Skip to content

Skip to table of contents

Zimbangi zi Yave

Select language Ibinda

 KIKHUKU KI 7

Bwidi Bulongila Bana Baku

Bwidi Bulongila Bana Baku

‘Mambu amama mafweti kala mu ǹtim’aku ayi fweti longa mawu bana baku.’—Deutelonomi 6:6, 7, NW

Bo Yave kavanga dikanda, nandi wuvana matata kiyeku ki kukonzula bana. (Kolosai 3:20) Bo widi tata ove mama kiyeku kyaku, kulonga bana baba luzolo mu Yave ayi mayindu ma bunkulutu. (2 Timoteo 1:5; 3:15) Ngye mvaku fweti tomba zaba mamvyoka mu miǹtima miawu. Bukyedika ti zinkadulu zyaku zimboti, ǹtungulu wuḿfunu mu bana baku. Mpila yimboti yilongila bana baku dyambu di Nzambi, ngye kutula mawu nteti mu ǹtim’aku ayi kuma zingila.—Minkunga 40:8.

 1 BIKILA NTANGU BANA BAKU BAYOLUKA YAKU

MBI KIBIBILA KIǸTUBA: ‘Fika kuwanga; kubika fika kolukanga.’ (Yakobi 1:19, NW) Bukyedika ti ngye tidi bana baku baba mayangi mu kukoluka yaku. Diawu, bawu bafweti zaba ti wukubama widi mu kuba kuwila ba kutomba koluka yaku. Ngye kuba kuwila bo bakukamba dyoso kwa dyambu, bawu balenda kukamba mabanza mawu maǹtima. (Yakobi 3:18) Angi ba kuzaba ti wulenda kuba tundila voti kuba bula ba kutomba koluka yaku, muna balendi ko bwe kukamba mabanza mawu. Fweti ba mvibudulu mu bana baku ayi bika bamona luzolo lu widi mu bawu.—Matai 3:17; 1 Kolinto 8:1.

MBI WULENDA VANGA:

  • Bana baku bakutomba koluka yaku, lingama ayi yuwa ma baǹkoluka

  • Solulanga na bana baku bika to mu ntangu yi mambu

2 TOMBA ZABA MBI BANA BAKU BAǸTOMBA KUTUBA

MBI KIBIBILA KIǸTUBA: ‘Wuǹsadilanga dyela mu mambu, wala mona mamboti ayi mayangi.’ (Zingana 16:20, NW) Nkumbu ziǹkaka bika to kukuwa mambu ma baǹkoluka vayi tomba zaba nsundu yi mambu ma kaǹtuba. Bika kuzenga mbembo bo mwan’aku nkumbu ziǹkaka kaǹtuba mambu banga mankembu masulama kibila ‘muntu wuvutudi mvutu mu dyambu di kankambu wilukila mboti, kasi ko dyela ayi nsoni kwidi nandi.’ (Zingana 18:13) Diawu fweti vunga moyo. —Zingana 19:11.

MBI WULENDA VANGA:

  • Bosokwa bubela dyambu bana baku bakukamba, fweti lingama mwingi wuba yuwa. Bika kuba zenga dyambu di baǹkoluka

  • Yindula bo wuba mimvu ayi mpung’awu, byuma mbi waba monanga ḿfunu

 3 MONISA TI NGYEWU AYI ǸNUNI OVE ǸKAZI’AKU MAYINDU MA MWEKA MWIDI

MBI KIBIBILA KIǸTUBA: ‘Mwan’ami, wilukila malongi matat’aku ayi kawubangusa zintumu zi ngudi’aku.’ (Zingana 1:8, NW) Yave wuvana matata kiyeku ki kulonga bana. Diawu benu mufweti longa bana binu ba mukinzika ayi ba mutumamananga. (Efeso 6:1-3) Bo ti matata basi ko ‘mayindu ma mweka,’ bana baǹkaka balenda zaba. (1 Kolinto 1:10) Diawu bo ti dyambu mu nkambu dedakana mayindu, bikanu kuma kolukila vadi bana binu. Kibila bawu balenda mana lukinzu mu benu.

MBI WULENDA VANGA:

  • Dedikisanu mayindu bu longisila bana binu

  • ‘Bo ti ngyewu na ǹnuni voti ǹkazi’aku mayindu mavyakana mwidi mu matedi ndongulu yi bana, muna tomba kuzaba mbi wuǹkaka kadidi mayindu ma mpila ayoyo ayi dedikisa mayindu minu

 4 KUBIKANGA NDYATUSULU

MBI KIBIBILA KIǸTUBA: ‘Longa mwana mu nzila yikafweti dyatila.’ (Zingana 22:6, NW) Ma wuǹkwiza longa mwana mafweti ba mambu ma wukubika mu ndyatusulu malenda sadisa luzingu lwandi. Nkumbu ziǹkaka wulenda simba luswadi. (Minkunga 127:4; Zingana 29:17) Kulongisa mwana kwisiǹsundula ko to kuḿbula, vayi kuǹsudikisa kibila wukuḿbudila voti wukumvanina ǹswa beni. (Zingana 28:7) Wuba longisa baba luzolo mu dyambu di Yave ayi baba mayindu mu miǹswa myandi. (Minkunga 1:2) Mawu mala kubasadisa kuba kikansansa kimboti mu dyambu di Nzambi.—Ebeleo 5:14.

MBI WULENDA VANGA:

  • Longisa bana bazaba ti Nzambi widi ayi baba lufwatu mu nandi

  • Wuba sadisa bazaba mona diswasana ayi tina mambu mambi malenda bivisa kikansansa kiawu, dedi malenda monika mu zinzila ziǹkaka zi nkondi mayo. Monisa miǹtambu mi balenda tina banga, bantu baǹtyanga bundananga nyitu ove bumba bana balezi

‘Longa mwana mu nzila yikafweti dyatila