Skip to content

Skip to table of contents

Zimbangi zi Yave

Select language Ibinda

 DILONGO 24

Kwidi Kumbanga Zimbongo Zinsadisanga Kisalu Kitu mu nza Yimvimba?

Kwidi Kumbanga Zimbongo Zinsadisanga Kisalu Kitu mu nza Yimvimba?

Nsi yi Nepal

Nsi yi Togo

Nsi yi Grã-Bretanha

Ǹkangu’itu wu lulama wuḿbasisanga voti wuǹkabulanga mu kadi ḿvu, nkama di mafunda di Bibibila ayi bilongulu biǹkaka. Tuǹtunganga, tuǹkyebanga Zinzo zi Kiǹtinu ayi zibeteli. Tuǹkyebanga zi nsatu zi mafunda ma zibetelita, bamisyoni ayi tuǹsadisanga ba monokono kivuka. Ḿba wu yikuvusanga: kwidi kuḿbanga zimbongo beni?

Tu dindanga ko ḿfutu mu kisalu kitu, tu futisanga ko kitambuku ayi tu vangisanga ko nsinsanu. Tu zebi ti kisalu kitu ki kusamuna kiǹkwendilanga ḿboyo zimbongo, vayi tu dindanga ko ḿfutu. Dedi buḿmonisina levista A Sentinela yi ma dukisa nkama di mi ḿvu, twidi lufyatu ti Yave wu tusakumunanga ayi “tulendi dinda ko lusalusu lu muntu katufutila kisalu ki kusamuna”—ayi tumavanganga ko!Matai 10:8.

Bisalu bitu biḿvangiminanga mu minkayilu. Bawombo baǹkinzikanga kisalu kitu ki kulonga ayi baḿvananga minkayilu mwingi kubwela mangolo kisalu beni. Bafeka Zimbangi zi Yave mu nyenzi baḿvananga ntangu, mangolo mawu ayi kyuka kyawu mu dyambu bwela vangisa luzolo lu Nzambi mu ǹtoto wonso. (1 Lusansu 29:9) Mu Zinzo zitu zi Kiǹtinu ayi mu zinkutukunu zitu zi divula voti zi mavula, befu bonso tulenda vana minkayilu. Miǹsukami buka nkyeto wu fwilu ǹnuni mu bilumbu bi Yesu baḿvananga minkayilu mu bilumbu bitu, miǹsadisanga kisalu kitu ki kusamuna. (Luka 21:1-4) Dyawu wosokwa muntu wulenda ba kifu ki kuvana boso bu ka bakidi ayi ka yindudidi mu ǹtim’andi.—1 Kolinto 16:2; 2 Kolinto 9:7.

Tuzebi ti Yave wala bwela vana mangolo kwidi bo ba kuǹzitisa mu kyuka kyawu mu dyambu bwela mangolo kisalu ki Kiǹtinu, mwingi luzolo lwandi lu vangama.—Zingana 3:9.

  • Bwidi ǹkangu’itu wu lulama wididi diswasana na binganga biǹkaka?

  • Bwidi baǹsadilanga minkayilu miḿvanwanga?