Skip to content

Skip to table of contents

Zimbangi zi Yave

Select language Ibinda

 Malongi 9

Bwidi dikanda dyaku di lenda bela mayangi’e?

Bwidi dikanda dyaku di lenda bela mayangi’e?

1. Dikanda dyaku, dilenda ba mayangi ngye ku kwela mu ǹtinu’e?

Yave, widi Nzambi yi zi nsangu zimbote, nandi Nzambi yi mayangi ayi wuntomba ti makanda monso ma ba mayangi. (1 Timoteo 1:11) Nandi wu kwedisa dikwela di nteti. Dikwela dinzabakana kwidi zimfumu bi ǹza di lutidi twala mayangi va dikanda, kibila dibakala voti ǹkyeto ayi bana ba kala luvovomu. Baklisto ba fweni ku kinzika minsiku mitedi mu kukwela mu bimfumu bi ǹza.Tanga Luka 2:1, 4, 5.

Bwidi Nzambi ka mwenanga dikwel’e? Nandi wuntomba kintwadi ki dibakala ayi nkyeto ki ba kisonga ove ba monisananga lufyatu. (Ebeleo 13:4) Nandi kasa tya ko luvambanu lu makwela. (Malaki 2:16) Kitsuza kyawu to kibila Yave ka lenda kikinina luvambunu lu dikwela ayi mu kubikila dikwela di ǹkaka di mona.Tanga Matai 19:3-6, 9.

2. Bwidi dibakala ayi nkyeto ba fweti yikyebasanang’e?

Yave wu vanga dibakala ayi nkyeto mo ba sadisinanga va dikwela. (Ngenesi 2:18) Dibakala bo kadi mfumu dikanda, zitsatu zi ǹsunyi ove zi kimpevi, nandi fweti twadisa zyawu, kibila nandi Ǹtu. Dibakala fweti monisa luzolo mu ǹkazi’andi banga muntu wu kimanga. Ǹkazi voti Ǹnuni ba fweti yi monisinanga lukinzu ayi luzolo va dikwela. Bawu badi bantu ba masumu, dyawu ba fweti longuka ku yilemvukilanga mu dyambu kutwala mayangi va dikwela.Tanga Efeso 4:31, 32; 5:22-25, 33; 1 Petelo 3:7.

3. Kuvambana, diyindu di mbote ti ngyewu wisiko mayangi va dikwel’e?

Ti va dikwela dinu mambu mambi lumona, vang’anu mangolo mu kumonisa luzolo. (1 Kolinto 13:4, 5) Dyambu di Nzambi disi ǹtuba ko, ti luvasanu yawu ḿbanusunu yi   mambu ma monikanga mu makwela.Tanga 1 Kolinto 7:10-13.

4. Mbi Nzambi ka ǹtomba mu beno ban’e?

Yave wumtomba beno bana mu ba mayangi. Nandi wumvananga malongi ma luvalu mo bazaba bwidi ba fweti kunatina luzingu bo ba nkidi bantweni. Nzambi wuntomba ngyewu wu baka ǹdwenga ayi wu bonga ǹtungulu wu matata maku. (Kolosai 3:20) Yave ḿvang’yitu wumtomba beno mu ba mayangi ma kuvanga luzolo lwandi ayi lu mwan’andi.Tanga Mpovi 11:9–12:1; Matai 19:13-15; 21:15, 16.

5. Matata, bwidi beno mu fwene kusadisila bana binu ba yangalal’e?

Beno lu fweti vanga mangolo mu kusala mo ba baka bi dya, ǹzo ayi mimvwatu mo bana binu. (1 Timoteo 5:8) Mo bana ba ba mu mayangi beno mu fweti ku ba longa kuzola Nzambi ayi kuvisikisa ma katidi. (Efeso 6:4) Kifwani kyaku mu kumonisa luzolo kwidi Nzambi kilendi nyikuna ǹtima wu bana baku. Ti malongi wu ba vananga madi mu kibibila ma lenda ku ba sadisa ku ba mayindu mamboti.Tanga Deutelonomi 6:4-7; Zingana 22:6.

Bana baku bala kwangalala ngye ku ba kindisa ayi ku ba tondanga. Bawu mvawu bantobanga twadusulu ayi malongi. Ǹdongukulu beni yi lenda ba vukisa mu mavanga mambi ma ǹtomba kubotula mayangi mawu. (Zingana 22:15) Malongi bene malenda ba ko mankemo ove lukasu.Tanga Kolosai 3:21.

Zimbangi zi Yave banyamikisanga ḿboyo zi buku, zyawu zi ǹsadisanga matata ayi bana. Zi buku beni zibongulu mu kibibila.Tanga Minkunga 19:7, 11.