Skip to content

Skip to table of contents

Zimbangi zi Yave

Select language Ibinda

 KIKHUKU KI 4

Bwidi bu Kusadila Mboti Zimbongo

Bwidi bu Kusadila Mboti Zimbongo

‘Makani, maǹsikiminanga mu ndwengoso zimboti.’—Zingana 20:18, NW

Befo baboso tuǹtombanga zimbongo mwingi kusadisa zinsatu zi dikanda. (Zingana 30:8) Bukyedika ti ‘zimbongo ziǹkyebanga moyo wuvwidi ziawu.’ (Mpovi 7:12) Bakwela, nkumbu ziǹkaka mpasi ǹkadu batubila matedi zimbongo, angi ǹkinza beni mwingi ziawu zibika ba nto yi mambu va dikwela. (Efeso 4:32) Bo luḿbaka makani busadila ziawu, mufweti ba lufyatu ayi ngwizani beno babwadi.

 1 YINDULA BUBOTI AVA WUSUMBA

MBI KIBIBILA KIǸTUBA: ‘Muna nani mu beno, zolele tunga nzo wunkambu vwanda nteti ayi yindula ti ntalu yikumanisina yidi yandi?’ (Luka 14:28, NW) Ǹkinza beni ngyewu ayi ǹnuni ove ǹkazi’aku muyindudila va kimweka bwidi luǹkwiza sadila zimbogo zinu. (Amosi 3:3) Bakanu makani bi muǹtomba kusumba ayi kikwa ki zimbongo ziǹtombulu. (Zingana 31:16) Kuba zimbongo va myoko kwisiǹsundula ko ti beno mufweti sadila ziawu. Bikanu kifu ki kukotanga zimpolo, angi sadilanu to zimbogo muḿbakanga voti zidi yinu.—Zingana 21:5; 22:7.

MBI WULENDA VANGA:

  • Va nsuka ngonda va kusobila mwa lubongo, mufweti dedikisa mbi luǹkwiza sadila ziawu

  • Zimbongo zya kunkambu fwana, muna dekulanu byuma bi muǹsumba. Wulenda dekula kudila ku nganda bidya bi kusumba, angi lamba bidya ku nzo’aku

 2 TUBANGA KYEDIKA

MBI KIBIBILA KIǸTUBA: ‘Kibila tukikenganga mu vanga mambu mamboti, bika to va meso ma Yave vayi ayi va meso ma bantu.’ (2 Kolinto 8:21, NW) Zabikisa kyedika kwidi ǹnuni voti ǹkazi’aku mu zimbongo wuǹtambulanga mu kisalu kyaku.

Zabikisanga ǹnuni voti ǹkazi’aku bo ti makani maḿfunu tidi kubaka mu matedi zimbongo zinzo voti zidikanda. (Zingana 13:10) Ngwizani nketi mu mambu matedi zimbongo, yiǹtwasanga ndembama va dikwela. Zimbongo wuǹtambulanga wufweti kuzimwena zinu, bakana ko zyaku ove zyandi. —1 Timoteo 5:8.

MBI WULENDA VANGA:

  • Nsikikanu kadika muntu zimbongo zikwa kalenda sadila mu nkambu yuvusa wuǹkaka

  • Bikanu kuvingila nteti muba bisombula boso mu tubila matedi zimbongo