Skip to content

Skip to table of contents

Zimbangi zi Yave

Select language Ibinda

Lukanu mbi Nzambi Kadi mu Batu?

Lukanu mbi Nzambi Kadi mu Batu?

NGYE kutanga jornal, kutala televisão ayi kulandakana zitsangu mu rádio, wulenda mona voti kuwa mambu matedi buphunya, mimvita ayi mimvondi mi batu. Voti ziphasi wummona mu luzingu lwaku dedi matedi kimbevo ayi kyunda ki lufwa lu mutu wunzolanga beni..

Mawu malenda kuvanga kuyikuvusa:

  • Bukyedika ti mawu Nzambi katidi, minu ayi dikanda dyama tumonokono?

  • Kwidi yilenda bakila lusalusu mu mambu mami?

  • Bukyedika ti va ntoto vala ba malembi?

Kibibila kimvana mimvutu mi byuvu abyobyo.

 BAKA NDANDU MU MAMBU KIBIBILA KANLONGA.

  • Batu balasa bwe mona ko ziphasi, balasa bwe nuna ko ni kufwa.Nzaikusu 21:4

  • ‘Bikata bala zotuka banga khabi voti ngulungu.’Yesaya 35:6

  • ‘Meso ma ziphofo mala mona.’Yesaya 35:5

  •  Bafwa bala vulubuka.Yoane 5:28, 29

  • Vasi ko mutu wala bwe bela.Yesaya 33:24

  • Bidya byala ba biwombo va ntoto.Minkunga 72:16

 KIBIBILA KITULONGA TI NZAMBI WUNTWALA LUSAKUMUNU VA NTOTO

Bika kuyindula ti masinsalama ko mambu matanga mu zitsyelo zi theti zi buku ayiyi. Kibila Nzambi wukanikisa kuvanga mawu ayi thangu yikhufi yisyedi, nandi wambelama kumavanga. Kibibila kinsudikisa bwidi kala vangila mawu.

Kibibila kintuba mvandi mbi tufweti vanga mwingi tubaka mayangi makyedika mu luzingu. Yindula mambu wummona mu luzingu lwaku. Mawu malenda ba kukhambu ku zimbongo, mambu ma dikanda, kubela voti lufwa lu mutu wunzolanga beni. Kibibila kilenda kusadisa mu mambu amomo voti kilenda kukindisa bo wumbaka mimvutu mu byuvu abibi:

 Kuzaba ti be botula thangu mu dyambu kutanga buku ayiyi, mbonosono ti ngyewu tidi kuzaba mbi Kibibila kanlonga. Buku ayiyi yinkwiza kusadisa. Kibila kadika kitini ki matangu, kidi na kyuvu kyala kuvanga kuvisa buboti Kibibila. Bawombo bantyanga kulonguka Kibibila na Zimbangi zi Yave. Tuzebi ti mvaku wunkwiza tya kulonguka yitu. Bika Nzambi ka kusakumuna mwingi wubakula mbi Kibibila kilenda kulonga!