina bana ba Isaeli Baklisto ba kyedika banzabakana zimbangi zi Yave mu bilumbu bitu.Tanga Mavanga 15:14, 17.

Yesu wu twadisa minlongusi myandi mo ba longa ayi ba kitula bantu mu zi nsi zyoso minlonguki myandi. (Matai 10:7, 11; 24:14; 28:19, 20) Kisalu bene kyamvitila va kiteso kifwana mu ntangu yi tsukulu ǹza. Yawu yiyi mbandu yi nteti ma me monika, Yave wulembu bundisa mafunda na mafunda ma bantu mu ǹza yimvimba mu lusambulu lu kyedika. (Nzaikusu 7:9, 10) Baklisto ba kyedika ba kala ba lulama bwingi kukindisa bankaka ayi ku ba sadisa. Mu ǹza yimvimba banlandakananga malongi ma mweka mu zinkutukunu zyawu.Tanga Ebeleo 10:24, 25.

 3. Bwidi ntangu ayiyi ǹkangu wu lulama wu Zimbangi zi Yave wu tonin’e?

Mu ḿvu 1870, mwa dingumba di zabakana Minlonguki mi Kibibila batona ku bakula kyedika mu mambu mawombo matedi mu Kibibila ma bantu bawombu ba zimbakana kumbusa. Bazaba ti Yesu wu nkupika Kimvuka kyandi mo ba longa. Dyawu ba yivana mu kulongisa kintinu mu ǹza yimvimba. Mu ḿvu 1931 ba yiza zabakana dizina Zimbangi zi Yave.Tanga Mavanga 1:8; 2:1, 4, 11; 5:42.

4. Bwidi Zimbangi zi Yave badi ba lulimin’e?

Baklisto ba nteti mu bilumbu byawu, mu Bimvuka byoso ba baka Nanga wa kwikama ayi bawu bazaba ti Yesu ǹtu wu Kimvuka. (Mavanga 16:4, 5) Bo buawu mu ntangu’yitu, Zimbangi zi Yave mu ǹtoto woso bambakanga twadusulu yi Nanga wu Kwikama, mwidi Bankulutu bandwenga. Bawu ba ǹkengidilanga Zibeteli zi Zimbangi zi Yave, ku bansekulanga bilongulu bi kibibila mu 600 ki zimbembo, bambasisanga miwombo ayi bankabulanga myawu. Dyawu Nanga wa kwikama ka lenda fila nkindusulu yi kibibila ayi ntwadusu kuvyoka 100 di biveve di bimvuka mu ǹtoto wumvimba. Mu kadi Kimvuka mwidi Bankulutu ba Kimvuka. Babakala beni, bankyebanga mamemi ma Nzambi mu luzolo.Tanga 1 Petelo 5:2, 3.

Zimbangi zi Yave ba kubama ba kala mu ku samuna nsangu zimbote ayi ku vanga minlongisi. Banga zimvwala ove ba Postolo, bawu bansamuna mu ǹzo ka ǹzo. (Mavanga 20:20) Ayi ba kivananga mu kulongisa kibibila bantu ba lufyatu ba zoleze kyedika. Angi Zimbangi zi Yave basiko to ǹkangu wu lulama vayi, didi dikanda di tata yi luzolo. Muawu mwidi bankomba ba babakala ayi ba bankyeto, bamvwilanga ǹkinza bawu na bawu. (2 Tesalonika 1:3) Tu mona ti, Zimbangi zi Yave basiko divunza mu kuvanga luzolo lu Nzambi ayi mu kusadisa bankaka, kyawu kibila badidi dikanda di mayangi va ǹtoto.Tanga Minkunga 33:12; Mavanga 20:35.