Skip to content

Skip to table of contents

 MALONGI 11

Bwidi minswa mi kibibila milenda ku tusadisil’e?

Bwidi minswa mi kibibila milenda ku tusadisil’e?

1. Mu kibila mbi tu ntombilanga twadusulu yi Nzambi’e?

Bwidi minswa mi Kibibila milenda ku tu sadisila ku ba na lwako lu ku yikyeba?​—MINKUNGA 36:9.

Ḿvang’yitu lutidi ǹdwenga ayi befu. Banga tata yi luzolo, nandi wu tu kyebanga. Nzambi kasa tu vanga ko tu yitumanga. (Yelemia 10:23) Banga mwana wu ǹtobanga ntwadusulu yi tat’andi, buawu twididi befu babonso tu ǹtombanga ntwadusulu yi Nzambi. (Yesaya 48:17, 18) Ntwadusulu yi tumbakanga mu minsiku mi kibibila, yawu nkayilu wu Nzambi.​—Tanga 2 Timoteo 3:16.

Zintumu ayi minswa mi Yave zi tu longisa bu zingila bu mbote mu ntangu’itu ayi zi monisa bwidi tu fweni kubakila luzingu lu ḿvu ka ḿvu kuntwala. Nzambi nandi wu tu vanga, dyawu bu mbote kwandi befu mu kuntonda ayi kunkwangidika mu dyela di ka tu twadisila.​—Tanga Minkunga 19:7, 11; Nzaikusu 4:11.

2. Mbi byo minswa mi Kibibil’e?

Minswa mi Kibibila midi kyedika kimfunu beni ki mbikilanga muntu ka muntu ka sadila mayindu mandi mo ka sobula mbote ayi mbi. Angi minsiko, kyedika kinkwikanga mo tu fweti vanga ove manga vanga mu ntangu yi fwana. (Deutelonomi 22:8) Tu fweti bika mayindu mitu ma sala mbote mu dyambu kuvisa bwidi bu ku mi zingila ti tu be bwa mu mambu. (Zingana 2:10-12) Kibibila ki tu longa ti luzingu nkayilu wu Nzambi. Ǹdwenga yidi mu ǹswa awowo wu lenda ku tu sadisa mu bisalu, mu luzingu lwitu, mu zi ǹzo voti bu tu kwendanga mu makalu. Myawu milenda ku tu kyeba.​—Tanga Mavanga 17:28.

3. Minswa myodi mbi mi lutidi ḿfunu’e?

Minswa myodi Yesu ka tuba midi ḿfunu. Wu nteti wu monisa kibila ki tu vangulu—tu zaba Nzambi, tunzola ayi tum sadila mu ǹtima woso. Ǹswa beni wu nteti tu fweti kuyindulanga beni mu nzengulu yi mambu mitu. (Zingana 3:6) Bantu bonso ba ntumamananga mu minswa mi Nzambi mu bu kyedika  bala ba bakundi bandi, ayi bala zinga ḿvu ka ḿvu va ǹtoto.​—Tanga Matai 22:36-38.

Ǹswa wu mwadi wu lenda ku tu sadisa kuzingila mu malembe ayi bantu ba ǹkaka. (1 Kolinto 13:4-7) Mo tu zingila mu minswa beni, tu fweti landakana kifwani ki Nzambi mu kubedika bantu.​—Tanga Matai 7:12; 22:39, 40.

4. Bwidi minswa mi kibibila mi tu sadisilang’e?

Minswa mi kibibila mi ǹlongisanga ǹgwizani va makanda ayi luzolo. (Kolosai 3:12-14) Dyambu di Nzambi di lenda kyeba makanda, mu malongi voti minswa mi ǹkaka mi monisa ti di kwela kintwadi ki kandalala.​—Tanga Ngenesi 2:24.

Befu kulandakana minswa mi Kibibila, mi lenda ku tu sadisa ku kyeba mu matedi ki ǹsuni ayi mabanza. Tala kifwani ki zi mfumu zi bisalu. Bawu ba ǹtombanga ba nsala yawu baba bantu ba ǹlandakananga minsiku mi kibibila mu dyambu baba ǹzaki-ǹzaki mu kisalu ayi bantubanga kyedika. (Zingana 10:4, 26; Ebeleo 13:18) Dyambu di Nzambi di tu longisa kumonanga mayangi mu kyosu kwa kima tu ḿbaka vayi tu fweti tula va nteti kintinu ki Nzambi.​—Tanga Matai 6:24, 25, 33; 1Timoteo 6:8-10.

Kuzingila mu Minsiku mi Kibibila milenda ku tu kyeba mu luzingu lwitu. (Zingana 14:30; 22:24, 25) Befu kutumamana mu minsiku mi tedi mu kunwina ǹgolo, si tu kyeba mu bimbevo bi ǹgolo ove kudukuka mu makalu. (Zingana 23:20) Yave ka yiminanga ko kunwa malavu, angi ma fweti nwinu mu kiteso kifwana. (Minkunga 104:15; 1 Kolinto 6:10) Bwisiko mu ku tomba buvinya baklisto ba kyedika ba ḿwilukilanga Nzambi angi mu dyambu ku zitusa Yave.​—Tanga Matai 5:14-16.